Read in తెలుగు / ಕನ್ನಡ / தமிழ் / देवनागरी / English (IAST)
பார்தா²ய ப்ரதிபோ³தி⁴தாம் ப⁴க³வதா நாராயணேந ஸ்வயம்
வ்யாஸேந க்³ரதி²தாம் புராணமுநிநா மத்⁴யே மஹாபா⁴ரதே ।
அத்³வைதாம்ருதவர்ஷிணீம் ப⁴க³வதீமஷ்டாத³ஶாத்⁴யாயிநீம்
அம்ப³ த்வாமநுஸந்த³தா⁴மி ப⁴க³வத்³கீ³தே ப⁴வத்³வேஷிணீம் ॥ 1 ॥
நமோ(அ)ஸ்து தே வ்யாஸ விஶாலபு³த்³தே⁴
பு²ல்லாரவிந்தா³யதபத்ரநேத்ர ।
யேந த்வயா பா⁴ரததைலபூர்ண꞉
ப்ரஜ்வாலிதோ ஜ்ஞாநமய꞉ ப்ரதீ³ப꞉ ॥ 2 ॥
ப்ரபந்நபாரிஜாதாய தோத்ரவேத்ரைகபாணயே ।
ஜ்ஞாநமுத்³ராய க்ருஷ்ணாய கீ³தாம்ருதது³ஹே நம꞉ ॥ 3 ॥
ஸர்வோபநிஷதோ³ கா³வோ தோ³க்³தா⁴ கோ³பாலநந்த³ந꞉ ।
பார்தோ² வத்ஸ꞉ ஸுதீ⁴ர்போ⁴க்தா து³க்³த⁴ம் கீ³தாம்ருதம் மஹத் ॥ 4 ॥
வஸுதே³வஸுதம் தே³வம் கம்ஸசாணூரமர்த³நம் ।
தே³வகீ பரமாநந்த³ம் க்ருஷ்ணம் வந்தே³ ஜக³த்³கு³ரும் ॥ 5 ॥
பீ⁴ஷ்மத்³ரோணதடா ஜயத்³ரத²ஜலா கா³ந்தா⁴ரநீலோத்பலா
ஶல்யக்³ராஹவதீ க்ருபேண வஹநீ கர்ணேந வேலாகுலா ।
அஶ்வத்தா²மவிகர்ணகோ⁴ரமகரா து³ர்யோத⁴நாவர்திநீ
ஸோத்தீர்ணா க²லு பாண்ட³வை꞉ ரணநதீ³ கைவர்தக꞉ கேஶவ꞉ ॥ 6 ॥
பாராஶர்யவச꞉ ஸரோஜமமலம் கீ³தார்த²க³ந்தோ⁴த்கடம்
நாநாக்²யாநககேஸரம் ஹரிகதா²ஸம்போ³த⁴நாபோ³தி⁴தம் ।
லோகே ஸஜ்ஜநஷட்பதை³ரஹரஹ꞉ பேபீயமாநம் முதா³
பூ⁴யாத்³பா⁴ரதபங்கஜம் கலிமலப்ரத்⁴வம்ஸிந꞉ ஶ்ரேயஸே ॥ 7 ॥
மூகம் கரோதி வாசாலம் பங்கு³ம் லங்க⁴யதே கி³ரிம் ।
யத்க்ருபா தமஹம் வந்தே³ பரமாநந்த³மாத⁴வம் ॥ 8 ॥
யம் ப்³ரஹ்மா வருணேந்த்³ரருத்³ரமருத꞉ ஸ்துந்வந்தி தி³வ்யை꞉ ஸ்தவை-
-ர்வேதை³꞉ ஸாங்க³பத³க்ரமோபநிஷதை³ர்கா³யந்தி யம் ஸாமகா³꞉ ।
த்⁴யாநாவஸ்தி²ததத்³க³தேந மநஸா பஶ்யந்தி யம் யோகி³நோ
யஸ்யாந்தம் ந விது³꞉ ஸுராஸுரக³ணா தே³வாய தஸ்மை நம꞉ ॥ 9 ॥
ப்ரத²மோ(அ)த்⁴யாய꞉ – அர்ஜுனவிஷாத³யோக³꞉ >>
ஸம்பூர்ண ஶ்ரீமத்³ப⁴க³வத்³கீ³தா பார்க்க.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
