Kalabhairava Ashtakam – காலபைரவாஷ்டகம்


தே³வராஜஸேவ்யமாநபாவநாங்க்⁴ரிபங்கஜம்
வ்யாலயஜ்ஞஸூத்ரமிந்து³ஶேக²ரம் க்ருபாகரம் ।
நாரதா³தி³யோகி³ப்³ருந்த³வந்தி³தம் தி³க³ம்ப³ரம்
காஶிகாபுராதி⁴நாத² காலபை⁴ரவம் ப⁴ஜே ॥ 1 ॥

பா⁴நுகோடிபா⁴ஸ்வரம் ப⁴வாப்³தி⁴தாரகம் பரம்
நீலகண்ட²மீப்ஸிதார்த²தா³யகம் த்ரிலோசநம் ।
காலகாலமம்பு³ஜாக்ஷமக்ஷஶூலமக்ஷரம்
காஶிகாபுராதி⁴நாத² காலபை⁴ரவம் ப⁴ஜே ॥ 2 ॥

ஶூலடங்கபாஶத³ண்ட³பாணிமாதி³காரணம்
ஶ்யாமகாயமாதி³தே³வமக்ஷரம் நிராமயம் ।
பீ⁴மவிக்ரமம் ப்ரபு⁴ம் விசித்ரதாண்ட³வப்ரியம்
காஶிகாபுராதி⁴நாத² காலபை⁴ரவம் ப⁴ஜே ॥ 3 ॥

பு⁴க்திமுக்திதா³யகம் ப்ரஶஸ்தசாருவிக்³ரஹம்
ப⁴க்தவத்ஸலம் ஸ்தி²ரம் ஸமஸ்தலோகவிக்³ரஹம் ।
நிக்வணந்மநோஜ்ஞஹேமகிங்கிணீலஸத்கடிம்
காஶிகாபுராதி⁴நாத² காலபை⁴ரவம் ப⁴ஜே ॥ 4 ॥

த⁴ர்மஸேதுபாலகம் த்வத⁴ர்மமார்க³நாஶகம்
கர்மபாஶமோசகம் ஸுஶர்மதா³யகம் விபு⁴ம் ।
ஸ்வர்ணவர்ணகேஶபாஶஶோபி⁴தாங்க³மண்ட³லம்
காஶிகாபுராதி⁴நாத² காலபை⁴ரவம் ப⁴ஜே ॥ 5 ॥

ரத்நபாது³காப்ரபா⁴பி⁴ராமபாத³யுக்³மகம்
நித்யமத்³விதீயமிஷ்டதை³வதம் நிரஞ்ஜநம் ।
ம்ருத்யுத³ர்பநாஶநம் கராலத³ம்ஷ்ட்ரபீ⁴ஷணம்
காஶிகாபுராதி⁴நாத² காலபை⁴ரவம் ப⁴ஜே ॥ 6 ॥

அட்டஹாஸபி⁴ந்நபத்³மஜாண்ட³கோஶஸந்ததிம்
த்³ருஷ்டிபாதநஷ்டபாபஜாலமுக்³ரஶாஸநம் ।
அஷ்டஸித்³தி⁴தா³யகம் கபாலமாலிகாத⁴ரம்
காஶிகாபுராதி⁴நாத² காலபை⁴ரவம் ப⁴ஜே ॥ 7 ॥

பூ⁴தஸங்க⁴நாயகம் விஶாலகீர்திதா³யகம்
காஶிவாஸிலோகபுண்யபாபஶோத⁴கம் விபு⁴ம் ।
நீதிமார்க³கோவித³ம் புராதநம் ஜக³த்பதிம்
காஶிகாபுராதி⁴நாத² காலபை⁴ரவம் ப⁴ஜே ॥ 8 ॥

காலபை⁴ரவாஷ்டகம் பட²ந்தி யே மநோஹரம்
ஜ்ஞாநமுக்திஸாத⁴நம் விசித்ரபுண்யவர்த⁴நம் ।
ஶோகமோஹதை³ந்யலோப⁴கோபதாபநாஶநம்
தே ப்ரயாந்தி காலபை⁴ரவாங்க்⁴ரிஸந்நிதி⁴ம் த்⁴ருவம் ॥ 9 ॥

இதி ஶ்ரீமச்சங்கராசார்ய விரசிதம் காலபை⁴ரவாஷ்டகம் ஸம்பூர்ணம் ।


மேலும் ஶ்ரீ ஶிவ ஸ்தோத்ராணி காண்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: