Durga Saptasati – Aparadha Kshamapana Stotram – அபராத⁴ க்ஷமாபண ஸ்தோத்ரம்

ஸ்தோத்ரநிதி → து³ர்கா³ ஸப்தஶதீ → அபராத⁴ க்ஷமாபண ஸ்தோத்ரம்

அபராத⁴ஸஹஸ்ராணி க்ரியந்தே(அ)ஹர்நிஶம் மயா ।
தா³ஸோ(அ)யமிதி மாம் மத்வா க்ஷமஸ்வ பரமேஶ்வரி ॥ 1 ॥

ஆவாஹநம் ந ஜாநாமி ந ஜாநாமி விஸர்ஜநம் ।
பூஜாம் சைவ ந ஜாநாமி க்ஷம்யதாம் பரமேஶ்வரி ॥ 2 ॥

மந்த்ரஹீநம் க்ரியாஹீநம் ப⁴க்திஹீநம் ஸுரேஶ்வரி ।
யத்பூஜிதம் மயா தே³வி பரிபூர்ணம் தத³ஸ்து மே ॥ 3 ॥

அபராத⁴ஶதம் க்ருத்வா ஜக³த³ம்பே³தி சோச்சரேத் ।
யாம் க³திம் ஸமவாப்நோதி ந தாம் ப்³ரஹ்மாத³ய꞉ ஸுரா꞉ ॥ 4 ॥

ஸாபராதோ⁴(அ)ஸ்மி ஶரணம் ப்ராப்தஸ்த்வாம் ஜக³த³ம்பி³கே ।
இதா³நீமநுகம்ப்யோ(அ)ஹம் யதே²ச்ச²ஸி ததா² குரு ॥ 5 ॥

அஜ்ஞாநாத்³விஸ்ம்ருதேர்ப்⁴ராந்த்யா யந்ந்யூநமதி⁴கம் க்ருதம் ।
விபரீதம் ச தத்ஸர்வம் க்ஷமஸ்வ பரமேஶ்வரி ॥ 6 ॥

காமேஶ்வரி ஜக³ந்மாத꞉ ஸச்சிதா³நந்த³விக்³ரஹே ।
க்³ருஹாணார்சாமிமாம் ப்ரீத்யா ப்ரஸீத³ பரமேஶ்வரி ॥ 7 ॥

யத³க்ஷரபத³ப்⁴ரஷ்டம் மாத்ராஹீநம் ச யத்³ப⁴வேத் ।
தத்ஸர்வம் க்ஷம்யதாம் தே³வி ப்ரஸீத³ பரமேஶ்வரி ॥ 8 ॥

கு³ஹ்யாதிகு³ஹ்யகோ³ப்த்ரீ த்வம் க்³ருஹாணாஸ்மத்க்ருதம் ஜபம் ।
ஸித்³தி⁴ர்ப⁴வது மே தே³வி த்வத்ப்ரஸாதா³ந்மஹேஶ்வரி ॥ 9 ॥

ஸர்வரூபமயீ தே³வீ ஸர்வம் தே³வீமயம் ஜக³த் ।
அதோ(அ)ஹம் விஶ்வரூபாம் த்வாம் நமாமி பரமேஶ்வரீம் ॥ 10 ॥

இதி அபராத⁴க்ஷமாபணஸ்தோத்ரம் ஸமாப்தம் ॥

---

ஸம்பூர்ண து³ர்கா³ ஸப்தஶதீ பார்க்க.

---