Sri Mahalakshmi Kavacham 1 – ஶ்ரீ மஹாலக்ஷ்மீ கவசம் – 1

ஸ்தோத்ரநிதி → ஶ்ரீ லக்ஷ்மீ ஸ்தோத்திரங்கள் → ஶ்ரீ மஹாலக்ஷ்மீ கவசம் – 1

அஸ்ய ஶ்ரீமஹாலக்ஷ்மீ கவசமந்த்ரஸ்ய ப்³ரஹ்மா ருஷி꞉ கா³யத்ரீ ச²ந்த³꞉ மஹாலக்ஷ்மீர்தே³வதா ஶ்ரீமஹாலக்ஷ்மீ ப்ரீத்யர்த²ம் ஜபே விநியோக³꞉ ॥

இந்த்³ர உவாச ।
ஸமஸ்தகவசாநாம் து தேஜஸ்வி கவசோத்தமம் ।
ஆத்மரக்ஷணமாரோக்³யம் ஸத்யம் த்வம் ப்³ரூஹி கீ³ஷ்பதே ॥ 1 ॥

ஶ்ரீகு³ருருவாச ।
மஹாலக்ஷ்ம்யாஸ்து கவசம் ப்ரவக்ஷ்யாமி ஸமாஸத꞉ ।
சதுர்த³ஶஸு லோகேஷு ரஹஸ்யம் ப்³ரஹ்மணோதி³தம் ॥ 2 ॥

ப்³ரஹ்மோவாச ।
ஶிரோ மே விஷ்ணுபத்நீ ச லலாடமம்ருதோத்³ப⁴வா ।
சக்ஷுஷீ ஸுவிஶாலாக்ஷீ ஶ்ரவணே ஸாக³ராம்பு³ஜா ॥ 3 ॥

க்⁴ராணம் பாது வராரோஹா ஜிஹ்வாமாம்நாயரூபிணீ ।
முக²ம் பாது மஹாலக்ஷ்மீ꞉ கண்ட²ம் வைகுண்ட²வாஸிநீ ॥ 4 ॥

ஸ்கந்தௌ⁴ மே ஜாநகீ பாது பு⁴ஜௌ பா⁴ர்க³வநந்தி³நீ ।
பா³ஹூ த்³வௌ த்³ரவிணீ பாது கரௌ ஹரிவராங்க³நா ॥ 5 ॥

வக்ஷ꞉ பாது ச ஶ்ரீர்தே³வீ ஹ்ருத³யம் ஹரிஸுந்த³ரீ ।
குக்ஷிம் ச வைஷ்ணவீ பாது நாபி⁴ம் பு⁴வநமாத்ருகா ॥ 6 ॥

கடிம் ச பாது வாராஹீ ஸக்தி²நீ தே³வதே³வதா ।
ஊரூ நாராயணீ பாது ஜாநுநீ சந்த்³ரஸோத³ரீ ॥ 7 ॥

இந்தி³ரா பாது ஜங்கே⁴ மே பாதௌ³ ப⁴க்தநமஸ்க்ருதா ।
நகா²ன் தேஜஸ்விநீ பாது ஸர்வாங்க³ம் கருணாமயீ ॥ 8 ॥

ப்³ரஹ்மணா லோகரக்ஷார்த²ம் நிர்மிதம் கவசம் ஶ்ரிய꞉ ।
யே பட²ந்தி மஹாத்மாநஸ்தே ச த⁴ந்யா ஜக³த்த்ரயே ॥ 9 ॥

கவசேநாவ்ருதாங்கா³நாம் ஜநாநாம் ஜயதா³ ஸதா³ ।
மாதேவ ஸர்வஸுக²தா³ ப⁴வ த்வமமரேஶ்வரீ ॥ 10 ॥

பூ⁴ய꞉ ஸித்³தி⁴மவாப்நோதி பூர்வோக்தம் ப்³ரஹ்மணா ஸ்வயம் ।
லக்ஷ்மீர்ஹரிப்ரியா பத்³மா ஏதந்நாமத்ரயம் ஸ்மரன் ॥ 11 ॥

நாமத்ரயமித³ம் ஜப்த்வா ஸ யாதி பரமாம் ஶ்ரியம் ।
ய꞉ படே²த்ஸ ச த⁴ர்மாத்மா ஸர்வான் காமாநவாப்நுயாத் ॥ 12 ॥

இதி ஶ்ரீப்³ரஹ்மபுராணே இந்த்³ரோபதி³ஷ்டம் ஶ்ரீ மஹாலக்ஷ்மீ கவசம் ॥

Did you see any mistake/variation in the content above? Click here to report mistakes and corrections in Stotranidhi content.