Sri Krishna Stotram (Bala Kritam) – ஶ்ரீ க்ருஷ்ண ஸ்தோத்ரம் (பால க்ருதம்)

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → ஶ்ரீ க்ருஷ்ண ஸ்தோத்ரம் (பால க்ருதம்)

பா³லா ஊசு꞉ ।
யதா² ஸம்ரக்ஷிதம் ப்³ரஹ்மந் ஸர்வாபத்ஸ்வேவ ந꞉ குலம் ।
ததா² ரக்ஷாம் குரு புநர்தா³வாக்³நேர்மது⁴ஸூத³ந ॥ 1 ॥

த்வமிஷ்டதே³வதா(அ)ஸ்மாகம் த்வமேவ குலதே³வதா ।
ஸ்ரஷ்டா பாதா ச ஸம்ஹர்தா ஜக³தாம் ச ஜக³த்பதே ॥ 2 ॥

வஹ்நிர்வா வருணோ வா(அ)பி சந்த்³ரோ வா ஸூர்ய ஏவ ச ।
யம꞉ குபே³ர꞉ பவந ஈஶாநாத்³யாஶ்ச தே³வதா꞉ ॥ 3 ॥

ப்³ரஹ்மேஶஶேஷத⁴ர்மேந்த்³ரா முநீந்த்³ரா மநவ꞉ ஸ்ம்ருதா꞉ ।
மாநவாஶ்ச ததா² தை³த்யா யக்ஷராக்ஷஸகிந்நரா꞉ ॥ 4 ॥

யே யே சராசராஶ்சைவ ஸர்வே தவ விபூ⁴தய꞉ ।
ஆவிர்பா⁴வஸ்திரோபா⁴வ꞉ ஸர்வேஷாம் ச தவேச்ச²யா ॥ 5 ॥

அப⁴யம் தே³ஹி கோ³விந்த³ வஹ்நிஸம்ஹரணம் குரு ।
வயம் த்வாம் ஶரணம் யாமோ ரக்ஷ த்வம் ஶரணாக³தாந் ॥ 6 ॥

இத்யேவமுக்த்வா தே ஸர்வே தஸ்து²ர்த்⁴யாத்வா பதா³ம்பு³ஜம் ।
தூ³ரீபூ⁴தஸ்து தா³வாக்³நி꞉ ஶ்ரீக்ருஷ்ணாம்ருதத்³ருஷ்டித꞉ ॥ 7 ॥

தூ³ரீபூ⁴தே ச தா³வாக்³நௌ நந்ருதுஸ்தே முதா³ந்விதா꞉ ।
ஸர்வாபத³꞉ ப்ரணஶ்யந்தி ஹரிஸ்மரணமாத்ரத꞉ ॥ 8 ॥

இத³ம் ஸ்தோத்ரம் மஹாபுண்யம் ப்ராதரூத்தா²ய ய꞉ படே²த் ।
வஹ்நிதோ ந ப⁴வேத்தஸ்ய ப⁴யம் ஜந்மநி ஜந்மநி ॥ 9 ॥

ஶத்ருக்³ரஸ்தே ச தா³வாக்³நௌ விபத்தௌ ப்ராணஸங்கடே ।
ஸ்தோத்ரமேதத் படி²த்வா து முச்யதே நா(அ)த்ர ஸம்ஶய꞉ ॥ 10 ॥

ஶத்ருஸைந்யம் க்ஷயம் யாதி ஸர்வத்ர விஜயீ ப⁴வேத் ।
இஹ லோகே ஹரேர்ப⁴க்திமந்தே தா³ஸ்யம் லபே⁴த்³த்⁴ருவம் ॥ 11 ॥

இதி ஶ்ரீப்³ரஹ்மவைவர்தே மஹாபுராணே ஶ்ரீக்ருஷ்ணஜந்மக²ண்டே³ ஏகோநவிம்ஶோ(அ)த்⁴யாயே பா³லக்ருத ஶ்ரீ க்ருஷ்ண ஸ்தோத்ரம் ॥

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

---