Read in తెలుగు / ಕನ್ನಡ / தமிழ் / देवनागरी / English (IAST)
॥ ஸுக்³ரீவதாராஶ்வாஸனம் ॥
தாம் சாஶ்ருவேகே³ன து³ராஸதே³ன
த்வபி⁴ப்லுதாம் ஶோகமஹார்ணவேன ।
பஶ்யம்ஸ்ததா³ வால்யனுஜஸ்தரஸ்வீ
ப்⁴ராதுர்வதே⁴னாப்ரதிமேன தேபே ॥ 1 ॥
ஸ பா³ஷ்பபூர்ணேன முகே²ன வீக்ஷ்ய
க்ஷணேன நிர்விண்ணமனா மனஸ்வீ ।
ஜகா³ம ராமஸ்ய ஶனை꞉ ஸமீபம்
ப்⁴ருத்யைர்வ்ருத꞉ ஸம்பரிதூ³யமான꞉ ॥ 2 ॥
ஸ தம் ஸமாஸாத்³ய க்³ருஹீதசாப-
-முதா³த்தமாஶீவிஷதுல்யபா³ணம் ।
யஶஸ்வினம் லக்ஷணலக்ஷிதாங்க³-
-மவஸ்தி²தம் ராக⁴வமித்யுவாச ॥ 3 ॥
யதா²ப்ரதிஜ்ஞாதமித³ம் நரேந்த்³ர
க்ருதம் த்வயா த்³ருஷ்டப²லம் ச கர்ம ।
மமாத்³ய போ⁴கே³ஷு நரேந்த்³ரபுத்ர
மனோ நிவ்ருத்தம் ஸஹ ஜீவிதேன ॥ 4 ॥
அஸ்யாம் மஹிஷ்யாம் து ப்⁴ருஶம் ருத³ந்த்யாம்
புரே ச விக்ரோஶதி து³꞉க²தப்தே ।
ஹதே(அ)க்³ரஜே ஸம்ஶயிதே(அ)ங்க³தே³ ச
ந ராமராஜ்யே ரமதே மனோ மே ॥ 5 ॥
க்ரோதா⁴த³மர்ஷாத³திவிப்ரத⁴ர்ஷா-
-த்³ப்⁴ராதுர்வதோ⁴ மே(அ)னுமத꞉ புரஸ்தாத் ।
ஹதே த்விதா³னீம் ஹரியூத²பே(அ)ஸ்மின்
ஸுதீவ்ரமிக்ஷ்வாகுகுமார தப்ஸ்யே ॥ 6 ॥
ஶ்ரேயோ(அ)த்³ய மன்யே மம ஶைலமுக்²யே
தஸ்மிந்நிவாஸஶ்சிரம்ருஶ்யமூகே ।
யதா² ததா² வர்தயத꞉ ஸ்வவ்ருத்த்யா
நேமம் நிஹத்ய த்ரிதி³வஸ்ய லாப⁴꞉ ॥ 7 ॥
ந த்வாம் ஜிகா⁴ம்ஸாமி சரேதி யன்மா-
-மயம் மஹாத்மா மதிமானுவாச ।
தஸ்யைவ தத்³ராம வசோ(அ)னுரூப-
-மித³ம் புன꞉ கர்ம ச மே(அ)னுரூபம் ॥ 8 ॥
ப்⁴ராதா கத²ம் நாம மஹாகு³ணஸ்ய
ப்⁴ராதுர்வத⁴ம் ராக⁴வ ரோசயேத ।
ராஜ்யஸ்ய து³꞉க²ஸ்ய ச வீர ஸாரம்
ந சிந்தயன் காமபுரஸ்க்ருத꞉ ஸன் ॥ 9 ॥
வதோ⁴ ஹி மே மதோ நாஸீத்ஸ்வமாஹாத்ம்யவ்யதிக்ரமாத் ।
மமாஸீத்³பு³த்³தி⁴தௌ³ராத்ம்யாத்ப்ராணஹாரீ வ்யதிக்ரம꞉ ॥ 10 ॥
த்³ருமஶாகா²வப⁴க்³னோ(அ)ஹம் முஹூர்தம் பரிநிஷ்ட²னன் ।
ஸாந்த்வயித்வா த்வனேனோக்தோ ந புன꞉ கர்துமர்ஹஸி ॥ 11 ॥
ப்⁴ராத்ருத்வமார்யபா⁴வஶ்ச த⁴ர்மஶ்சானேன ரக்ஷித꞉ ।
மயா க்ரோத⁴ஶ்ச காமஶ்ச கபித்வம் ச ப்ரத³ர்ஶிதம் ॥ 12 ॥
அசிந்தனீயம் பரிவர்ஜனீய-
-மனீப்ஸனீயம் ஸ்வனவேக்ஷணீயம் ।
ப்ராப்தோ(அ)ஸ்மி பாப்மானமிமம் நரேந்த்³ர
ப்⁴ராதுர்வதா⁴த்த்வாஷ்ட்ரவதா⁴தி³வேந்த்³ர꞉ ॥ 13 ॥
பாப்மானமிந்த்³ரஸ்ய மஹீ ஜலம் ச
வ்ருக்ஷாஶ்ச காமம் ஜக்³ருஹு꞉ ஸ்த்ரியஶ்ச ।
கோ நாம பாப்மானமிமம் க்ஷமேத
ஶாகா²ம்ருக³ஸ்ய ப்ரதிபத்துமிச்ச²ன் ॥ 14 ॥
நார்ஹாமி ஸம்மானமிமம் ப்ரஜானாம்
ந யௌவராஜ்யம் குத ஏவ ராஜ்யம் ।
அத⁴ர்மயுக்தம் குலநாஶயுக்த-
-மேவம்வித⁴ம் ராக⁴வ கர்ம க்ருத்வா ॥ 15 ॥
பாபஸ்ய கர்தா(அ)ஸ்மி விக³ர்ஹிதஸ்ய
க்ஷுத்³ரஸ்ய லோகாபக்ருதஸ்ய சைவ ।
ஶோகோ மஹான் மாமபி⁴வர்ததே(அ)யம்
வ்ருஷ்டேர்யதா² நிம்னமிவாம்பு³வேக³꞉ ॥ 16 ॥
ஸோத³ர்யகா⁴தாகா³த்ரவாள꞉
ஸந்தாபஹஸ்தாக்ஷிஶிரோவிஷாண꞉ ।
ஏனோமயோ மாமபி⁴ஹந்தி ஹஸ்தீ
த்³ருப்தோ நதீ³கூலமிவ ப்ரவ்ருத்³த⁴꞉ ॥ 17 ॥
அம்ஹோ ப³தேத³ம் ந்ருவராவிஷஹ்ய
நிவர்ததே மே ஹ்ருதி³ ஸாது⁴ வ்ருத்தம் ।
விவர்ணமக்³னௌ பரிதப்யமானம்
கிட்டம் யதா² ராக⁴வ ஜாதரூபம் ॥ 18 ॥
மஹாப³லானாம் ஹரியூத²பானா-
-மித³ம் குலம் ராக⁴வ மந்நிமித்தம் ।
அஸ்யாங்க³த³ஸ்யாபி ச ஶோகதாபா-
-த³ர்த⁴ஸ்தி²தப்ராணமிதீவ மன்யே ॥ 19 ॥
ஸுத꞉ ஸுலப்⁴ய꞉ ஸுஜன꞉ ஸுவஶ்ய꞉
குத꞉ ஸுபுத்ர꞉ ஸத்³ருஶோ(அ)ங்க³தே³ன ।
ந சாபி வித்³யேத ஸ வீர தே³ஶோ
யஸ்மின்ப⁴வேத் ஸோத³ரஸந்நிகர்ஷ꞉ ॥ 20 ॥
யத்³யங்க³தோ³ வீரவரார்ஹ ஜீவே-
-ஜ்ஜீவேச்ச மாதா பரிபாலனார்த²ம் ।
வினா து புத்ரம் பரிதாபதீ³னா
தாரா ந ஜீவேதி³தி நிஶ்சிதம் மே ॥ 21 ॥
ஸோ(அ)ஹம் ப்ரவேக்ஷ்யாம்யதிதீ³ப்தமக்³னிம்
ப்⁴ராத்ரா ச புத்ரேண ச ஸக்²யமிச்ச²ன் ।
இமே விசேஷ்யந்தி ஹரிப்ரவீரா꞉
ஸீதாம் நிதே³ஶே தவ வர்தமானா꞉ ॥ 22 ॥
க்ருத்ஸ்னம் து தே ஸேத்ஸ்யதி கார்யமேத-
-ந்மய்யப்ரதீதே மனுஜேந்த்³ரபுத்ர ।
குலஸ்ய ஹந்தாரமஜீவனார்ஹம்
ராமானுஜானீஹி க்ருதாக³ஸம் மாம் ॥ 23 ॥
இத்யேவமார்தஸ்ய ரகு⁴ப்ரவீர꞉
ஶ்ருத்வா வசோ வால்யனுஜஸ்ய தஸ்ய ।
ஸஞ்ஜாதபா³ஷ்ப꞉ பரவீரஹந்தா
ராமோ முஹூர்தம் விமனா ப³பூ⁴வ ॥ 24 ॥
தஸ்மின் க்ஷணே(அ)பீ⁴க்ஷ்ணமவேக்ஷ்யமாண꞉
க்ஷிதிக்ஷமாவான் பு⁴வனஸ்ய கோ³ப்தா ।
ராமோ ருத³ந்தீம் வ்யஸனே நிமக்³னாம்
ஸமுத்ஸுக꞉ ஸோ(அ)த² த³த³ர்ஶ தாராம் ॥ 25 ॥
தாம் சாருநேத்ராம் கபிஸிம்ஹநாத²ம்
பதிம் ஸமாஶ்லிஷ்ய ததா³ ஶயானாம் ।
உத்தா²பயாமாஸுரதீ³னஸத்த்வாம்
மந்த்ரிப்ரதா⁴னா꞉ கபிவீரபத்னீம் ॥ 26 ॥
ஸா விஸ்பு²ரந்தீ பரிரப்⁴யமாணா
ப⁴ர்து꞉ ஸகாஶாத³பனீயமானா ।
த³த³ர்ஶ ராமம் ஶரசாபபாணிம்
ஸ்வதேஜஸா ஸூர்யமிவ ஜ்வலந்தம் ॥ 27 ॥
ஸுஸம்வ்ருதம் பார்தி²வலக்ஷணைஶ்ச
தம் சாருநேத்ரம் ம்ருக³ஶாப³நேத்ரா ।
அத்³ருஷ்டபூர்வம் புருஷப்ரதா⁴ன-
-மயம் ஸ காகுத்ஸ்த² இதி ப்ரஜஜ்ஞே ॥ 28 ॥
தஸ்யேந்த்³ரகல்பஸ்ய து³ராஸத³ஸ்ய
மஹானுபா⁴வஸ்ய ஸமீபமார்யா ।
ஆர்தா(அ)திதூர்ணம் வ்யஸநாபி⁴பன்னா
ஜகா³ம தாரா பரிவிஹ்வலந்தீ ॥ 29 ॥
ஸா தம் ஸமாஸாத்³ய விஶுத்³த⁴ஸத்த்வா
ஶோகேன ஸம்ப்⁴ராந்தஶரீரபா⁴வா ।
மனஸ்வினீ வாக்யமுவாச தாரா
ராமம் ரணோத்கர்ஷணலப்³த⁴ளக்ஷம் ॥ 30 ॥
த்வமப்ரமேயஶ்ச து³ராஸத³ஶ்ச
ஜிதேந்த்³ரியஶ்சோத்தமதா⁴ர்மிகஶ்ச ।
அக்ஷய்யகீர்திஶ்ச விசக்ஷணஶ்ச
க்ஷிதிக்ஷமாவான் க்ஷதஜோபமாக்ஷ꞉ ॥ 31 ॥
த்வமாத்தபா³ணாஸனபா³ணபாணி-
-ர்மஹாப³ல꞉ ஸம்ஹனனோபபன்ன꞉ ।
மனுஷ்யதே³ஹாப்⁴யுத³யம் விஹாய
தி³வ்யேன தே³ஹாப்⁴யுத³யேன யுக்த꞉ ॥ 32 ॥
யேனைகபா³ணேன ஹத꞉ ப்ரியோ மே
தேனேவ மாம் த்வம் ஜஹி ஸாயகேன ।
ஹதா க³மிஷ்யாமி ஸமீபமஸ்ய
ந மாம்ருதே ராம ரமேத வாலீ ॥ 33 ॥
ஸ்வர்கே³(அ)பி பத்³மாமலபத்ரநேத்ர꞉
ஸமேத்ய ஸம்ப்ரேக்ஷ்ய ச மாமபஶ்யன் ।
ந ஹ்யேஷ உச்சாவசதாம்ரசூடா³
விசித்ரவேஷாப்ஸரஸோ(அ)ப⁴ஜிஷ்யத் ॥ 34 ॥
ஸ்வர்கே³(அ)பி ஶோகம் ச விவர்ணதாம் ச
மயா வினா ப்ராப்ஸ்யதி வீர வாலீ ।
ரம்யே நகே³ந்த்³ரஸ்ய தடாவகாஶே
விதே³ஹகன்யாரஹிதோ யதா² த்வம் ॥ 35 ॥
த்வம் வேத்த² யாவத்³வனிதாவிஹீன꞉
ப்ராப்னோதி து³꞉க²ம் புருஷ꞉ குமார꞉ ।
தத்த்வம் ப்ரஜானன் ஜஹி மாம் ந வாலீ
து³꞉க²ம் மமாத³ர்ஶனஜம் ப⁴ஜேத ॥ 36 ॥
யச்சாபி மன்யேத ப⁴வான்மஹாத்மா
ஸ்த்ரீகா⁴ததோ³ஷோ ந ப⁴வேத்து மஹ்யம் ।
ஆத்மேயமஸ்யேதி ச மாம் ஜஹி த்வம்
ந ஸ்த்ரீவத⁴꞉ ஸ்யான்மனுஜேந்த்³ரபுத்ர ॥ 37 ॥
ஶாஸ்த்ரப்ரயோகா³த்³விவிதா⁴ச்ச வேதா³-
-தா³த்மா ஹ்யனன்ய꞉ புருஷஸ்ய தா³ரா꞉ ।
தா³ரப்ரதா³னான்ன ஹி தா³னமன்ய-
-த்ப்ரத்³ருஶ்யதே ஜ்ஞானவதாம் ஹி லோகே ॥ 38 ॥
த்வம் சாபி மாம் தஸ்ய மம ப்ரியஸ்ய
ப்ரதா³ஸ்யஸே த⁴ர்மமவேக்ஷ்ய வீர ।
அனேன தா³னேன ந லப்ஸ்யஸே த்வ-
-மத⁴ர்மயோக³ம் மம வீர கா⁴தாத் ॥ 39 ॥
ஆர்தாமநாதா²மபனீயமானா-
-மேவம்விதா⁴மர்ஹஸி மாம் நிஹந்தும் ।
அஹம் ஹி மாதங்க³விளாஸகா³மினா
ப்லவங்க³மானாம்ருஷபே⁴ண தீ⁴மதா ॥ 40 ॥
வினா வரார்ஹோத்தமஹேமமாலினா
சிரம் ந ஶக்ஷ்யாமி நரேந்த்³ர ஜீவிதும் ।
இத்யேவமுக்தஸ்து விபு⁴ர்மஹாத்மா
தாராம் ஸமாஶ்வாஸ்ய ஹிதம் ப³பா⁴ஷே ॥ 41 ॥
மா வீரபா⁴ர்யே விமதிம் குருஷ்வ
லோகோ ஹி ஸர்வோ விஹிதோ விதா⁴த்ரா ।
தம் சைவ ஸர்வம் ஸுக²து³꞉க²யோக³ம்
லோகோ(அ)ப்³ரவீத்தேன க்ருதம் விதா⁴த்ரா ॥ 42 ॥
த்ரயோ ஹி லோகா விஹிதம் விதா⁴னம்
நாதிக்ரமாந்தே வஶகா³ ஹி தஸ்ய ।
ப்ரீதிம் பராம் ப்ராப்ஸ்யஸி தாம் ததை²வ
புத்ரஸ்து தே ப்ராப்ஸ்யதி யௌவராஜ்யம் ॥ 43 ॥
தா⁴த்ரா விதா⁴னம் விஹிதம் ததை²வ
ந ஶூரபத்ன்ய꞉ பரிதே³வயந்தி ।
ஆஶ்வாஸிதா தேன து ராக⁴வேண
ப்ரபா⁴வயுக்தேன பரந்தபேன ।
ஸா வீரபத்னீ த்⁴வனதா முகே²ன
ஸுவேஷரூபா விரராம தாரா ॥ 44 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ சதுர்விம்ஶ꞉ ஸர்க³꞉ ॥ 24 ॥
ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
