Shodasayudha Stotram – ஷோட³ஶாயுத⁴ ஸ்தோத்ரம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஷோட³ஶாயுத⁴ ஸ்தோத்ரம்

ஸ்வஸங்கல்பகலாகல்பைராயுதை⁴ராயுதே⁴ஶ்வர꞉ ।
ஜுஷ்ட꞉ ஷோட³ஶபி⁴ர்தி³வ்யைர்ஜுஷதாம் வ꞉ பர꞉ புமாந் ॥ 1 ॥

யதா³யத்தம் ஜக³ச்சக்ரம் காலசக்ரம் ச ஶாஶ்வதம் ।
பாது வஸ்தத்பரம் சக்ரம் சக்ரரூபஸ்ய சக்ரிண꞉ ॥ 2 ॥

யத்ப்ரஸூதிஶதைராஸந் த்³ருமா꞉ பரஶுலாஞ்சி²தா꞉ । [ருத்³ரா꞉]
ஸ தி³வ்யோ ஹேதிராஜஸ்ய பரஶு꞉ பரிபாது வ꞉ ॥ 3 ॥

ஹேலயா ஹேதிராஜேந யஸ்மிந் தை³த்யா꞉ ஸமுத்³த்⁴ருதே ।
ஶகுந்தா இவ தா⁴வந்தி ஸ குந்த꞉ பாலயேத வ꞉ ॥ 4 ॥

தை³த்யதா³நவமுக்²யாநாம் த³ண்ட்³யாநாம் யேந த³ண்ட³நம் ।
ஹேதித³ண்டே³ஶத³ண்டோ³(அ)ஸௌ ப⁴வதாம் த³ண்ட³யேத்³த்³விஷ꞉ ॥ 5 ॥

அநந்யாந்வயப⁴க்தாநாம் ருந்த⁴ந்நாஶாமதங்க³ஜாந் ।
அநங்குஶவிஹாரோ வ꞉ பாது ஹேதீஶ்வராங்குஶ꞉ ॥ 6 ॥

ஸம்பூ⁴ய ஶலபா⁴யந்தே யத்ர பாபாநி தே³ஹிநாம் ।
ஸ பாது ஶதவக்த்ராக்³நிஹேதிர்ஹேதீஶ்வரஸ்ய வ꞉ ॥ 7 ॥

அவித்³யாம் ஸ்வப்ரகாஶேந வித்³யாரூபஶ்சி²நத்தி ய꞉ ।
ஸ ஸுத³ர்ஶநநிஸ்த்ரிம்ஶ꞉ ஸௌது வஸ்தத்த்வத³ர்ஶநம் ॥ 8 ॥

க்ரியாஶக்திகு³ணோவிஷ்ணோர்யோ ப⁴வத்யதிஶக்திமாந் ।
அகுண்ட²ஶக்தி꞉ ஸா ஶக்திரஶக்திம் வாரயேத வ꞉ ॥ 9 ॥

தாரத்வம் யஸ்ய ஸம்ஸ்தா²நே ஶப்³தே³ ச பரித்³ருஶ்யதே ।
ப்ரபோ⁴꞉ ப்ரஹரணேந்த்³ரஸ்ய பாஞ்சஜந்ய꞉ ஸ பாது வ꞉ ॥ 10 ॥

யம் ஸாத்த்விகமஹங்காரம் ஆமநந்த்யக்ஷஸாயகம் ।
அவ்யாத்³வஶ்சக்ரரூபஸ்ய தத்³த⁴நு꞉ ஶார்ங்க³த⁴ந்வந꞉ ॥ 11 ॥

ஆயுதே⁴ந்த்³ரேண யேநைவ விஶ்வஸர்கோ³ விரச்யதே ।
ஸ வ꞉ ஸௌத³ர்ஶந꞉ குர்யாத் பாஶ꞉ பாஶவிமோசநம் ॥ 12 ॥

விஹாரோ யேந தே³வஸ்ய விஶ்வக்ஷேத்ரக்ருஷீவல꞉ ।
வ்யஜ்யதே தேந ஸீரேண நாஸீரவிஜயோ(அ)ஸ்து வ꞉ ॥ 13 ॥

ஆயுதா⁴நாமஹம் வஜ்ரம் இத்யகீ³யத ய꞉ ஸ வ꞉ ।
அவ்யாத்³தே⁴தீஶவஜ்ரோ(அ)ஸாவத³தீ⁴ச்யஸ்தி²ஸம்ப⁴வ꞉ ॥ 14 ॥

விஶ்வஸம்ஹ்ருதிஶக்திர்யா விஶ்ருதா பு³த்³தி⁴ரூபிணீ ।
ஸா வ꞉ ஸௌத³ர்ஶநீ பூ⁴யாத்³க³த³ப்ரஶமநீ க³தா³ ॥ 15 ॥

யாத்யதிக்ஷோத³ஶாலித்வம் முஸலோ யேந தேந வ꞉ ।
ஹேதீஶமுஸலேநாஶு பி⁴த்³யதாம் மோஹமௌஸலம் ॥ 16 ॥

ஶூலித்³ருஷ்டமநோர்வாச்யோ யேந ஶூலயதி த்³விஷ꞉ ।
ப⁴வதாம் தேந ப⁴வதாத் த்ரிஶூலேந விஶூலதா ॥ 17 ॥

அஸ்த்ரக்³ராமஸ்ய க்ருத்ஸ்நஸ்ய ப்ரஸூதிம் யம் ப்ரசக்ஷதே ।
ஸோ(அ)வ்யாத் ஸுத³ர்ஶநோ விஶ்வம் ஆயுதை⁴꞉ ஷோட³ஶாயுத⁴꞉ ॥ 18 ॥

ஶ்ரீமத்³வேங்கடநாதே²ந ஶ்ரேயஸே பூ⁴யஸே ஸதாம் ।
க்ருதேயமாயுதே⁴ந்த்³ரஸ்ய ஷோட³ஶாயுத⁴ஸம்ஸ்துதி꞉ ॥ 19 ॥

இதி ஶ்ரீவேதா³ந்ததே³ஶிக விரசிதம் ஷோட³ஶாயுத⁴ ஸ்தோத்ரம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.