Gayatri Ramayanam – காயத்ரீ ராமாயணம்

தப꞉ ஸ்வாத்⁴யாயநிரதம் தபஸ்வீ வாக்³விதா³ம் வரம் ।
நாரத³ம் பரிபப்ரச்ச² வால்மீகிர்முநிபுங்க³வம் ॥ 1

ஸ ஹத்வா ராக்ஷஸாந் ஸர்வாந் யஜ்ஞக்⁴நாந் ரகு⁴நந்த³ந꞉ ।
ருஷிபி⁴꞉ பூஜித꞉ ஸம்யக்³யதே²ந்த்³ரோ விஜயீ புரா ॥ 2

விஶ்வாமித்ர꞉ ஸ த⁴ர்மாத்மா ஶ்ருத்வா ஜநகபா⁴ஷிதம் ।
வத்ஸ ராம த⁴நு꞉ பஶ்ய இதி ராக⁴வமப்³ரவீத் ॥ 3

துஷ்டாவாஸ்ய ததா³ வம்ஶம் ப்ரவிஷ்ய ஸ விஶாம்பதே꞉ ।
ஶயநீயம் நரேந்த்³ரஸ்ய ததா³ஸாத்³ய வ்யதிஷ்ட²த ॥ 4

வநவாஸம் ஹி ஸங்க்²யாய வாஸாம்ஸ்யாப⁴ரணாநி ச ।
ப⁴ர்தாரமநுக³ச்ச²ந்த்யை ஸீதாயை ஶ்வஶுரோ த³தௌ³ ॥ 5

ராஜா ஸத்யம் ச த⁴ர்மம் ச ராஜா குலவதாம் குலம் ।
ராஜா மாதா பிதா சைவ ராஜா ஹிதகரோ ந்ருணாம் ॥ 6

நிரீக்ஷ்ய ஸ முஹூர்தம் து த³த³ர்ஶ ப⁴ரதோ கு³ரும் ।
உடஜே ராமமாஸீநம் ஜடாவள்கலதா⁴ரிணம் ॥ 7

யதி³ பு³த்³தி⁴꞉ க்ருதா த்³ரஷ்டுமக³ஸ்த்யம் தம் மஹாமுநிம் ।
அத்³யைவ க³மநே பு³த்³தி⁴ம் ரோசயஸ்வ மஹாயஶா꞉ ॥ 8

ப⁴ரதஸ்யார்யபுத்ரஸ்ய ஶ்வஶ்ரூணாம் மம ச ப்ரபோ⁴ ।
ம்ருக³ரூபமித³ம் வ்யக்தம் விஸ்மயம் ஜநயிஷ்யதி ॥ 9

க³ச்ச² ஶீக்⁴ரமிதோ ராம ஸுக்³ரீவம் தம் மஹாப³லம் ।
வயஸ்யம் தம் குரு க்ஷிப்ரமிதோ க³த்வா(அ)த்³ய ராக⁴வ ॥ 10

தே³ஶகாலௌ ப்ரதீக்ஷஸ்வ க்ஷமமாண꞉ ப்ரியாப்ரியே ।
ஸுக²து³꞉க²ஸஹ꞉ காலே ஸுக்³ரீவ வஶகோ³ ப⁴வ ॥ 11

வந்த்³யாஸ்தே து தப꞉ ஸித்³தா⁴ஸ்தாபஸா வீதகல்மஷா꞉ ।
ப்ரஷ்டவ்யாஶ்சாபி ஸீதாயா꞉ ப்ரவ்ருத்திம் விநயாந்விதை꞉ ॥ 12

ஸ நிர்ஜித்ய புரீம் ஶ்ரேஷ்டா²ம் லங்காம் தாம் காமரூபிணீம் ।
விக்ரமேண மஹதேஜா꞉ ஹநுமாந்மாருதாத்மஜ꞉ ॥ 13

த⁴ந்யா தே³வா꞉ ஸ க³ந்த⁴ர்வா꞉ ஸித்³தா⁴ஶ்ச பரமர்ஷய꞉ ।
மம பஶ்யந்தி யே நாத²ம் ராமம் ராஜீவலோசநம் ॥ 14

மங்க³ளாபி⁴முகீ² தஸ்ய ஸா ததா³ஸீந்மஹாகபே꞉ ।
உபதஸ்தே² விஶாலாக்ஷீ ப்ரயதா ஹவ்யவாஹநம் ॥ 15

ஹிதம் மஹார்த²ம் ம்ருது³ ஹேது ஸம்ஹிதம்
வ்யதீதகாலாயதி ஸம்ப்ரதிக்ஷமம் ।
நிஶம்ய தத்³வாக்யமுபஸ்தி²தஜ்வர꞉
ப்ரஸங்க³வாநுத்தரமேதத³ப்³ரவீத் ॥ 16

த⁴ர்மாத்மா ரக்ஷஸாம் ஶ்ரேஷ்ட²꞉ ஸம்ப்ராப்தோ(அ)யம் விபீ⁴ஷண꞉ ।
லங்கைஶ்வர்யம் த்⁴ருவம் ஶ்ரீமாநயம் ப்ராப்நோத்யகண்டகம் ॥ 17

யோ வஜ்ரபாதாஶநி ஸந்நிபாதாந்
ந சக்ஷுபே⁴ நாபி சசால ராஜா ।
ஸ ராமபா³ணாபி⁴ஹதோ ப்⁴ருஶார்த꞉
சசால சாபம் ச முமோச வீர꞉ ॥ 18

யஸ்ய விக்ரமமாஸாத்³ய ராக்ஷஸா நித⁴நம் க³தா꞉ ।
தம் மந்யே ராக⁴வம் வீரம் நாராயணமநாமயம் ॥ 19

ந தே த³த்³ருஶிரே ராமம் த³ஹந்தமரிவாஹிநீம் ।
மோஹிதா꞉ பரமாஸ்த்ரேண கா³ந்த⁴ர்வேண மஹாத்மநா ॥ 20

ப்ரணம்ய தே³வதாப்⁴யஶ்ச ப்³ராஹ்மணேப்⁴யஶ்ச மைதி²லீ ।
ப³த்³தா⁴ஞ்ஜலிபுடா சேத³முவாசாக்³நி ஸமீபத꞉ ॥ 21

சலநாத்பர்வதேந்த்³ரஸ்ய க³ணா தே³வாஶ்ச கம்பிதா꞉ ।
சசால பார்வதீ சாபி ததா³ஶ்லிஷ்டா மஹேஶ்வரம் ॥ 22

தா³ரா꞉ புத்ரா꞉ புரம் ராஷ்ட்ரம் போ⁴கா³ச்சா²த³நபா⁴ஜநம் ।
ஸர்வமேவா(அ)விப⁴க்தம் நோ ப⁴விஷ்யதி ஹரீஶ்வர ॥ 23

யாமேவ ராத்ரிம் ஶத்ருக்⁴ந꞉ பர்ணஶாலாம் ஸமாவிஶத் ।
தாமேவ ராத்ரிம் ஸீதா(அ)பி ப்ரஸூதா தா³ரகத்³வயம் ॥ 24

இத³ம் ராமாயணம் க்ருத்ஸ்நம் கா³யத்ரீபீ³ஜஸம்யுதம் ।
த்ரிஸந்த்⁴யம் ய꞉ படே²ந்நித்யம் ஸர்வபாபை꞉ ப்ரமுச்யதே ॥

இதி ஶ்ரீ கா³யத்ரீ ராமாயணம் ।


வேறு ஸ்ரீ ராம ஸ்தோத்திரங்கள் பார்க்க.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: