Sri Hari Stotram (Jagajjalapalam) – ஶ்ரீ ஹரி ஸ்தோத்ரம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஶ்ரீ ஹரி ஸ்தோத்ரம்

ஜக³ஜ்ஜாலபாலம் கநத்கண்ட²மாலம்
ஶரச்சந்த்³ரபா²லம் மஹாதை³த்யகாலம் ।
நபோ⁴நீலகாயம் து³ராவாரமாயம்
ஸுபத்³மாஸஹாயம் ப⁴ஜே(அ)ஹம் ப⁴ஜே(அ)ஹம் ॥ 1 ॥

ஸதா³ம்போ⁴தி⁴வாஸம் க³லத்புஷ்பஹாஸம்
ஜக³த்ஸந்நிவாஸம் ஶதாதி³த்யபா⁴ஸம் ।
க³தா³சக்ரஶஸ்த்ரம் லஸத்பீதவஸ்த்ரம்
ஹஸச்சாருவக்த்ரம் ப⁴ஜே(அ)ஹம் ப⁴ஜே(அ)ஹம் ॥ 2 ॥

ரமாகண்ட²ஹாரம் ஶ்ருதிவ்ராதஸாரம்
ஜலாந்தர்விஹாரம் த⁴ராபா⁴ரஹாரம் ।
சிதா³நந்த³ரூபம் மநோஜ்ஞஸ்வரூபம்
த்⁴ருதாநேகரூபம் ப⁴ஜே(அ)ஹம் ப⁴ஜே(அ)ஹம் ॥ 3 ॥

ஜராஜந்மஹீநம் பராநந்த³பீநம்
ஸமாதா⁴நலீநம் ஸதை³வாநவீநம் ।
ஜக³ஜ்ஜந்மஹேதும் ஸுராநீககேதும்
த்ரிலோகைகஸேதும் ப⁴ஜே(அ)ஹம் ப⁴ஜே(அ)ஹம் ॥ 4 ॥

க்ருதாம்நாயகா³நம் க²கா³தீ⁴ஶயாநம்
விமுக்தேர்நிதா³நம் ஹராராதிமாநம் ।
ஸ்வப⁴க்தாநுகூலம் ஜக³த்³வ்ருக்ஷமூலம்
நிரஸ்தார்தஶூலம் ப⁴ஜே(அ)ஹம் ப⁴ஜே(அ)ஹம் ॥ 5 ॥

ஸமஸ்தாமரேஶம் த்³விரேபா²ப⁴கேஶம்
ஜக³த்³பி³ம்ப³லேஶம் ஹ்ருதா³காஶவேஶம் ।
ஸதா³ தி³வ்யதே³ஹம் விமுக்தாகி²லேஹம்
ஸுவைகுண்ட²கே³ஹம் ப⁴ஜே(அ)ஹம் ப⁴ஜே(அ)ஹம் ॥ 6 ॥

ஸுராலீப³லிஷ்ட²ம் த்ரிலோகீவரிஷ்ட²ம்
கு³ரூணாம் க³ரிஷ்ட²ம் ஸ்வரூபைகநிஷ்ட²ம் ।
ஸதா³ யுத்³த⁴தீ⁴ரம் மஹாவீரவீரம்
ப⁴வாம்போ⁴தி⁴தீரம் ப⁴ஜே(அ)ஹம் ப⁴ஜே(அ)ஹம் ॥ 7 ॥

ரமாவாமபா⁴க³ம் தலாலக்³நநாக³ம்
க்ருதாதீ⁴நயாக³ம் க³தாராக³ராக³ம் ।
முநீந்த்³ரைஸ்ஸுகீ³தம் ஸுரைஸ்ஸம்பரீதம்
கு³ணௌகை⁴ரதீதம் ப⁴ஜே(அ)ஹம் ப⁴ஜே(அ)ஹம் ॥ 8 ॥

ப²லஶ்ருதி ।
இத³ம் யஸ்து நித்யம் ஸமாதா⁴ய சித்தம்
படே²த³ஷ்டகம் கண்ட²ஹாரம் முராரே꞉ ।
ஸ விஷ்ணோர்விஶோகம் த்⁴ருவம் யாதி லோகம்
ஜராஜந்மஶோகம் புநர்விந்த³தே நோ ॥ 9 ॥

இதி ஶ்ரீ பரமஹம்ஸஸ்வாமி ப்³ரஹ்மாநந்த³விரசிதம் ஶ்ரீஹரிஸ்தோத்ரம் ॥

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.