Sri Gayatri Ashtottara Shatanama Stotram 2 – ஶ்ரீ கா³யத்ரீ அஷ்டோத்தரஶதநாம ஸ்தோத்ரம் – 2


அஸ்ய ஶ்ரீகா³யத்ர்யஷ்டோத்தரஶத தி³வ்யநாமஸ்தோத்ர மந்த்ரஸ்ய ப்³ரஹ்மாவிஷ்ணுமஹேஶ்வரா ருஷய꞉ ருக்³யஜுஸ்ஸாமாத²ர்வாணி ச²ந்தா³ம்ஸி பரப்³ரஹ்மஸ்வரூபிணீ கா³யத்ரீ தே³வதா ஓம் தத்³பீ³ஜம் ப⁴ர்க³꞉ ஶக்தி꞉ தி⁴ய꞉ கீலகம் மம கா³யத்ரீப்ரஸாத³ ஸித்³த்⁴யர்தே² ஜபே விநியோக³꞉ ।

தருணாதி³த்யஸங்காஶா ஸஹஸ்ரநயநோஜ்ஜ்வலா ।
ஸ்யந்த³நோபரிஸம்ஸ்தா²நா தீ⁴ரா ஜீமூதநிஸ்ஸ்வநா ॥ 1 ॥

மத்தமாதங்க³க³மநா ஹிரண்யகமலாஸநா ।
தீ⁴ஜநோத்³தா⁴ரநிரதா யோகி³நீ யோக³தா⁴ரிணீ ॥ 2 ॥

நடநாட்யைகநிரதா ப்ரணவாத்³யக்ஷராத்மிகா ।
கோ⁴ராசாரக்ரியாஸக்தா தா³ரித்³ர்யச்சே²த³காரிணீ ॥ 3 ॥

யாத³வேந்த்³ரகுலோத்³பூ⁴தா துரீயபத³கா³மிநீ ।
கா³யத்ரீ கோ³மதீ க³ங்கா³ கௌ³தமீ க³ருடா³ஸநா ॥ 4 ॥

கே³யா கா³நப்ரியா கௌ³ரீ கோ³விந்த³பரிபூஜிதா ।
க³ந்த⁴ர்வநக³ராகாரா கௌ³ரவர்ணா க³ணேஶ்வரீ ॥ 5 ॥

கு³ணாஶ்ரயா கு³ணவதீ கு³ஹ்யகா க³ணபூஜிதா ।
கு³ணத்ரயஸமாயுக்தா கு³ணத்ரயவிவர்ஜிதா ॥ 6 ॥

கு³ஹாவாஸா கு³ஹாசாரா கு³ஹ்யா க³ந்த⁴ர்வரூபிணீ ।
கா³ர்க்³யப்ரியா கு³ருபதா² கு³ஹ்யலிங்கா³ங்கதா⁴ரிணீ ॥ 7 ॥

ஸாவித்ரீ ஸூர்யதநயா ஸுஷும்ணாநாடி³பே⁴தி³நீ ।
ஸுப்ரகாஶா ஸுகா²ஸீநா ஸுவ்ரதா ஸுரபூஜிதா ॥ 8 ॥

ஸுஷுப்த்யவஸ்தா² ஸுத³தீ ஸுந்த³ரீ ஸாக³ராம்ப³ரா ।
ஸுதா⁴ம்ஶுபி³ம்ப³வத³நா ஸுஸ்தநீ ஸுவிளோசநா ॥ 9 ॥

ஶுப்⁴ராம்ஶுநாஸா ஸுஶ்ரோணீ ஸம்ஸாரார்ணவதாரிணீ ।
ஸாமகா³நப்ரியா ஸாத்⁴வீ ஸர்வாப⁴ரணபூ⁴ஷிதா ॥ 10 ॥

ஸீதா ஸர்வாஶ்ரயா ஸந்த்⁴யா ஸப²லா ஸுக²தா³யிநீ ।
வைஷ்ணவீ விமலாகாரா மாஹேந்த்³ரீ மாத்ருரூபிணீ ॥ 11 ॥

மஹாலக்ஷ்மீர்மஹாஸித்³தி⁴ர்மஹாமாயா மஹேஶ்வரீ ।
மோஹிநீ மத³நாகாரா மது⁴ஸூத³நஸோத³ரீ ॥ 12 ॥

மீநாக்ஷீ க்ஷேமஸம்யுக்தா நகே³ந்த்³ரதநயா ரமா ।
த்ரிவிக்ரமபதா³க்ராந்தா த்ரிஸர்வா த்ரிவிளோசநா ॥ 13 ॥

ஸூர்யமண்ட³லமத்⁴யஸ்தா² சந்த்³ரமண்ட³லஸம்ஸ்தி²தா ।
வஹ்நிமண்ட³லமத்⁴யஸ்தா² வாயுமண்ட³லஸம்ஸ்தி²தா ॥ 14 ॥

வ்யோமமண்ட³லமத்⁴யஸ்தா² சக்ரஸ்தா² சக்ரரூபிணீ ।
காலசக்ரவிதா⁴நஜ்ஞா சந்த்³ரமண்ட³லத³ர்பணா ॥ 15 ॥

ஜ்யோத்ஸ்நாதபேநலிப்தாங்கீ³ மஹாமாருதவீஜிதா ।
ஸர்வமந்த்ராஶ்ரிதா தே⁴நு꞉ பாபக்⁴நீ பரமேஶ்வரீ ॥ 16 ॥

சதுர்விம்ஶதிவர்ணாட்⁴யா சதுர்வர்க³ப²லப்ரதா³ ।
மந்தே³ஹராக்ஷஸக்⁴நீ ச ஷட்குக்ஷி꞉ த்ரிபதா³ ஶிவா ॥ 17 ॥

ஜபபாராயணப்ரீதா ப்³ராஹ்மண்யப²லதா³யிநீ ।
நமஸ்தே(அ)ஸ்து மஹாலக்ஷ்மீ மஹாஸம்பத்திதா³யிநி ॥ 18 ॥

நமஸ்தே கருணாமூர்தே நமஸ்தே ப⁴க்தவத்ஸலே ।
கா³யத்ரீம் பூஜயேத்³யஸ்து ஶதைரஷ்டோத்தரை꞉ ப்ருத²க் ॥ 19 ॥

தஸ்ய புண்யப²லம் வக்தும் ப்³ரஹ்மணாபி ந ஶக்யதே ।
ப்ராத꞉காலே ச மத்⁴யாஹ்நே ஸாயாஹ்நே ச ரகூ⁴த்தம ॥ 20 ॥

யே பட²ந்தீஹ லோகே(அ)ஸ்மிந் ஸர்வாந் காமாநவாப்நுயாத் ।
பட²நாதே³வ கா³யத்ரீ நாம்நாமஷ்டோத்தரம் ஶதம் ॥ 21 ॥

ப்³ரஹ்மஹத்யாதி³ பாபேப்⁴யோ முச்யதே நாத்ர ஸம்ஶய꞉ ।
தி³நே தி³நே படே²த்³யஸ்து கா³யத்ரீஸ்தவமுத்தமம் ॥ 22 ॥

ஸ நரோ முக்திமாப்நோதி புநராவ்ருத்திவர்ஜிதம் ।
புத்ரப்ரத³மபுத்ராணாம் த³ரித்³ராணாம் த⁴நப்ரத³ம் ॥ 23 ॥

ரோகி³ணாம் ரோக³ஶமநம் ஸர்வைஶ்வர்யப்ரதா³யகம் ।
ப³ஹுநா கிமிஹோக்தேந ஸ்தோத்ரம் ஸர்வப²லப்ரத³ம் ॥ 24 ॥

இதி ஶ்ரீவிஶ்வாமித்ர ப்ரோக்தம் ஶ்ரீ கா³யத்ர்யஷ்டோத்தரஶதநாம ஸ்தோத்ரம் ।


மேலும் ஶ்ரீ காயத்ரீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed