Devi Narayaniyam Dasakam 39 – ஏகோநசத்வாரிம்ஶ த³ஶகம் (39) – மணித்³வீபநிவாஸிநீ

ஸ்தோத்ரநிதி → தே³வீ நாராயணீயம் → ஏகோநசத்வாரிம்ஶ த³ஶகம் (39) – மணித்³வீபநிவாஸிநீ

ஸுதா⁴ஸமுத்³ரோ ஜக³தாம் த்ரயாணாம்
ச²த்ரீப⁴வந் மஞ்ஜுதரங்க³பே²ந꞉ ।
ஸவாலுகாஶங்க²விசித்ரரத்ந꞉
ஸதாரகவ்யோமஸமோ விபா⁴தி ॥ 39-1 ॥

தந்மத்⁴யதே³ஶே விமலம் மணித்³வீ-
-பாக்²யாம் பத³ம் தே³வி விராஜதே தே ।
யது³ச்யதே ஸம்ஸ்ருதிநாஶகாரி
ஸர்வோத்தரம் பாவநபாவநம் ச ॥ 39-2 ॥

தத்ராஸ்த்யயோதா⁴துமயோ மநோஜ்ஞ꞉
ஸாலோ மஹாஸாரமயஸ்ததஶ்ச ।
ஏவம் ச தாம்ராதி³மயா꞉ கிலாஷ்டா-
-த³ஶாதிசித்ரா வரணா லஸந்தி ॥ 39-3 ॥

தைராவ்ருதம் தே பத³மத்³விதீயம்
விபா⁴தி சிந்தாமணிஸத்³ம தே³வி ।
ஸந்த்யத்ர ஸத்ஸ்தம்ப⁴ஸஹஸ்ரரம்ய-
-ஶ்ருங்கா³ரமுக்த்யாதி³கமண்ட³பாஶ்ச ॥ 39-4 ॥

ப்³ரஹ்மாண்ட³கோடீ꞉ ஸுக²மாவஸந்த
உபாஸகாஸ்தே மநுஜா꞉ ஸுராஶ்ச ।
தை³த்யாஶ்ச ஸித்³தா⁴ஶ்ச ததே²தரே ச
யத³ந்ததோ யாந்தி பத³ம் ததே³தத் ॥ 39-5 ॥

த்வம் மண்ட³பஸ்தா² ப³ஹுஶக்தியுக்தா
ஶ்ருணோஷி தே³வீகலகீ³தகாநி ।
ஜ்ஞாநம் விமுக்திம் ச த³தா³ஸி லோக-
-ரக்ஷாமஜஸ்ரம் குருஷே ச தே³வி ॥ 39-6 ॥

மஞ்சோ(அ)ஸ்தி சிந்தாமணிகே³ஹதஸ்தே
ப்³ரஹ்மா ஹரீ ருத்³ர இஹேஶ்வரஶ்ச ।
கு²ரா ப⁴வந்த்யஸ்ய ஸதா³ஶிவஸ்து
விராஜதே ஸத்ப²லகத்வமாப்த꞉ ॥ 39-7 ॥

தஸ்யோபரி ஶ்ரீபு⁴வநேஶ்வரி த்வம்
ஸர்வேஶ வாமாங்கதலே நிஷண்ணா ।
சதுர்பு⁴ஜா பூ⁴ஷணபூ⁴ஷிதாங்கீ³
நிர்வ்யாஜகாருண்யவதீ விபா⁴ஸி ॥ 39-8 ॥

ப்ரதிக்ஷணம் காரயஸி த்வமிச்சா²-
-ஜ்ஞாநக்ரியாஶக்திஸமந்விதா(அ)த்ர ।
த்ரிமூர்திபி⁴꞉ ஶக்திஸஹஸ்ரயுக்தா
ப்³ரஹ்மாண்ட³ஸர்க³ஸ்தி²திஸம்ஹ்ருதீஶ்ச ॥ 39-9 ॥

ஸா த்வம் ஹி வாசாம் மநஸோ(அ)ப்யக³ம்யா
விசித்ரரூபா(அ)ஸி ஸதா³(அ)ப்யரூபா ।
புர꞉ ஸதாம் ஸந்நிஹிதா க்ருபார்த்³ரா
ஸதா³ மணித்³வீபநிவாஸிநீ ச ॥ 39-10 ॥

மாதர்மத³ந்த꞉கரணே நிஷண்ணா
வித்³யாமயம் மாம் குரு ப³ந்த⁴முக்தம் ।
ப³ந்த⁴ம் ச மோக்ஷம் ச த³தா³ஸ்யஸக்தா
தா³ஸோ(அ)ஸ்மி தே தே³வி நமோ நமஸ்தே ॥ 39-11 ॥

சத்வாரிம்ஶ த³ஶகம் (40) – ப்ரார்த²நா >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.