Kishkindha Kanda Sarga 21 – கிஷ்கிந்தா⁴காண்ட³ ஏகவிம்ஶ꞉ ஸர்க³꞉ (21)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகவிம்ஶ꞉ ஸர்க³꞉ (21)

॥ ஹனுமதா³ஶ்வாஸனம் ॥

ததோ நிபதிதாம் தாராம் ச்யுதாம் தாராமிவாம்ப³ராத் ।
ஶனைராஶ்வாஸயாமாஸ ஹனுமான் ஹரியூத²ப꞉ ॥ 1 ॥

கு³ணதோ³ஷக்ருதம் ஜந்து꞉ ஸ்வகர்மப²லஹேதுகம் ।
அவ்யக்³ரஸ்தத³வாப்னோதி ஸர்வம் ப்ரேத்ய ஶுபா⁴ஶுப⁴ம் ॥ 2 ॥

ஶோச்யா ஶோசஸி கம் ஶோச்யம் தீ³னம் தீ³னா(அ)னுகம்பஸே ।
கஸ்ய கோ வா(அ)னு ஶோச்யோ(அ)ஸ்தி தே³ஹே(அ)ஸ்மின் பு³த்³பு³தோ³பமே ॥ 3 ॥

அங்க³த³ஸ்து குமாரோ(அ)யம் த்³ரஷ்டவ்யோ ஜீவபுத்ரயா ।
ஆயத்யாம் ச விதே⁴யானி ஸமர்தா²ன்யஸ்ய சிந்தய ॥ 4 ॥

ஜானாஸ்யநியதாமேவம் பூ⁴தாநாமாக³திம் க³திம் ।
தஸ்மாச்சு²ப⁴ம் ஹி கர்தவ்யம் பண்டி³தேனைஹலௌகிகம் ॥ 5 ॥

யஸ்மின் ஹரிஸஹஸ்ராணி ப்ரயுதான்யர்பு³தா³னி ச ।
வர்தயந்தி க்ருதாம்ஶானி ஸோ(அ)யம் தி³ஷ்டாந்தமாக³த꞉ ॥ 6 ॥

யத³யம் ந்யாயத்³ருஷ்டார்த²꞉ ஸாமதா³னக்ஷமாபர꞉ ।
க³தோ த⁴ர்மஜிதாம் பூ⁴மிம் நைனம் ஶோசிதுமர்ஹஸி ॥ 7 ॥

ஸர்வே ஹி ஹரிஶார்தூ³ளா꞉ புத்ரஶ்சாயம் தவாங்க³த³꞉ ।
இத³ம் ஹர்ய்ருக்ஷராஜ்யம் ச த்வத்ஸநாத²மனிந்தி³தே ॥ 8 ॥

தாவிமௌ ஶோகஸந்தாபௌ ஶனை꞉ ப்ரேரய பா⁴மினி ।
த்வாயா பரிக்³ருஹீதோ(அ)யமங்க³த³꞉ ஶாஸ்து மேதி³னீம் ॥ 9 ॥

ஸந்ததிஶ்ச யதா² த்³ருஷ்டா க்ருத்யம் யச்சாபி ஸாம்ப்ரதம் ।
ராஜ்ஞஸ்தத்க்ரியதாம் தாவதே³ஷ காலஸ்ய நிஶ்சய꞉ ॥ 10 ॥

ஸம்ஸ்கார்யோ ஹரிராஜஶ்ச அங்க³த³ஶ்சாபி⁴ஷிச்யதாம் ।
ஸிம்ஹாஸனக³தம் புத்ரம் பஶ்யந்தீ ஶாந்திமேஷ்யஸி ॥ 11 ॥

ஸா தஸ்ய வசனம் ஶ்ருத்வா ப⁴ர்த்ருவ்யஸனபீடி³தா ।
அப்³ரவீது³த்தரம் தாரா ஹனுமந்தமவஸ்தி²தம் ॥ 12 ॥

அங்க³த³ப்ரதிரூபாணாம் புத்ராணாமேகத꞉ ஶதம் ।
ஹதஸ்யாப்யஸ்ய வீரஸ்ய கா³த்ரஸம்ஶ்லேஷணம் வரம் ॥ 13 ॥

ந சாஹம் ஹரிராஜஸ்ய ப்ரபா⁴வாம்யங்க³த³ஸ்ய வா ।
பித்ருவ்யஸ்தஸ்ய ஸுக்³ரீவ꞉ ஸர்வகார்யேஷ்வனந்தர꞉ ॥ 14 ॥

ந ஹ்யேஷா பு³த்³தி⁴ராஸ்தே²யா ஹனுமன்னங்க³த³ம் ப்ரதி ।
பிதா ஹி ப³ந்து⁴꞉ புத்ரஸ்ய ந மாதா ஹரிஸத்தம ॥ 15 ॥

ந ஹி மம ஹரிராஜஸம்ஶ்ரயாத்
க்ஷமதரமஸ்தி பரத்ர சேஹ வா ।
அபி⁴முக²ஹதவீரஸேவிதம்
ஶயனமித³ம் மம ஸேவிதும் க்ஷமம் ॥ 16 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகவிம்ஶ꞉ ஸர்க³꞉ ॥ 21 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---