Sri Ganesha Kavacham – ஶ்ரீ கணேஶ கவசம்

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → ஶ்ரீ கணேஶ கவசம்

கௌ³ர்யுவாச ।
ஏஷோ(அ)திசபலோ தை³த்யாந்பா³ல்யே(அ)பி நாஶயத்யஹோ ।
அக்³ரே கிம் கர்ம கர்தேதி ந ஜாநே முநிஸத்தம ॥ 1 ॥

தை³த்யா நாநாவிதா⁴ து³ஷ்டா꞉ ஸாது⁴தே³வத்³ருஹ꞉ க²லா꞉ ।
அதோ(அ)ஸ்ய கண்டே² கிஞ்சித்த்வம் ரக்ஷார்த²ம் ப³த்³து⁴மர்ஹஸி ॥ 2 ॥

முநிருவாச ।
த்⁴யாயேத்ஸிம்ஹக³தம் விநாயகமமும் தி³க்³பா³ஹுமாத்³யே யுகே³
த்ரேதாயாம் து மயூரவாஹநமமும் ஷட்³பா³ஹுகம் ஸித்³தி⁴த³ம் ।
த்³வாபாரே து க³ஜாநநம் யுக³பு⁴ஜம் ரக்தாங்க³ராக³ம் விபு⁴ம்
துர்யே து த்³விபு⁴ஜம் ஸிதாங்க³ருசிரம் ஸர்வார்த²த³ம் ஸர்வதா³ ॥ 3 ॥

விநாயக꞉ ஶிகா²ம் பாது பரமாத்மா பராத்பர꞉ ।
அதிஸுந்த³ரகாயஸ்து மஸ்தகம் ஸுமஹோத்கட꞉ ॥ 4 ॥

லலாடம் கஶ்யப꞉ பாது ப்⁴ரூயுக³ம் து மஹோத³ர꞉ ।
நயநே பா²லசந்த்³ரஸ்து க³ஜாஸ்யஸ்த்வோஷ்ட²பல்லவௌ ॥ 5 ॥

ஜிஹ்வாம் பாது க³ணக்ரீட³ஶ்சிபு³கம் கி³ரிஜாஸுத꞉ ।
வாசம் விநாயக꞉ பாது த³ந்தாந் ரக்ஷது து³ர்முக²꞉ ॥ 6 ॥

ஶ்ரவணௌ பாஶபாணிஸ்து நாஸிகாம் சிந்திதார்த²த³꞉ ।
க³ணேஶஸ்து முக²ம் கண்ட²ம் பாது தே³வோ க³ணஞ்ஜய꞉ ॥ 7 ॥

ஸ்கந்தௌ⁴ பாது க³ஜஸ்கந்த⁴꞉ ஸ்தநௌ விக்⁴நவிநாஶந꞉ ।
ஹ்ருத³யம் க³ணநாத²ஸ்து ஹேரம்போ³ ஜட²ரம் மஹாந் ॥ 8 ॥

த⁴ராத⁴ர꞉ பாது பார்ஶ்வௌ ப்ருஷ்ட²ம் விக்⁴நஹர꞉ ஶுப⁴꞉ ।
லிங்க³ம் கு³ஹ்யம் ஸதா³ பாது வக்ரதுண்டோ³ மஹாப³ல꞉ ॥ 9 ॥

க³ணக்ரீடோ³ ஜாநுஜங்கே⁴ ஊரூ மங்க³ளமூர்திமாந் ।
ஏகத³ந்தோ மஹாபு³த்³தி⁴꞉ பாதௌ³ கு³ள்பௌ² ஸதா³(அ)வது ॥ 10 ॥

க்ஷிப்ரப்ரஸாத³நோ பா³ஹூ பாணீ ஆஶாப்ரபூரக꞉ ।
அங்கு³ளீஶ்ச நகா²ந்பாது பத்³மஹஸ்தோ(அ)ரிநாஶந꞉ ॥ 11 ॥

ஸர்வாங்கா³நி மயூரேஶோ விஶ்வவ்யாபீ ஸதா³(அ)வது ।
அநுக்தமபி யத்ஸ்தா²நம் தூ⁴மகேது꞉ ஸதா³(அ)வது ॥ 12 ॥

ஆமோத³ஸ்த்வக்³ரத꞉ பாது ப்ரமோத³꞉ ப்ருஷ்ட²தோ(அ)வது ।
ப்ராச்யாம் ரக்ஷது பு³த்³தீ⁴ஶ ஆக்³நேய்யாம் ஸித்³தி⁴தா³யக꞉ ॥ 13 ॥

த³க்ஷிணஸ்யாமுமாபுத்ரோ நைர்ருத்யாம் து க³ணேஶ்வர꞉ ।
ப்ரதீச்யாம் விக்⁴நஹர்தா(அ)வ்யாத்³வாயவ்யாம் க³ஜகர்ணக꞉ ॥ 14 ॥

கௌபே³ர்யாம் நிதி⁴ப꞉ பாயாதீ³ஶாந்யாமீஶநந்த³ந꞉ ।
தி³வா(அ)வ்யாதே³கத³ந்தஸ்து ராத்ரௌ ஸந்த்⁴யாஸு விக்⁴நஹ்ருத் ॥ 15 ॥

ராக்ஷஸாஸுரபே⁴தாலக்³ரஹபூ⁴தபிஶாசத꞉ ।
பாஶாங்குஶத⁴ர꞉ பாது ரஜ꞉ஸத்த்வதம꞉ ஸ்ம்ருதீ꞉ ॥ 16 ॥

ஜ்ஞாநம் த⁴ர்மம் ச லக்ஷ்மீம் ச லஜ்ஜாம் கீர்திம் ததா² குலம் ।
வபுர்த⁴நம் ச தா⁴ந்யம் ச க்³ருஹாந்தா³ராந்ஸுதாந்ஸகீ²ந் ॥ 17 ॥

ஸர்வாயுத⁴த⁴ர꞉ பௌத்ராந்மயூரேஶோ(அ)வதாத்ஸதா³ ।
கபிலோ(அ)ஜாவிகம் பாது க³ஜாஶ்வாந்விகடோ(அ)வது ॥ 18 ॥

பூ⁴ர்ஜபத்ரே லிகி²த்வேத³ம் ய꞉ கண்டே² தா⁴ரயேத்ஸுதீ⁴꞉ ।
ந ப⁴யம் ஜாயதே தஸ்ய யக்ஷரக்ஷ꞉பிஶாசத꞉ ॥ 18 ॥

த்ரிஸந்த்⁴யம் ஜபதே யஸ்து வஜ்ரஸாரதநுர்ப⁴வேத் ।
யாத்ராகாலே படே²த்³யஸ்து நிர்விக்⁴நேந ப²லம் லபே⁴த் ॥ 20 ॥

யுத்³த⁴காலே படே²த்³யஸ்து விஜயம் சாப்நுயாத்³த்⁴ருவம் ।
மாரணோச்சாடநாகர்ஷஸ்தம்ப⁴மோஹநகர்மணி ॥ 21 ॥

ஸப்தவாரம் ஜபேதே³தத்³தி³நாநாமேகவிம்ஶதி꞉ ।
தத்தத்ப²லமவாப்நோதி ஸாத⁴கோ நாத்ர ஸம்ஶய꞉ ॥ 22 ॥

ஏகவிம்ஶதிவாரம் ச படே²த்தாவத்³தி³நாநி ய꞉ ।
காராக்³ருஹக³தம் ஸத்³யோ ராஜ்ஞா வத்⁴யம் ச மோசயேத் ॥ 23 ॥

ராஜத³ர்ஶநவேலாயாம் படே²தே³தத்த்ரிவாரத꞉ ।
ஸ ராஜாநம் வஶம் நீத்வா ப்ரக்ருதீஶ்ச ஸபா⁴ம் ஜயேத் ॥ 24 ॥

இத³ம் க³ணேஶகவசம் கஶ்யபேந ஸமீரிதம் ।
முத்³க³ளாய ச தேநாத² மாண்ட³வ்யாய மஹர்ஷயே ॥ 25 ॥

மஹ்யம் ஸ ப்ராஹ க்ருபயா கவசம் ஸர்வஸித்³தி⁴த³ம் ।
ந தே³யம் ப⁴க்திஹீநாய தே³யம் ஶ்ரத்³தா⁴வதே ஶுப⁴ம் ॥ 26 ॥

அநேநாஸ்ய க்ருதா ரக்ஷா ந பா³தா⁴(அ)ஸ்ய ப⁴வேத்க்வசித் ।
ராக்ஷஸாஸுரபே⁴தாலதை³த்யதா³நவஸம்ப⁴வா ॥ 27 ॥

இதி ஶ்ரீக³ணேஶபுராணே உத்தரக²ண்டே³ பா³லக்ரீடா³யாம் ஷட³ஶீதிதமே(அ)த்⁴யாயே க³ணேஶ கவசம் ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.