Sri Bhadrakali Stuti – ஶ்ரீ ப⁴த்³ரகாளீ ஸ்துதி꞉


ப்³ரஹ்மவிஷ்ணு ஊசது꞉ ।
நமாமி த்வாம் விஶ்வகர்த்ரீம் பரேஶீம்
நித்யாமாத்³யாம் ஸத்யவிஜ்ஞாநரூபாம் ।
வாசாதீதாம் நிர்கு³ணாம் சாதிஸூக்ஷ்மாம்
ஜ்ஞாநாதீதாம் ஶுத்³த⁴விஜ்ஞாநக³ம்யாம் ॥ 1 ॥

பூர்ணாம் ஶுத்³தா⁴ம் விஶ்வரூபாம் ஸுரூபாம்
தே³வீம் வந்த்³யாம் விஶ்வவந்த்³யாமபி த்வாம் ।
ஸர்வாந்த꞉ஸ்தா²முத்தமஸ்தா²நஸம்ஸ்தா²-
-மீடே³ காளீம் விஶ்வஸம்பாலயித்ரீம் ॥ 2 ॥

மாயாதீதாம் மாயிநீம் வாபி மாயாம்
பீ⁴மாம் ஶ்யாமாம் பீ⁴மநேத்ராம் ஸுரேஶீம் ।
வித்³யாம் ஸித்³தா⁴ம் ஸர்வபூ⁴தாஶயஸ்தா²-
-மீடே³ காளீம் விஶ்வஸம்ஹாரகர்த்ரீம் ॥ 3 ॥

நோ தே ரூபம் வேத்தி ஶீலம் ந தா⁴ம
நோ வா த்⁴யாநம் நாபி மந்த்ரம் மஹேஶி ।
ஸத்தாரூபே த்வாம் ப்ரபத்³யே ஶரண்யே
விஶ்வாராத்⁴யே ஸர்வலோகைகஹேதும் ॥ 4 ॥

த்³யௌஸ்தே ஶீர்ஷம் நாபி⁴தே³ஶோ நப⁴ஶ்ச
சக்ஷூம்ஷி தே சந்த்³ரஸூர்யாநலாஸ்தே ।
உந்மேஷாஸ்தே ஸுப்ரபோ³தோ⁴ தி³வா ச
ராத்ரிர்மாதஶ்சக்ஷுஷோஸ்தே நிமேஷம் ॥ 5 ॥

வாக்யம் தே³வா பூ⁴மிரேஷா நிதம்ப³ம்
பாதௌ³ கு³ள்ப²ம் ஜாநுஜங்க⁴ஸ்த்வத⁴ஸ்தே ।
ப்ரீதிர்த⁴ர்மோ(அ)த⁴ர்மகார்யம் ஹி கோப꞉
ஸ்ருஷ்டிர்போ³த⁴꞉ ஸம்ஹ்ருதிஸ்தே து நித்³ரா ॥ 6 ॥

அக்³நிர்ஜிஹ்வா ப்³ராஹ்மணாஸ்தே முகா²ப்³ஜம்
ஸந்த்⁴யே த்³வே தே ப்⁴ரூயுக³ம் விஶ்வமூர்தி꞉ ।
ஶ்வாஸோ வாயுர்பா³ஹவோ லோகபாலா꞉
க்ரீடா³ ஸ்ருஷ்டி꞉ ஸம்ஸ்தி²தி꞉ ஸம்ஹ்ருதிஸ்தே ॥ 7 ॥

ஏவம்பூ⁴தாம் தே³வி விஶ்வாத்மிகாம் த்வாம்
காளீம் வந்தே³ ப்³ரஹ்மவித்³யாஸ்வரூபாம் ।
மாத꞉ பூர்ணே ப்³ரஹ்மவிஜ்ஞாநக³ம்யே
து³ர்கே³(அ)பாரே ஸாரரூபே ப்ரஸீத³ ॥ 8 ॥

இதி ஶ்ரீமஹாபா⁴க³வதே மஹாபுராணே ப்³ரஹ்மவிஷ்ணுக்ருதா ஶ்ரீ ப⁴த்³ரகாளீ ஸ்துதி꞉ ।


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed