Kishkindha Kanda Sarga 23 – கிஷ்கிந்தா⁴காண்ட³ த்ரயோவிம்ஶ꞉ ஸர்க³꞉ (23)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ த்ரயோவிம்ஶ꞉ ஸர்க³꞉ (23)

॥ அங்க³தா³பி⁴வாத³னம் ॥

தத꞉ ஸமுபஜிக்⁴ரந்தீ கபிராஜஸ்ய தன்முக²ம் ।
பதிம் லோகாச்ச்யுதம் தாரா ம்ருதம் வசனமப்³ரவீத் ॥ 1 ॥

ஶேஷே த்வம் விஷமே து³꞉க²மனுக்த்வா வசனம் மம ।
உபலோபசிதே வீர ஸுது³꞉கே² வஸுதா⁴தலே ॥ 2 ॥

மத்த꞉ ப்ரியதரா நூனம் வானரேந்த்³ர மஹீ தவ ।
ஶேஷே ஹி தாம் பரிஷ்வஜ்ய மாம் ச ந ப்ரதிபா⁴ஷஸே ॥ 3 ॥

ஸுக்³ரீவஸ்ய வஶம் ப்ராப்தோ விதி⁴ரேஷ ப⁴வத்யஹோ ।
ஸுக்³ரீவ ஏவ விக்ராந்தோ வீர ஸாஹஸிகப்ரிய ॥ 4 ॥

ருக்ஷவானரமுக்²யாஸ்த்வாம் ப³லின꞉ பர்யுபாஸதே ।
ஏஷாம் விளபிதம் க்ருச்ச்²ரமங்க³த³ஸ்ய ச ஶோசத꞉ ॥ 5 ॥

மம சேமாம் கி³ரம் ஶ்ருத்வா கிம் த்வம் ந ப்ரதிபு³த்⁴யஸே ।
இத³ம் தத்³வீரஶயனம் யத்ர ஶேஷே ஹதோ யுதி⁴ ॥ 6 ॥

ஶாயிதா நிஹதா யத்ர த்வயைவ ரிபவ꞉ புரா ।
விஶுத்³த⁴ஸத்த்வாபி⁴ஜன ப்ரியயுத்³த⁴ மம ப்ரிய ॥ 7 ॥

மாமநாதா²ம் விஹாயைகாம் க³தஸ்த்வமஸி மானத³ ।
ஶூராய ந ப்ரதா³தவ்யா கன்யா க²லு விபஶ்சிதா ॥ 8 ॥

ஶூரபா⁴ர்யாம் ஹதாம் பஶ்ய ஸத்³யோ மாம் வித⁴வாம் க்ருதாம் ।
அவப⁴க்³னஶ்ச மே மானோ ப⁴க்³னா மே ஶாஶ்வதீ க³தி꞉ ॥ 9 ॥

அகா³தே⁴ ச நிமக்³னா(அ)ஸ்மி விபுலே ஶோகஸாக³ரே ।
அஶ்மஸாரமயம் நூனமித³ம் மே ஹ்ருத³யம் த்³ருட⁴ம் ॥ 10 ॥

ப⁴ர்தாரம் நிஹதம் த்³ருஷ்ட்வா யந்நாத்³ய ஶததா⁴ க³தம் ।
ஸுஹ்ருச்சைவ ஹி ப⁴ர்தா ச ப்ரக்ருத்யா மம ச ப்ரிய꞉ ॥ 11 ॥

ஆஹவே ச பராக்ராந்த꞉ ஶூர꞉ பஞ்சத்வமாக³த꞉ ।
பதிஹீனா து யா நாரீ காமம் ப⁴வது புத்ரிணீ ॥ 12 ॥

த⁴னதா⁴ன்யை꞉ ஸுபூர்ணாபி வித⁴வேத்யுச்யதே ஜனை꞉ ।
ஸ்வகா³த்ரப்ரப⁴வே வீர ஶேஷே ருதி⁴ரமண்ட³லே ॥ 13 ॥

க்ருமிராக³பரிஸ்தோமே த்வமாத்மஶயனே யதா² ।
ரேணுஶோணிதஸம்வீதம் கா³த்ரம் தவ ஸமந்தத꞉ ॥ 14 ॥

பரிரப்³து⁴ம் ந ஶக்னோமி பு⁴ஜாப்⁴யாம் ப்லவக³ர்ஷப⁴ ।
க்ருதக்ருத்யோ(அ)த்³ய ஸுக்³ரீவோ வைரே(அ)ஸ்மின்னதிதா³ருணே ॥ 15 ॥

யஸ்ய ராமவிமுக்தேன ஹ்ருதமேகேஷுணா ப⁴யம் ।
ஶரேண ஹ்ருதி³ லக்³னேன கா³த்ரஸம்ஸ்பர்ஶனே தவ ॥ 16 ॥

வார்யாமி த்வாம் நிரீக்ஷந்தீ த்வயி பஞ்சத்வமாக³தே ।
உத்³ப³ப³ர்ஹ ஶரம் நீலஸ்தஸ்ய கா³த்ரக³தம் ததா³ ॥ 17 ॥

கி³ரிக³ஹ்வரஸம்லீனம் தீ³ப்தமாஶீவிஷம் யதா² ।
தஸ்ய நிஷ்க்ருஷ்யமாணஸ்ய பா³ணஸ்ய ச ப³பௌ⁴ த்³யுதி꞉ ॥ 18 ॥

அஸ்தமஸ்தகஸம்ருத்³தோ⁴ ரஶ்மிர்தி³னகராதி³வ ।
பேது꞉ க்ஷதஜதா⁴ராஸ்து வ்ரணேப்⁴யஸ்தஸ்ய ஸர்வஶ꞉ ॥ 19 ॥

தாம்ரகை³ரிகஸம்ப்ருக்தா தா⁴ரா இவ த⁴ராத⁴ராத் ।
அவகீர்ணம் விமார்ஜந்தீ ப⁴ர்தாரம் ரணரேணுனா ॥ 20 ॥

ஆஸ்ரைர்நயனஜை꞉ ஶூரம் ஸிஷேசாஸ்த்ரஸமாஹதம் ।
ருதி⁴ரோக்ஷிதஸர்வாங்க³ம் த்³ருஷ்ட்வா வினிஹதம் பதிம் ॥ 21 ॥

உவாச தாரா பிங்கா³க்ஷம் புத்ரமங்க³த³மங்க³னா ।
அவஸ்தா²ம் பஶ்சிமாம் பஶ்ய பிது꞉ புத்ர ஸுதா³ருணாம் ॥ 22 ॥

ஸம்ப்ரஸக்தஸ்ய வைரஸ்ய க³தோ(அ)ந்த꞉ பாபகர்மணா ।
பா³லஸூர்யோத³யதனும் ப்ரயாந்தம் யமஸாத³னம் ॥ 23 ॥

அபி⁴வாத³ய ராஜானம் பிதரம் புத்ர மானத³ம் ।
ஏவமுக்த꞉ ஸமுத்தா²ய ஜக்³ராஹ சரணௌ பிது꞉ ॥ 24 ॥

பு⁴ஜாப்⁴யாம் பீனவ்ருத்தாப்⁴யாமங்க³தோ³(அ)ஹமிதி ப்³ருவன் ।
அபி⁴வாத³யமானம் த்வாமங்க³த³ம் த்வம் யதா² புரா ॥ 25 ॥

தீ³ர்கா⁴யுர்ப⁴வ புத்ரேதி கிமர்த²ம் நாபி⁴பா⁴ஷஸே ।
அஹம் புத்ரஸஹாயா த்வாமுபாஸே க³தசேதனம் ॥ 26 ॥

ஸிம்ஹேன நிஹதம் ஸத்³யோ கௌ³꞉ ஸவத்ஸேவ கோ³வ்ருஷம் ।
இஷ்ட்வா ஸங்க்³ராமயஜ்ஞேன ராமப்ரஹரணாம்ப⁴ஸி ॥ 27 ॥

அஸ்மின்னவப்⁴ருதே² ஸ்னாத꞉ கத²ம் பத்ன்யா மயா வினா ।
யா த³த்தா தே³வராஜேன தவ துஷ்டேன ஸம்யுகே³ ॥ 28 ॥

ஶாதகும்ப⁴மயீம் மாலாம் தாம் தே பஶ்யாமி நேஹ கிம் ।
ராஜஶ்ரீர்ன ஜஹாதி த்வாம் க³தாஸுமபி மானத³ ।
ஸூர்யஸ்யாவர்தமானஸ்ய ஶைலராஜமிவ ப்ரபா⁴ ॥ 29 ॥

ந மே வச꞉ பத்²யமித³ம் த்வயா க்ருதம்
ந சாஸ்மி ஶக்தா விநிவாரணே தவ ।
ஹதா ஸபுத்ரா(அ)ஸ்மி ஹதேன ஸம்யுகே³
ஸஹ த்வயா ஶ்ரீர்விஜஹாதி மாமிஹ ॥ 30 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ த்ரயோவிம்ஶ꞉ ஸர்க³꞉ ॥ 23 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.