Kishkindha Kanda Sarga 41 – கிஷ்கிந்தா⁴காண்ட³ ஏகசத்வாரிம்ஶ꞉ ஸர்க³꞉ (41)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகசத்வாரிம்ஶ꞉ ஸர்க³꞉ (41)

॥ த³க்ஷிணாப்ரேஷணம் ॥

தத꞉ ப்ரஸ்தா²ப்ய ஸுக்³ரீவஸ்தந்மஹத்³வாநரம் ப³லம் ।
த³க்ஷிணாம் ப்ரேஷயாமாஸ வாநராநபி⁴லக்ஷிதாந் ॥ 1 ॥

நீலமக்³நிஸுதம் சைவ ஹநுமந்தம் ச வாநரம் ।
பிதாமஹஸுதம் சைவ ஜாம்ப³வந்தம் மஹாப³லம் ॥ 2 ॥

ஸுஹோத்ரம் ச ஶராரிம் ச ஶரகு³ள்மம் ததை²வ ச ।
க³ஜம் க³வாக்ஷம் க³வயம் ஸுஷேணம்ருஷப⁴ம் ததா² ॥ 3 ॥

மைந்த³ம் ச த்³விவித³ம் சைவ விஜயம் க³ந்த⁴மாத³நம் ।
உல்காமுக²மஸங்க³ம் ச ஹுதாஶநஸுதாவுபௌ⁴ ॥ 4 ॥

அங்க³த³ப்ரமுகா²ந்வீராந் வீர꞉ கபிக³ணேஶ்வர꞉ ।
வேக³விக்ரமஸம்பந்நாந் ஸந்தி³தே³ஶ விஶேஷவித் ॥ 5 ॥

தேஷாமக்³ரேஸரம் சைவ மஹத்³ப³லமதா²ங்க³த³ம் ।
விதா⁴ய ஹரிவீராணாமாதி³ஶத்³த³க்ஷிணாம் தி³ஶம் ॥ 6 ॥

யே கேசந ஸமுத்³தே³ஶாஸ்தஸ்யாம் தி³ஶி ஸுது³ர்க³மா꞉ ।
கபீஶ꞉ கபிமுக்²யாநாம் ஸ தேஷாம் தாநுதா³ஹரத் ॥ 7 ॥

ஸஹஸ்ரஶிரஸம் விந்த்⁴யம் நாநாத்³ருமலதாயுதம் ।
நர்மதா³ம் ச நதீ³ம் து³ர்கா³ம் மஹோரக³நிஷேவிதாம் ॥ 8 ॥

ததோ கோ³தா³வரீம் ரம்யாம் க்ருஷ்ணவேணீம் மஹாநதீ³ம் ।
வரதா³ம் ச மஹாபா⁴கா³ம் மஹோரக³நிஷேவிதாம் ॥ 9 ॥

மேக²லாமுத்கலாம் சைவ த³ஶார்ணநக³ராண்யபி ।
அஶ்வவந்தீமவந்தீம் ச ஸர்வமேவாநுபஶ்யத ॥ 10 ॥

வித³ர்பா⁴ந்ருஷிகாம்ஶ்சைவ ரம்யாந்மாஹிஷகாநபி ।
ததா² வங்கா³ந் கலிங்கா³ம்ஶ்ச கௌஶிகாம்ஶ்ச ஸமந்தத꞉ ॥ 11 ॥

அந்வீக்ஷ்ய த³ண்ட³காரண்யம் ஸபர்வதநதீ³கு³ஹம் ।
நதீ³ம் கோ³தா³வரீம் சைவ ஸர்வமேவாநுபஶ்யத ॥ 12 ॥

ததை²வாந்த்⁴ராம்ஶ்ச புண்ட்³ராம்ஶ்ச சோலாந் பாண்ட்³யாந் ஸகேரளாந் ।
அயோமுக²ஶ்ச க³ந்தவ்ய꞉ பர்வதோ தா⁴துமண்டி³த꞉ ॥ 13 ॥

விசித்ரஶிக²ர꞉ ஶ்ரீமாம்ஶ்சித்ரபுஷ்பிதகாநந꞉ ।
ஸசந்த³நவநோத்³தே³ஶோ மார்கி³தவ்யோ மஹாகி³ரி꞉ ॥ 14 ॥

ததஸ்தாமாபகா³ம் தி³வ்யாம் ப்ரஸந்நஸலிலாம் ஶிவாம் ।
தத்ர த்³ரக்ஷ்யத² காவேரீம் விஹிதாமப்ஸரோக³ணை꞉ ॥ 15 ॥

தஸ்யாஸீநம் நக³ஸ்யாக்³ரே மலயஸ்ய மஹௌஜஸம் ।
த்³ரக்ஷ்யதா²தி³த்யஸங்காஶமக³ஸ்த்யம்ருஷிஸத்தமம் ॥ 16 ॥

ததஸ்தேநாப்⁴யநுஜ்ஞாதா꞉ ப்ரஸந்நேந மஹாத்மநா ।
தாம்ரபர்ணீம் க்³ராஹஜுஷ்டாம் தரிஷ்யத² மஹாநதீ³ம் ॥ 17 ॥

ஸா சந்த³நவநைர்தி³வ்யை꞉ ப்ரச்ச²ந்நா த்³வீபஶாலிநீ ।
காந்தேவ யுவதி꞉ காந்தம் ஸமுத்³ரமவகா³ஹதே ॥ 18 ॥

ததோ ஹேமமயம் தி³வ்யம் முக்தாமணிவிபூ⁴ஷிதம் ।
யுக்தம் கவாடம் பாண்ட்³யாநாம் க³தா த்³ரக்ஷ்யத² வாநரா꞉ ॥ 19 ॥

தத꞉ ஸமுத்³ரமாஸாத்³ய ஸம்ப்ரதா⁴ர்யார்த²நிஶ்சயம் ।
ஆக³ஸ்த்யேநாந்தரே தத்ர ஸாக³ரே விநிவேஶித꞉ ॥ 20 ॥

சித்ரநாநாநக³꞉ ஶ்ரீமாந் மஹேந்த்³ர꞉ பர்வதோத்தம꞉ ।
ஜாதரூபமய꞉ ஶ்ரீமாநவகா³டோ⁴ மஹார்ணவம் ॥ 21 ॥

நாநாவிதை⁴ர்நகை³꞉ ஸர்வைர்லதாபி⁴ஶ்சோபஶோபி⁴தம் ।
தே³வர்ஷியக்ஷப்ரவரைரப்ஸரோபி⁴ஶ்ச ஸேவிதம் ॥ 22 ॥

ஸித்³த⁴சாரணஸங்கை⁴ஶ்ச ப்ரகீர்ணம் ஸுமநோஹரம் ।
தமுபைதி ஸஹஸ்ராக்ஷ꞉ ஸதா³ பர்வஸு பர்வஸு ॥ 23 ॥

த்³வீபஸ்தஸ்யாபரே பாரே ஶதயோஜநவிஸ்த்ருத꞉ ।
அக³ம்யோ மாநுஷைர்தீ³ப்தஸ்தம் மார்க³த்⁴வம் ஸமந்தத꞉ ॥ 24 ॥

தத்ர ஸர்வாத்மநா ஸீதா மார்கி³தவ்யா விஶேஷத꞉ ।
ஸ ஹி தே³ஶஸ்து வத்⁴யஸ்ய ராவணஸ்ய து³ராத்மந꞉ ॥ 25 ॥

ராக்ஷஸாதி⁴பதேர்வாஸ꞉ ஸஹஸ்ராக்ஷஸமத்³யுதே꞉ ।
த³க்ஷிணஸ்ய ஸமுத்³ரஸ்ய மத்⁴யே தஸ்ய து ராக்ஷஸீ ॥ 26 ॥

அங்கா³ரகேதி விக்²யாதா சா²யாமாக்ஷிப்ய போ⁴ஜநீ ।
ஏவம் நி꞉ஸம்ஶயாந் க்ருத்வா ஸம்ஶயாந்நஷ்டஸம்ஶயா꞉ ॥ 27 ॥

ம்ருக³யத்⁴வம் நரேந்த்³ரஸ்ய பத்நீமமிததேஜஸ꞉ ।
தமதிக்ரம்ய லக்ஷ்மீவாந் ஸமுத்³ரே ஶதயோஜநே ॥ 28 ॥

கி³ரி꞉ புஷ்பிதகோ நாம ஸித்³த⁴சாரணஸேவித꞉ ।
சந்த்³ரஸூர்யாம்ஶுஸங்காஶ꞉ ஸாக³ராம்பு³ஸமாவ்ருத꞉ ॥ 29 ॥

ப்⁴ராஜதே விபுலை꞉ ஶ்ருங்கை³ரம்ப³ரம் விளிக²ந்நிவ ।
தஸ்யைவம் காஞ்சநம் ஶ்ருங்க³ம் ஸேவதே யம் தி³வாகர꞉ ॥ 30 ॥

ஶ்வேதம் ராஜதஶ்ருங்க³ம் ச ஸேவதே யம் நிஶாகர꞉ ।
ந தம் க்ருதக்⁴நா꞉ பஶ்யந்தி ந ந்ருஶம்ஸா ந நாஸ்திகா꞉ ॥ 31 ॥

ப்ரணம்ய ஶிரஸா ஶைலம் தம் விமார்க³த வாநரா꞉ ।
தமதிக்ரம்ய து³ர்த⁴ர்ஷா꞉ ஸூர்யவாந்நாம பர்வத꞉ ॥ 32 ॥

அத்⁴வநா து³ர்விகா³ஹேந யோஜநாநி சதுர்த³ஶ ।
ததஸ்தமப்யதிக்ரம்ய வைத்³யுதோ நாம பர்வத꞉ ॥ 33 ॥

ஸர்வகாமப²லைர்வ்ருக்ஷை꞉ ஸர்வகாலமநோஹரை꞉ ।
தத்ர பு⁴க்த்வா வரார்ஹாணி மூலாநி ச ப²லாநி ச ॥ 34 ॥

மதூ⁴நி பீத்வா முக்²யாநி பரம் க³ச்ச²த வாநரா꞉ ।
தத்ர நேத்ரமந꞉காந்த꞉ குஞ்ஜரோ நாம பர்வத꞉ ॥ 35 ॥

அக³ஸ்த்யப⁴வநம் யத்ர நிர்மிதம் விஶ்வகர்மணா ।
தத்ர யோஜநவிஸ்தாரமுச்ச்²ரிதம் த³ஶயோஜநம் ॥ 36 ॥

ஶரணம் காஞ்சநம் தி³வ்யம் நாநாரத்நவிபூ⁴ஷிதம் ।
தத்ர போ⁴க³வதீ நாம ஸர்பாணாமாலய꞉ புரீ ॥ 37 ॥

விஶாலகக்ஷ்யா து³ர்த⁴ர்ஷா ஸர்வத꞉ பரிரக்ஷிதா ।
ரக்ஷிதா பந்நகை³ர்கோ⁴ரைஸ்தீக்ஷ்ணத³ம்ஷ்ட்ரைர்மஹாவிஷை꞉ ॥ 38 ॥

ஸர்பராஜோ மஹாப்ராஜ்ஞோ யஸ்யாம் வஸதி வாஸுகி꞉ ।
நிர்யாய மார்கி³தவ்யா ச ஸா ச போ⁴க³வதீ புரீ ॥ 39 ॥

தத்ர சாநந்தரா தே³ஶா யே கேசந ஸுஸம்வ்ருதா꞉ ।
தம் ச தே³ஶமதிக்ரம்ய மஹாந்ருஷப⁴ஸம்ஸ்தி²த꞉ ॥ 40 ॥

ஸர்வரத்நமய꞉ ஶ்ரீமாந்ருஷபோ⁴ நாம பர்வத꞉ ।
கோ³ஶீர்ஷகம் பத்³மகம் ச ஹரிஶ்யாமம் ச சந்த³நம் ॥ 41 ॥

தி³வ்யமுத்பத்³யதே யத்ர தச்சைவாக்³நிஸமப்ரப⁴ம் ।
ந து தச்சந்த³நம் த்³ருஷ்ட்வா ஸ்ப்ரஷ்டவ்யம் ச கதா³சந ॥ 42 ॥

ரோஹிதா நாம க³ந்த⁴ர்வா கோ⁴ரா ரக்ஷந்தி தத்³வநம் ।
தத்ர க³ந்த⁴ர்வபதய꞉ பஞ்ச ஸூர்யஸமப்ரபா⁴꞉ ॥ 43 ॥

ஶைலூஷோ க்³ராமணீ꞉ ஶிக்³ரு꞉ ஶுப்⁴ரோ ப³ப்⁴ருஸ்ததை²வ ச ।
ரவிஸோமாக்³நிவபுஷாம் நிவாஸ꞉ புண்யகர்மணாம் ॥ 44 ॥

அந்தே ப்ருதி²வ்யா து³ர்த⁴ர்ஷாஸ்தத்ர ஸ்வர்க³ஜித꞉ ஸ்தி²தா꞉ ।
தத꞉ பரம் ந வ꞉ ஸேவ்ய꞉ பித்ருலோக꞉ ஸுதா³ருண꞉ ॥ 45 ॥

ராஜதா⁴நீ யமஸ்யைஷா கஷ்டேந தமஸா வ்ருதா ।
ஏதாவதே³வ யுஷ்மாபி⁴ர்வீரா வாநரபுங்க³வா꞉ ॥ 46 ॥

ஶக்யம் விசேதும் க³ந்தும் வா நாதோ க³திமாதாம் க³தி꞉ ।
ஸர்வமேதத்ஸமாலோக்ய யச்சாந்யத³பி த்³ருஶ்யதே ॥ 47 ॥

க³திம் விதி³த்வா வைதே³ஹ்யா꞉ ஸந்நிவர்திதுமர்ஹத² ।
யஸ்து மாஸாந்நிவ்ருத்தோ(அ)க்³ரே த்³ருஷ்டா ஸீதேதி வக்ஷ்யதி ॥ 48 ॥

மத்துல்யவிப⁴வோ போ⁴கை³꞉ ஸுக²ம் ஸ விஹரிஷ்யதி ।
தத꞉ ப்ரியதரோ நாஸ்தி மம ப்ராணாத்³விஶேஷத꞉ ।
க்ருதாபராதோ⁴ ப³ஹுஶோ மம ப³ந்து⁴ர்ப⁴விஷ்யதி ॥ 49 ॥

அமிதப³லபராக்ரமா ப⁴வந்தோ
விபுலகு³ணேஷு குலேஷு ச ப்ரஸூதா꞉ ।
மநுஜபதிஸுதாம் யதா² லப⁴த்⁴வம்
தத³தி⁴கு³ணம் புரஷார்த²மாரப⁴த்⁴வம் ॥ 50 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகசத்வாரிம்ஶ꞉ ஸர்க³꞉ ॥ 41 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.