Kishkindha Kanda Sarga 20 – கிஷ்கிந்தா⁴காண்ட³ விம்ஶ꞉ ஸர்க³꞉ (20)


॥ தாராவிளாப꞉ ॥

ராமசாபவிஸ்ருஷ்டேந ஶரேணாந்தகரேண தம் ।
த்³ருஷ்ட்வா விநிஹதம் பூ⁴மௌ தாரா தாராதி⁴பாநநா ॥ 1 ॥

ஸா ஸமாஸாத்³ய ப⁴ர்தாரம் பர்யஷ்வஜத பா⁴மிநீ ।
இஷுணாபி⁴ஹதம் த்³ருஷ்ட்வா வாலிநம் குஞ்ஜரோபமம் ॥ 2 ॥

வாநரேந்த்³ரம் மஹேந்த்³ராப⁴ம் ஶோகஸந்தப்தமாநஸா ।
தாரா தருமிவோந்மூலம் பர்யதே³வயதா³துரா ॥ 3 ॥

ரணே தா³ருண விக்ராந்த ப்ரவீர ப்லவதாம் வர ।
கிம் தீ³நாமபுரோபா⁴கா³மத்³ய த்வம் நாபி⁴பா⁴ஷஸே ॥ 4 ॥

உத்திஷ்ட² ஹரிஶார்தூ³ள ப⁴ஜஸ்வ ஶயநோத்தமம் ।
நைவம்விதா⁴꞉ ஶேரதே ஹி பூ⁴மௌ ந்ருபதிஸத்தமா꞉ ॥ 5 ॥

அதீவ க²லு தே காந்தா வஸுதா⁴ வஸுதா⁴தி⁴ப ।
க³தாஸுரபி யாம் கா³த்ரைர்மாம் விஹாய நிஷேவஸே ॥ 6 ॥

வ்யக்தமந்யா த்வயா வீர த⁴ர்மத꞉ ஸம்ப்ரவர்திதா ।
கிஷ்கிந்தே⁴வ புரீ ரம்யா ஸ்வர்க³மார்கே³ விநிர்மிதா ॥ 7 ॥

யாந்யஸ்மாபி⁴ஸ்த்வயா ஸார்த⁴ம் வநேஷு மது⁴க³ந்தி⁴ஷு ।
விஹ்ருதாநி த்வயா காலே தேஷாமுபரம꞉ க்ருத꞉ ॥ 8 ॥

நிராநந்தா³ நிராஶாஹம் நிமக்³நா ஶோகஸாக³ரே ।
த்வயி பஞ்சத்வமாபந்நே மஹாயூத²பயூத²பே ॥ 9 ॥

ஹ்ருத³யம் ஸுஸ்தி²ரம் மஹ்யம் த்³ருஷ்ட்வா விநிஹதம் பதிம் ।
யந்ந ஶோகாபி⁴ஸந்தப்தம் ஸ்பு²டதே(அ)த்³ய ஸஹஸ்ரதா⁴ ॥ 10 ॥

ஸுக்³ரீவஸ்ய த்வயா பா⁴ர்யா ஹ்ருதா ஸ ச விவாஸித꞉ ।
யத்து தஸ்ய த்வயா வ்யுஷ்டி꞉ ப்ராப்தேயம் ப்லவகா³தி⁴ப ॥ 11 ॥

நி꞉ஶ்ரேயஸபரா மோஹாத்த்வயா சாஹம் விக³ர்ஹிதா ।
யைஷா(அ)ப்³ரவம் ஹிதம் வாக்யம் வாநரேந்த்³ர ஹிதைஷிணீ ॥ 12 ॥

ரூபயௌவநத்³ருப்தாநாம் த³க்ஷிணாநாம் ச மாநத³ ।
நூநமப்ஸரஸாமார்ய சித்தாநி ப்ரமதி²ஷ்யஸி ॥ 13 ॥

காலோ நி꞉ஸம்ஶயோ நூநம் ஜீவிதாந்தகரஸ்தவ ।
ப³லாத்³யேநாவபந்நோ(அ)ஸி ஸுக்³ரீவஸ்யாவஶோ வஶம் ॥ 14 ॥

வைத⁴வ்யம் ஶோகஸந்தாபம் க்ருபணம் க்ருபணா ஸதீ ।
அது³꞉கோ²பசிதா பூர்வம் வர்தயிஷ்யாம்யநாத²வத் ॥ 15 ॥

லாலிதஶ்சாங்க³தோ³ வீர꞉ ஸுகுமார꞉ ஸுகோ²சித꞉ ।
வத்ஸ்யதே காமவஸ்தா²ம் மே பித்ருவ்யே க்ரோத⁴மூர்சி²தே ॥ 16 ॥

குருஷ்வ பிதரம் புத்ர ஸுத்³ருஷ்டம் த⁴ர்மவத்ஸலம் ।
து³ர்லப⁴ம் த³ர்ஶநம் வத்ஸ தவ தஸ்ய ப⁴விஷ்யதி ॥ 17 ॥

ஸமாஶ்வாஸய புத்ரம் த்வம் ஸந்தே³ஶம் ஸந்தி³ஶஸ்வ ச ।
மூர்த்⁴நி சைநம் ஸமாக்⁴ராய ப்ரவாஸம் ப்ரஸ்தி²தோ ஹ்யஸி ॥ 18 ॥

ராமேண ஹி மஹத்கர்மக்ருதம் த்வாமபி⁴நிக்⁴நதா ।
ஆந்ருண்யம் ச க³தம் தஸ்ய ஸுக்³ரவஸ்ய ப்ரதிஶ்ரவே ॥ 19 ॥

ஸகாமோ ப⁴வ ஸுக்³ரீவ ருமாம் த்வம் ப்ரதிபத்ஸ்யஸே ।
பு⁴ங்க்ஷ்வ ராஜ்யமநுத்³விக்³ந꞉ ஶஸ்தோ ப்⁴ராதா ரிபுஸ்தவ ॥ 20 ॥

கிம் மாமேவம் விளபதீம் ப்ரேம்ணா த்வம் நாபி⁴பா⁴ஷஸே ।
இமா꞉ பஶ்ய வரா ப³ஹ்வீர்பா⁴ர்யாஸ்தே வாநரேஶ்வர ॥ 21 ॥

தஸ்யா விளபிதம் ஶ்ருத்வா வாநர்ய꞉ ஸர்வதஶ்ச தா꞉ ।
பரிக்³ருஹ்யாங்க³த³ம் தீ³நம் து³꞉கா²ர்தா꞉ பரிசுக்ருஶு꞉ ॥ 22 ॥

கிமங்க³த³ம் ஸாங்க³த³வீரபா³ஹோ
விஹாய யாஸ்யத்³ய சிரப்ரவாஸம் ।
ந யுக்தமேவம் கு³ணஸந்நிக்ருஷ்டம்
விஹாய புத்ரம் ப்ரியபுத்ர க³ந்தும் ॥ 23 ॥

கிமப்ரியிம் தே ப்ரியசாருவேஷ
மயா க்ருதம் நாத² ஸுதேந வா தே ।
ஸஹாங்க³தா³ம் மாம் ஸ விஹாய வீர
யத்ப்ரஸ்தி²தோ தீ³ர்க⁴மித꞉ ப்ரவாஸம் ॥ 24 ॥

யத்³யப்ரியம் கிஞ்சித³ஸம்ப்ரதா⁴ர்ய
க்ருதம் மயா ஸ்யாத்தவ தீ³ர்க⁴பா³ஹோ ।
க்ஷமஸ்வ மே தத்³த⁴ரிவம்ஶநாத²
வ்ரஜாமி மூர்த்⁴நா தவ வீர பாதௌ³ ॥ 25 ॥

ததா² து தாரா கருணம் ருத³ந்தீ
ப⁴ர்து꞉ ஸமீபே ஸஹ வாநரீபி⁴꞉ ।
வ்யவஸ்யத ப்ராயமுபோபவேஷ்டு-
-மநிந்த்³யவர்ணா பு⁴வி யத்ர வாலீ ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ விம்ஶ꞉ ஸர்க³꞉ ॥ 20 ॥


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed