Sri Maha Sastha Anugraha Kavacham – ஶ்ரீ மஹாஶாஸ்தா அனுக்³ரஹ கவசம்


ஶ்ரீதே³வ்யுவாச ।
ப⁴க³வந் தே³வதே³வேஶ ஸர்வஜ்ஞ த்ரிபுராந்தக ।
ப்ராப்தே கலியுகே³ கோ⁴ரே மஹாபூ⁴தை꞉ ஸமாவ்ருதே ॥ 1 ॥

மஹாவ்யாதி⁴ மஹாவ்யாள கோ⁴ரராஜை꞉ ஸமாவ்ருதே ।
து³꞉ஸ்வப்நஶோகஸந்தாபை꞉ து³ர்விநீதை꞉ ஸமாவ்ருதே ॥ 2 ॥

ஸ்வத⁴ர்மவிரதேமார்கே³ ப்ரவ்ருத்தே ஹ்ருதி³ ஸர்வதா³ ।
தேஷாம் ஸித்³தி⁴ம் ச முக்திம் ச த்வம் மே ப்³ரூஹி வ்ருஷத்⁴வஜ ॥ 3 ॥

ஈஶ்வர உவாச ।
ஶ்ருணு தே³வி மஹாபா⁴கே³ ஸர்வகல்யாணகாரணே ।
மஹாஶாஸ்துஶ்ச தே³வேஶி கவசம் புண்யவர்த⁴நம் ॥ 4 ॥

அக்³நிஸ்தம்ப⁴ ஜலஸ்தம்ப⁴ ஸேநாஸ்தம்ப⁴ விதா⁴யகம் ।
மஹாபூ⁴தப்ரஶமநம் மஹாவ்யாதி⁴நிவாரணம் ॥ 5 ॥

மஹாஜ்ஞாநப்ரத³ம் புண்யம் விஶேஷாத் கலிதாபஹம் ।
ஸர்வரக்ஷாகரம் தி³வ்யமாயுராரோக்³யவர்த⁴நம் ॥ 6 ॥

கிமதோ ப³ஹுநோக்தேந யம் யம் காமயதே த்³விஜ꞉ ।
தம் தமாப்நோத்யஸந்தே³ஹோ மஹாஶாஸ்து꞉ ப்ரஸாத³த꞉ ॥ 7 ॥

கவசஸ்ய ருஷிர்ப்³ரஹ்மா கா³யத்ரீஶ்ச²ந்த³ உச்யதே ।
தே³வதா ஶ்ரீமஹாஶாஸ்தா தே³வோ ஹரிஹராத்மஜ꞉ ॥ 8 ॥

ஷட³ங்க³மாசரேத்³ப⁴க்த்யா மாத்ரயா ஜாதியுக்தயா ।
த்⁴யாநமஸ்ய ப்ரவக்ஷ்யாமி ஶ்ருணுஷ்வாவஹிதா ப்ரியே ॥ 9 ॥

அஸ்ய ஶ்ரீமஹாஶாஸ்து꞉ கவசஸ்தோத்ர மஹாமந்த்ரஸ்ய ப்³ரஹ்மா ருஷி꞉, கா³யத்ரீ ச²ந்த³꞉, மஹாஶாஸ்தா தே³வதா, ஹ்ராம் பீ³ஜம், ஹ்ரீம் ஶக்தி꞉, ஹ்ரூம் கீலகம், ஶ்ரீமஹாஶாஸ்து꞉ ப்ரஸாத³ ஸித்³த்⁴யர்தே² ஜபே விநியோக³꞉ ॥

ஹ்ராமித்யாதி³ ஷட³ங்க³ந்யாஸ꞉ ॥

அத² த்⁴யாநம் ।
தேஜோமண்ட³லமத்⁴யக³ம் த்ரிநயநம் தி³வ்யாம்ப³ராளங்க்ருதம்
தே³வம் புஷ்பஶரேக்ஷுகார்முகலஸந்மாணிக்யபாத்ரா(அ)ப⁴யம் ।
பி³ப்⁴ராணம் கரபங்கஜே மத³க³ஜஸ்கந்தா⁴தி⁴ரூட⁴ம் விபு⁴ம்
ஶாஸ்தாரம் ஶரணம் வ்ரஜாமி ஸததம் த்ரைலோக்யஸம்மோஹநம் ॥

அத² கவசம் ।
மஹாஶாஸ்தா ஶிர꞉ பாது பா²லம் ஹரிஹராத்மஜ꞉ ।
காமரூபீ த்³ருஶௌ பாது ஸர்வஜ்ஞோ மே ஶ்ருதீ ஸதா³ ॥ 1 ॥

க்⁴ராணம் பாது க்ருபாத்⁴யக்ஷோ முக²ம் கௌ³ரீப்ரிய꞉ ஸதா³ ।
வேதா³த்⁴யாயீ ச மே ஜிஹ்வாம் பாது மே சிபு³கம் கு³ரு꞉ ॥ 2 ॥

கண்ட²ம் பாது விஶுத்³தா⁴த்மா ஸ்கந்தௌ⁴ பாது ஸுரார்சித꞉ ।
பா³ஹூ பாது விரூபாக்ஷ꞉ கரௌ து கமலாப்ரிய꞉ ॥ 3 ॥

பூ⁴தாதி⁴போ மே ஹ்ருத³யம் மத்⁴யம் பாது மஹாப³ல꞉ ।
நாபி⁴ம் பாது மஹாவீர꞉ கமலாக்ஷோ(அ)வதாத்கடிம் ॥ 4 ॥

அபாநம் பாது விஶ்வாத்மா கு³ஹ்யம் கு³ஹ்யார்த²வித்தம꞉ ।
ஊரூ பாது க³ஜாரூடோ⁴ வஜ்ரதா⁴ரீ ச ஜாநுநீ ॥ 5 ॥

ஜங்கே⁴ பாத்வங்குஶத⁴ர꞉ பாதௌ³ பாது மஹாமதி꞉ ।
ஸர்வாங்க³ம் பாது மே நித்யம் மஹாமாயாவிஶாரத³꞉ ॥ 6 ॥

இதீத³ம் கவசம் புண்யம் ஸர்வாகௌ⁴க⁴நிக்ருந்தநம் ।
மஹாவ்யாதி⁴ப்ரஶமநம் மஹாபாதகநாஶநம் ॥ 7 ॥

ஜ்ஞாநவைராக்³யத³ம் தி³வ்யமணிமாதி³விபூ⁴ஷிதம் ।
ஆயுராரோக்³யஜநநம் மஹாவஶ்யகரம் பரம் ॥ 8 ॥

யம் யம் காமயதே காமம் தம் தம் ப்ராப்நோத்யஸம்ஶய꞉ ।
த்ரிஸந்த்⁴யம் ய꞉ படே²த்³வித்³வாந் ஸ யாதி பரமாம் க³திம் ॥ 9 ॥

இதி ஶ்ரீ மஹாஶாஸ்தா அநுக்³ரஹ கவசம் ।


மேலும் ஶ்ரீ அய்யப்ப ஸ்தோத்திரங்கள் பார்க்க.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed