Nama Ramayanam in Tamil – நாமராமாயணம்

ராம ராம ஜய ராஜா ராம ।
ராம ராம ஜய ஸீதா ராம ।

பா³லகாண்ட³ம்-
ஶுத்³த⁴ப்³ரஹ்மபராத்பர ராம ।
காலாத்மக பரமேஶ்வர ராம ।
ஶேஷதல்பஸுக²நித்³ரித ராம ।
ப்³ரஹ்மாத்³யமரப்ரார்தி²த ராம ।
சண்ட³கிரணகுலமண்ட³ந ராம ।
ஶ்ரீமத்³த³ஶரத²நந்த³ந ராம ।
கௌஸல்யாஸுக²வர்த⁴ந ராம ।
விஶ்வாமித்ரப்ரியத⁴ந ராம ।
கோ⁴ரதாடகாகா⁴தக ராம ।
மாரீசாதி³நிபாதக ராம ।
கௌஶிகமக²ஸம்ரக்ஷக ராம ।
ஶ்ரீமத³ஹல்யோத்³தா⁴ரக ராம ।
கௌ³தமமுநிஸம்பூஜித ராம ।
ஸுரமுநிவரக³ணஸம்ஸ்துத ராம ।
நாவிகதா⁴விதம்ருது³பத³ ராம ।
மிதி²லாபுரஜநமோஹக ராம ।
விதே³ஹமாநஸரஞ்ஜக ராம ।
த்ர்யம்ப³ககார்முகப⁴ஞ்ஜக ராம ।
ஸீதார்பிதவரமாலிக ராம ।
க்ருதவைவாஹிககௌதுக ராம ।
பா⁴ர்க³வத³ர்பவிநாஶக ராம ।
ஶ்ரீமத³யோத்⁴யாபாலக ராம ।

அயோத்⁴யாகாண்ட³ம்-
அக³ணிதகு³ணக³ணபூ⁴ஷித ராம ।
அவநீதநயாகாமித ராம ।
ராகாசந்த்³ரஸமாநந ராம ।
பித்ருவாக்யாஶ்ரிதகாநந ராம ।
ப்ரியகு³ஹவிநிவேதி³தபத³ ராம ।
தத்க்ஷாலிதநிஜம்ருது³பத³ ராம ।
ப⁴ரத்³வாஜமுகா²நந்த³க ராம ।
சித்ரகூடாத்³ரிநிகேதந ராம ।
த³ஶரத²ஸந்ததசிந்தித ராம ।
கைகேயீதநயார்தி²த ராம ।
விரசிதநிஜபித்ருகர்மக ராம ।
ப⁴ரதார்பிதநிஜபாது³க ராம ।

அரண்யகாண்ட³ம்-
த³ண்ட³காவநஜநபாவந ராம ।
து³ஷ்டவிராத⁴விநாஶந ராம ।
ஶரப⁴ங்க³ஸுதீக்ஷ்ணார்சித ராம ।
அக³ஸ்த்யாநுக்³ரஹவர்தி⁴த ராம ।
க்³ருத்⁴ராதி⁴பஸம்ஸேவித ராம ।
பஞ்சவடீதடஸுஸ்தி²த ராம ।
ஶூர்பணகா²ர்திவிதா⁴யக ராம ।
க²ரதூ³ஷணமுக²ஸூத³க ராம ।
ஸீதாப்ரியஹரிணாநுக³ ராம ।
மாரீசார்திக்ருதா³ஶுக³ ராம ।
விநஷ்டஸீதாந்வேஷக ராம ।
க்³ருத்⁴ராதி⁴பக³திதா³யக ராம ।
ஶப³ரீத³த்தப²லாஶந ராம ।
கப³ந்த⁴பா³ஹுச்சே²த³ந ராம ।

கிஷ்கிந்தா⁴காண்ட³ம்-
ஹநுமத்ஸேவிதநிஜபத³ ராம ।
நதஸுக்³ரீவாபீ⁴ஷ்டத³ ராம ।
க³ர்விதவாலிஸம்ஹாரக ராம ।
வாநரதூ³தப்ரேஷக ராம ।
ஹிதகரளக்ஷ்மணஸம்யுத ராம ।

ஸுந்த³ரகாண்ட³ம்-
கபிவரஸந்ததஸம்ஸ்ம்ருத ராம ।
தத்³க³திவிக்⁴நத்⁴வம்ஸக ராம ।
ஸீதாப்ராணாதா⁴ரக ராம ।
து³ஷ்டத³ஶாநநதூ³ஷித ராம ।
ஶிஷ்டஹநூமத்³பூ⁴ஷித ராம ।
ஸீதவேதி³தகாகாவந ராம ।
க்ருதசூடா³மணித³ர்ஶந ராம ।
கபிவரவசநாஶ்வாஸித ராம ।

யுத்³த⁴காண்ட³ம்-
ராவணநித⁴நப்ரஸ்தி²த ராம ।
வாநரஸைந்யஸமாவ்ருத ராம ।
ஶோஷிதஸரிதீ³ஶார்தி²த ராம ।
விபீ⁴ஷணாப⁴யதா³யக ராம ।
பர்வதஸேதுநிப³ந்த⁴க ராம ।
கும்ப⁴கர்ணஶிரஶ்சே²த³க ராம ।
ராக்ஷஸஸங்க⁴விமர்த³க ராம ।
அஹிமஹிராவணசாரண ராம ।
ஸம்ஹ்ருதத³ஶமுக²ராவண ராம ।
விதி⁴ப⁴வமுக²ஸுரஸம்ஸ்துத ராம ।
க²ஸ்தி²தத³ஶரத²வீக்ஷித ராம ।
ஸீதாத³ர்ஶநமோதி³த ராம ।
அபி⁴ஷிக்தவிபீ⁴ஷணநத ராம ।
புஷ்பகயாநாரோஹண ராம ।
ப⁴ரத்³வாஜாபி⁴நிஷேவண ராம ।
ப⁴ரதப்ராணப்ரியகர ராம ।
ஸாகேதபுரீபூ⁴ஷண ராம ।
ஸகலஸ்வீயஸமாநத ராம ।
ரத்நலஸத்பீட²ஸ்தி²த ராம ।
பட்டாபி⁴ஷேகாலங்க்ருத ராம ।
பார்தி²வகுலஸம்மாநித ராம ।
விபீ⁴ஷணார்பிதரங்க³க ராம ।
கீஶகுலாநுக்³ரஹகர ராம ।
ஸகலஜீவஸம்ரக்ஷக ராம ।
ஸமஸ்தலோகாதா⁴ரக ராம ।

உத்தரகாண்ட³ம்-
ஆக³தமுநிக³ணஸம்ஸ்துத ராம ।
விஶ்ருதத³ஶகண்டோ²த்³ப⁴வ ராம ।
ஸிதாலிங்க³நநிர்வ்ருத ராம ।
நீதிஸுரக்ஷிதஜநபத³ ராம ।
விபிநத்யாஜிதஜநகஜ ராம ।
காரிதலவணாஸுரவத⁴ ராம ।
ஸ்வர்க³தஶம்பு³கஸம்ஸ்துத ராம ।
ஸ்வதநயகுஶலவநந்தி³த ராம ।
அஶ்வமேத⁴க்ரதுதீ³க்ஷித ராம ।
காலாவேதி³தஸுரபத³ ராம ।
ஆயோத்⁴யகஜநமுக்தித³ ராம ।
விதி⁴முக²விபு³தா⁴நந்த³க ராம ।
தேஜோமயநிஜரூபக ராம ।
ஸம்ஸ்ருதிப³ந்த⁴விமோசக ராம ।
த⁴ர்மஸ்தா²பநதத்பர ராம ।
ப⁴க்திபராயணமுக்தித³ ராம ।
ஸர்வசராசரபாலக ராம ।
ஸர்வப⁴வாமயவாரக ராம ।
வைகுண்டா²லயஸம்ஸ்தி²த ராம ।
நித்யாநந்த³பத³ஸ்தி²த ராம ।

ராம ராம ஜய ராஜா ராம ।
ராம ராம ஜய ஸீதா ராம ॥

மங்க³ளம்-
ப⁴யஹர மங்க³ள த³ஶரத² ராம ।
ஜய ஜய மங்க³ள ஸீதா ராம ।
மங்க³ளகர ஜய மங்க³ள ராம ।
ஸங்க³தஶுப⁴விப⁴வோத³ய ராம ।
ஆநந்தா³ம்ருதவர்ஷக ராம ।
ஆஶ்ரிதவத்ஸல ஜய ஜய ராம ।
ரகு⁴பதி ராக⁴வ ராஜா ராம ।
பதிதபாவந ஸீதா ராம ।

இதி நாம ராமாயணம் ।


வேறு ஸ்ரீ ராம ஸ்தோத்திரங்கள் பார்க்க.


గమనిక: "శ్రీగణేశ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము..

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: