Kishkindha Kanda Sarga 17 – கிஷ்கிந்தா⁴காண்ட³ ஸப்தத³ஶ꞉ ஸர்க³꞉ (17)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஸப்தத³ஶ꞉ ஸர்க³꞉ (17)

॥ ராமாதி⁴க்ஷேப꞉ ॥

தத꞉ ஶரேணாபி⁴ஹதோ ராமேண ரணகர்கஶ꞉ ।
பபாத ஸஹஸா வாலீ நிக்ருத்த இவ பாத³ப꞉ ॥ 1 ॥

ஸ பூ⁴மௌ ந்யஸ்தஸர்வாங்க³ஸ்தப்தகாஞ்சநபூ⁴ஷண꞉ ।
அபதத்³தே³வராஜஸ்ய முக்தரஶ்மிரிவ த்⁴வஜ꞉ ॥ 2 ॥

தஸ்மிந்நிபதிதே பூ⁴மௌ வாநராணாம் க³ணேஶ்வரே ।
நஷ்டசந்த்³ரமிவ வ்யோம ந வ்யராஜத பூ⁴தலம் ॥ 3 ॥

பூ⁴மௌ நிபதிதஸ்யாபி தஸ்ய தே³ஹம் மஹாத்மந꞉ ।
ந ஶ்ரீர்ஜஹாதி ந ப்ராணா ந தேஜோ ந பராக்ரம꞉ ॥ 4 ॥

ஶக்ரத³த்தா வரா மாலா காஞ்சநீ வஜ்ரபூ⁴ஷிதா ।
த³தா⁴ர ஹரிமுக்²யஸ்ய ப்ராணாம்ஸ்தேஜ꞉ ஶ்ரியம் ச ஸா ॥ 5 ॥

ஸ தயா மாலயா வீரோ ஹைமயா ஹரியூத²ப꞉ ।
ஸந்த்⁴யாநுரக்தபர்யந்த꞉ பயோத⁴ர இவாப⁴வத் ॥ 6 ॥

தஸ்ய மாலா ச தே³ஹஶ்ச மர்மகா⁴தீ ச ய꞉ ஶர꞉ ।
த்ரிதே⁴வ ரசிதா லக்ஷ்மீ꞉ பதிதஸ்யாபி ஶோப⁴தே ॥ 7 ॥

தத³ஸ்த்ரம் தஸ்ய வீரஸ்ய ஸ்வர்க³மார்க³ப்ரபா⁴வநம் ।
ராமபா³ணாஸநோத்க்ஷிப்தமாவஹத் பரமாம் க³திம் ॥ 8 ॥

தம் ததா³ பதிதம் ஸங்க்²யே க³தார்சிஷமிவாநலம் ।
ப³ஹுமாந்ய ச தம் வீரம் வீக்ஷமாணம் ஶநைரிவ ॥ 9 ॥

யயாதிமிவ புண்யாந்தே தே³வலோகாத்பரிச்யுதம் ।
ஆதி³த்யமிவ காலேந யுகா³ந்தே பு⁴வி பாதிதம் ॥ 10 ॥

மஹேந்த்³ரமிவ து³ர்த⁴ர்ஷம் மஹேந்த்³ரமிவ து³꞉ஸஹம் ।
மஹேந்த்³ரபுத்ரம் பதிதம் வாலிநம் ஹேமமாலிநம் ॥ 11 ॥

ஸிம்ஹோரஸ்கம் மஹாபா³ஹும் தீ³ப்தாஸ்யம் ஹரிலோசநம் ।
லக்ஷ்மணாநுக³தோ ராமோ த³த³ர்ஶோபஸஸர்ப ச ॥ 12 ॥

தம் த்³ருஷ்ட்வா ராக⁴வம் வாலீ லக்ஷ்மணம் ச மஹாப³லம் ।
அப்³ரவீத்ப்ரஶ்ரிதம் வாக்யம் பருஷம் த⁴ர்மஸம்ஹிதம் ॥ 13 ॥

த்வம் நராதி⁴பதே꞉ புத்ர꞉ ப்ரதி²த꞉ ப்ரியத³ர்ஶந꞉ ।
குலீந꞉ ஸத்த்வஸம்பந்நஸ்தேஜஸ்வீ சரிதவ்ரத꞉ ॥ 14 ॥

பராங்முக²வத⁴ம் க்ருத்வா கோ நு ப்ராப்தஸ்த்வயா கு³ண꞉ ।
யத³ஹம் யுத்³த⁴ஸம்ரப்³த⁴꞉ ஶரேணோரஸி தாடி³த꞉ ॥ 15 ॥

[* அதி⁴கஶ்லோக꞉ –
குலீந꞉ ஸத்த்வஸம்பந்நஸ்தேஜஸ்வீ சரிதவ்ரத꞉ ।
ராம꞉ கருணவேதீ³ ச ப்ரஜாநாம் ச ஹிதே ரத꞉ ॥
*]

ஸாநுக்ரோஶோ ஜிதோத்ஸாஹ꞉ ஸமயஜ்ஞோ த்³ருட⁴வ்ரத꞉ ।
இதி தே ஸர்வபூ⁴தாநி கத²யந்தி யஶோ பு⁴வி ॥ 16 ॥

த³ம꞉ ஶம꞉ க்ஷமா த⁴ர்மோ த்⁴ருதி꞉ ஸத்யம் பராக்ரம꞉ ।
பார்தி²வாநாம் கு³ணா ராஜந் த³ண்ட³ஶ்சாப்யபராதி⁴ஷு ॥ 17 ॥

தாந் கு³ணாந் ஸம்ப்ரதா⁴ர்யாஹமக்³ர்யம் சாபி⁴ஜநம் தவ ।
தாரயா ப்ரதிஷித்³தோ⁴(அ)பி ஸுக்³ரீவேண ஸமாக³த꞉ ॥ 18 ॥

ந மாமந்யேந ஸம்ரப்³த⁴ம் ப்ரமத்தம் யோத்³து⁴மர்ஹதி ।
இதி மே பு³த்³தி⁴ருத்பந்நா ப³பூ⁴வாத³ர்ஶநே தவ ॥ 19 ॥

ஸ த்வாம் விநிஹதாத்மாநம் த⁴ர்மத்⁴வஜமதா⁴ர்மிகம் ।
ஜாநே பாபஸமாசாரம் த்ருணை꞉ கூபமிவாவ்ருதம் ॥ 20 ॥

ஸதாம் வேஷத⁴ரம் பாபம் ப்ரச்ச²ந்நமிவ பாவகம் ।
நாஹம் த்வாமபி⁴ஜாநாமி த⁴ர்மச்ச²த்³மாபி⁴ஸம்வ்ருதம் ॥ 21 ॥

விஷயே வா புரே வா தே யதா³ நாபகரோம்யஹம் ।
ந ச த்வாமவஜாநே ச கஸ்மாத்த்வம் ஹம்ஸ்யகில்பி³ஷம் ॥ 22 ॥

ப²லமூலாஶநம் நித்யம் வாநரம் வநகோ³சரம் ।
மாமிஹாப்ரதியுத்³த்⁴யந்தமந்யேந ச ஸமாக³தம் ॥ 23 ॥

லிங்க³மப்யஸ்தி தே ராஜந் த்³ருஶ்யதே த⁴ர்மஸம்ஹிதம் ।
க꞉ க்ஷத்ரியகுலே ஜாத꞉ ஶ்ருதவாந்நஷ்டஸம்ஶய꞉ ॥ 24 ॥

த⁴ர்மலிங்க³ப்ரதிச்ச²ந்ந꞉ க்ரூரம் கர்ம ஸமாசரேத் ।
ராம ராஜகுலே ஜாதோ த⁴ர்மவாநிதி விஶ்ருத꞉ ॥ 25 ॥

அப⁴வ்யோ ப⁴வ்யரூபேண கிமர்த²ம் பரிதா⁴வஸி ।
ஸாம தா³நம் க்ஷமா த⁴ர்ம꞉ ஸத்யம் த்⁴ருதிபராக்ரமௌ ॥ 26 ॥

பார்தி²வாநாம் கு³ணா ராஜந் த³ண்ட³ஶ்சாப்யபராதி⁴ஷு ।
வயம் வநசரா ராம ம்ருகா³ மூலப²லாஶநா꞉ ॥ 27 ॥

ஏஷா ப்ரக்ருதிரஸ்மாகம் புருஷஸ்த்வம் நரேஶ்வர꞉ ।
பூ⁴மிர்ஹிரண்யம் ரூப்யம் ச விக்³ரஹே காரணாநி ச ॥ 28 ॥

அத்ர கஸ்தே வநே லோபோ⁴ மதீ³யேஷு ப²லேஷு வா ।
நயஶ்ச விநயஶ்சோபௌ⁴ நிக்³ரஹாநுக்³ரஹாவபி ॥ 29 ॥

ராஜவ்ருத்திரஸங்கீர்ணா ந ந்ருபா꞉ காமவ்ருத்தய꞉ ।
த்வம் து காமப்ரதா⁴நஶ்ச கோபநஶ்சாநவஸ்தி²த꞉ ॥ 30 ॥

ராஜவ்ருத்தைஶ்ச ஸங்கீர்ண꞉ ஶராஸநபராயண꞉ ।
ந தே(அ)ஸ்த்யபசிதிர்த⁴ர்மே நார்தே² பு³த்³தி⁴ரவஸ்தி²தா ॥ 31 ॥

இந்த்³ரியை꞉ காமவ்ருத்த꞉ ஸந் க்ருஷ்யஸே மநுஜேஶ்வர ।
ஹத்வா பா³ணேந காகுத்ஸ்த² மாமிஹாநபராதி⁴நம் ॥ 32 ॥

கிம் வக்ஷ்யஸி ஸதாம் மத்⁴யே கர்ம க்ருத்வா ஜுகு³ப்ஸிதம் ।
ராஜஹா ப்³ரஹ்மஹா கோ³க்⁴நஶ்சோர꞉ ப்ராணிவதே⁴ ரத꞉ ॥ 33 ॥

நாஸ்திக꞉ பரிவேத்தா ச ஸர்வே நிரயகா³மிந꞉ ।
ஸூசகஶ்ச கத³ர்யஶ்ச மித்ரக்⁴நோ கு³ருதல்பக³꞉ ॥ 34 ॥

லோகம் பாபாத்மநாமேதே க³ச்ச²ந்த்யத்ர ந ஸம்ஶய꞉ ।
அதா⁴ர்யம் சர்ம மே ஸத்³பீ⁴ ரோமாண்யஸ்தி² ச வர்ஜிதம் ॥ 35 ॥

அப⁴க்ஷ்யாணி ச மாம்ஸாநி த்வத்³விதை⁴ர்த⁴ர்மசாரிபி⁴꞉ ।
பஞ்ச பஞ்சநகா² ப⁴க்ஷ்யா ப்³ரஹ்மக்ஷத்ரேண ராக⁴வ ॥ 36 ॥

ஶல்யக꞉ ஶ்வாவிதோ⁴ கோ³தா⁴ ஶஶ꞉ கூர்மஶ்ச பஞ்சம꞉ ।
சர்ம சாஸ்தி² ச மே ராஜந் ந ஸ்ப்ருஶந்தி மநீஷிண꞉ ॥ 37 ॥

அப⁴க்ஷ்யாணி ச மாம்ஸாநி ஸோ(அ)ஹம் பஞ்சநகோ² ஹத꞉ ।
தாரயா வாக்யமுக்தோ(அ)ஹம் ஸத்யம் ஸர்வஜ்ஞயா ஹிதம் ॥ 38 ॥

தத³திக்ரம்ய மோஹேந காலஸ்ய வஶமாக³த꞉ ।
த்வயா நாதே²ந காகுத்ஸ்த² ந ஸநாதா² வஸுந்த⁴ரா ॥ 39 ॥

ப்ரமதா³ ஶீலஸம்பந்நா தூ⁴ர்தேந பதிநா யதா² ।
ஶடோ² நைக்ருதிக꞉ க்ஷுத்³ரோ மித்²யாப்ரஶ்ரிதமாநஸ꞉ ॥ 40 ॥

கத²ம் த³ஶரதே²ந த்வம் ஜாத꞉ பாபோ மஹாத்மநா ।
சி²ந்நசாரித்ரகக்ஷ்யேண ஸதாம் த⁴ர்மாதிவர்திநா ॥ 41 ॥

த்யக்தத⁴ர்மாங்குஶேநாஹம் நிஹதோ ராமஹஸ்திநா ।
அஶுப⁴ம் சாப்யயுக்தம் ச ஸதாம் சைவ விக³ர்ஹிதம் ॥ 42 ॥

வக்ஷ்யஸே சேத்³ருஶம் க்ருத்வா ஸத்³பி⁴꞉ ஸஹ ஸமாக³த꞉ ।
உதா³ஸீநேஷு யோ(அ)ஸ்மாஸு விக்ரமஸ்தே ப்ரகாஶித꞉ ॥ 43 ॥

அபகாரிஷு தம் ராஜந் ந ஹி பஶ்யாமி விக்ரமம் ।
த்³ருஶ்யமாநஸ்து யுத்⁴யேதா² மயா யதி³ ந்ருபாத்மஜ ॥ 44 ॥

அத்³ய வைவஸ்வதம் தே³வம் பஶ்யேஸ்த்வம் நிஹதோ மயா ।
த்வயா(அ)த்³ருஶ்யேந து ரணே நிஹதோ(அ)ஹம் து³ராஸத³꞉ ॥ 45 ॥

ப்ரஸுப்த꞉ பந்நகே³நேவ நர꞉ பாபவஶம் க³த꞉ ।
ஸுக்³ரீவப்ரியகாமேந யத³ஹம் நிஹதஸ்த்வயா ॥ 46 ॥

மாமேவ யதி³ பூர்வம் த்வமேதத³ர்த²மசோத³ய꞉ ।
மைதி²லீமஹமேகாஹ்நா தவ சாநீதவாந் ப⁴வேத் ॥ 47 ॥

கண்டே² ப³த்³த்⁴வா ப்ரத³த்³யாம் தே நிஹதம் ராவணம் ரணே ।
ந்யஸ்தாம் ஸாக³ரதோயே வா பாதாலே வாபி மைதி²லீம் ॥ 48 ॥

ஆநயேயம் தவாதே³ஶாச்ச்²வேதாமஶ்வதரீமிவ ।
யுக்தம் யத்ப்ராப்நுயாத்³ராஜ்யம் ஸுக்³ரீவ꞉ ஸ்வர்க³தே மயி ॥ 49 ॥

அயுக்தம் யத³த⁴ர்மேண த்வயா(அ)ஹம் நிஹதோ ரணே ।
காமமேவம்விதோ⁴ லோக꞉ காலேந விநியுஜ்யதே ।
க்ஷமம் சேத்³ப⁴வதா ப்ராப்தமுத்தரம் ஸாது⁴ சிந்த்யதாம் ॥ 50 ॥

இத்யேவமுக்த்வா பரிஶுஷ்கவக்ர꞉
ஶராபி⁴கா⁴தாத்³வ்யதி²தோ மஹாத்மா ।
ஸமீக்ஷ்ய ராமம் ரவிஸந்நிகாஶம்
தூஷ்ணீம் ப³பூ⁴வாமரராஜஸூநு꞉ ॥ 51 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஸப்தத³ஶ꞉ ஸர்க³꞉ ॥ 17 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

---