Gopi Gitam (Gopika Gitam) – கோ³பீ கீ³தம் (கோ³பிகா கீ³தம்)

ஸ்தோத்ரநிதி → ஶ்ரீ க்ருஷ்ண ஸ்தோத்திரங்கள் → கோ³பீ கீ³தம் (கோ³பிகா கீ³தம்)

கோ³ப்ய ஊசு꞉ ।
ஜயதி தே(அ)தி⁴கம் ஜந்மநா வ்ரஜ꞉
ஶ்ரயத இந்தி³ரா ஶஶ்வத³த்ர ஹி ।
த³யித த்³ருஶ்யதாம் தி³க்ஷு தாவகா-
-ஸ்த்வயி த்⁴ருதாஸவஸ்த்வாம் விசிந்வதே ॥ 1 ॥

ஶரது³தா³ஶயே ஸாது⁴ஜாதஸத்
ஸரஸிஜோத³ரஶ்ரீமுஷா த்³ருஶா ।
ஸுரதநாத² தே(அ)ஶுல்கதா³ஸிகா
வரத³ நிக்⁴நதோ நேஹ கிம் வத⁴꞉ ॥ 2 ॥

விஷஜலாப்யயாத்³வ்யாளராக்ஷஸா-
-த்³வர்ஷமாருதாத்³வைத்³யுதாநலாத் ।
வ்ருஷமயாத்மஜாத்³விஶ்வதோப⁴யா-
-த்³ருஷப⁴ தே வயம் ரக்ஷிதா முஹு꞉ ॥ 3 ॥

ந க²லு கோ³பிகாநந்த³நோ ப⁴வா-
-நகி²லதே³ஹிநாமந்தராத்மத்³ருக் ।
விக²நஸா(அ)ர்தி²தோ விஶ்வகு³ப்தயே
ஸக² உதே³யிவாந் ஸாத்வதாம் குலே ॥ 4 ॥

விரசிதாப⁴யம் வ்ருஷ்ணிது⁴ர்ய தே
சரணமீயுஷாம் ஸம்ஸ்ருதேர்ப⁴யாத் ।
கரஸரோருஹம் காந்த காமத³ம்
ஶிரஸி தே⁴ஹி ந꞉ ஶ்ரீகரக்³ரஹம் ॥ 5 ॥

வ்ரஜஜநார்திஹந் வீரயோஷிதாம்
நிஜஜநஸ்மய த்⁴வம்ஸநஸ்மித ।
ப⁴ஜ ஸகே² ப⁴வத்கிங்கரீ꞉ ஸ்ம நோ
ஜலருஹாநநம் சாரு த³ர்ஶய ॥ 6 ॥

ப்ரணததே³ஹிநாம் பாபகர்ஶநம்
த்ருணசராநுக³ம் ஶ்ரீநிகேதநம் ।
ப²ணிப²ணார்பிதம் தே பதா³ம்பு³ஜம்
க்ருணு குசேஷு ந꞉ க்ருந்தி⁴ ஹ்ருச்ச²யம் ॥ 7 ॥

மது⁴ரயா கி³ரா வல்கு³வாக்யயா
பு³த⁴மநோஜ்ஞயா புஷ்கரேக்ஷண ।
விதி⁴கரீரிமா வீர முஹ்யதீ-
-ரத⁴ரஸீது⁴நா(ஆ)ப்யாயயஸ்வ ந꞉ ॥ 8 ॥

தவ கதா²ம்ருதம் தப்தஜீவநம்
கவிபி⁴ரீடி³தம் கல்மஷாபஹம் ।
ஶ்ரவணமங்க³ளம் ஶ்ரீமதா³ததம்
பு⁴வி க்³ருணந்தி தே பூ⁴ரிதா³ ஜநா꞉ ॥ 9 ॥

ப்ரஹஸிதம் ப்ரிய ப்ரேமவீக்ஷணம்
விஹரணம் ச தே த்⁴யாநமங்க³ளம் ।
ரஹஸி ஸம்விதோ³ யா ஹ்ருதி³ஸ்ப்ருஶ꞉
குஹக நோ மந꞉ க்ஷோப⁴யந்தி ஹி ॥ 10 ॥

சலஸி யத்³வ்ரஜாச்சாரயந் பஶூந்
ளிநஸுந்த³ரம் நாத² தே பத³ம் ।
ஶிலத்ருணாங்குரை꞉ ஸீத³தீதி ந꞉
கலிலதாம் மந꞉ காந்த க³ச்ச²தி ॥ 11 ॥

தி³நபரிக்ஷயே நீலகுந்தலை-
-ர்வநருஹாநநம் பி³ப்⁴ரதா³வ்ருதம் ।
க⁴நரஜஸ்வலம் த³ர்ஶயந் முஹு-
-ர்மநஸி ந꞉ ஸ்மரம் வீர யச்ச²ஸி ॥ 12 ॥

ப்ரணதகாமத³ம் பத்³மஜார்சிதம்
த⁴ரணிமண்ட³நம் த்⁴யேயமாபதி³ ।
சரணபங்கஜம் ஶந்தமம் ச தே
ரமண ந꞉ ஸ்தநேஷ்வர்பயாதி⁴ஹந் ॥ 13 ॥

ஸுரதவர்த⁴நம் ஶோகநாஶநம்
ஸ்வரிதவேணுநா ஸுஷ்டு² சும்பி³தம் ।
இதரராக³விஸ்மாரணம் ந்ருணாம்
விதர வீர நஸ்தே(அ)த⁴ராம்ருதம் ॥ 14 ॥

அடதி யத்³ப⁴வாநஹ்நி காநநம்
த்ருடிர்யுகா³யதே த்வாமபஶ்யதாம் ।
குடிலகுந்தலம் ஶ்ரீமுக²ம் ச தே
ஜட³ உதீ³க்ஷதாம் பக்ஷ்மக்ருத்³த்³ருஶாம் ॥ 15 ॥

பதிஸுதாந்வய ப்⁴ராத்ருபா³ந்த⁴வா-
-நதிவிளங்க்⁴ய தே(அ)ந்த்யச்யுதாக³தா꞉ ।
க³திவித³ஸ்தவோத்³கீ³தமோஹிதா꞉
கிதவ யோஷித꞉ கஸ்த்யஜேந்நிஶி ॥ 16 ॥

ரஹஸி ஸம்வித³ம் ஹ்ருச்ச²யோத³யம்
ப்ரஹஸிதாநநம் ப்ரேமவீக்ஷணம் ।
ப்³ருஹது³ர꞉ ஶ்ரியோ வீக்ஷ்ய தா⁴ம தே
முஹுரதிஸ்ப்ருஹா முஹ்யதே மந꞉ ॥ 17 ॥

வ்ரஜவநௌகஸாம் வ்யக்திரங்க³ தே
வ்ருஜிநஹந்த்ர்யலம் விஶ்வமங்க³ளம் ।
த்யஜ மநாக் ச நஸ்த்வத் ஸ்ப்ருஹாத்மநாம்
ஸ்வஜநஹ்ருத்³ருஜாம் யந்நிஷூத³நம் ॥ 18 ॥

யத்தே ஸுஜாதசரணாம்பு³ருஹம் ஸ்தநேஷு
பீ⁴தா꞉ ஶநை꞉ ப்ரிய த³தீ⁴மஹி கர்கஶேஷு ।
தேநாடவீமடஸி தத்³வ்யத²தே ந கிம்ஸ்வித்
கூர்பாதி³பி⁴ர்ப்⁴ரமதி தீ⁴ர்ப⁴வதா³யுஷாம் ந꞉ ॥ 19 ॥

[** அதி⁴க ஶ்லோகா꞉ –
ஶ்ரீ ஶுக உவாச –
இதி கோ³ப்ய꞉ ப்ரகா³யந்த்ய꞉ ப்ரளபந்த்யஶ்சசித்ரதா⁴ ।
ருருது³꞉ ஸுஸ்வரம் ராஜந் க்ருஷ்ணத³ர்ஶநலாலஸா꞉ ॥
தாஸாமாவிரபூ⁴ச்சௌ²ரி꞉ ஸ்மயமாநமுகா²ம்பு³ஜ꞉ ।
பீதாம்ப³ரத⁴ர꞉ ஸ்ரக்³வீ ஸாக்ஷாந்மந்மத²மந்மத²꞉ ॥
**]

இதி ஶ்ரீமத்³பா⁴க³வத மஹாபுராணே பாரமஹம்ஸ்யாம் ஸம்ஹிதாயாம் த³ஶமஸ்கந்தே⁴ பூர்வார்தே⁴ ராஸக்ரீடா³யாம் கோ³பீகீ³தம் நாமைகத்ரிம்ஶோ(அ)த்⁴யாய꞉ ॥

---

மேலும் ஶ்ரீ க்ருஷ்ண ஸ்தோத்திரங்கள் பார்க்க.

---