Devi Narayaniyam Dasakam 1 – ப்ரத²ம த³ஶகம் (1) – தே³வீமஹிமா

ஸ்தோத்ரநிதி → தே³வீ நாராயணீயம் → ப்ரத²ம த³ஶகம் (1) – தே³வீமஹிமா

யஸ்மிந்நித³ம் யத இத³ம் யதி³த³ம் யத³ஸ்மாத்
உத்தீர்ணரூபமபி⁴பஶ்யதி யத்ஸமஸ்தம் ।
நோ த்³ருஶ்யதே ச வசஸாம் மநஸஶ்ச தூ³ரே
யத்³பா⁴தி சாதி³மஹஸே ப்ரணமாமி தஸ்மை ॥ 1-1 ॥

ந ஸ்த்ரீ புமாந் ந ஸுரதை³த்யநராத³யோ ந
க்லீப³ம் ந பூ⁴தமபி கர்மகு³ணாத³யஶ்ச ।
பூ⁴மம்ஸ்த்வமேவ ஸத³நாத்³யவிகார்யநந்தம்
ஸர்வம் த்வயா ஜக³தி³த³ம் விததம் விபா⁴தி ॥ 1-2 ॥

ரூபம் ந தே(அ)பி ப³ஹுரூபப்⁴ருதா³த்தஶக்தி-
-ர்நாட்யம் தநோஷி நடவத்க²லு விஶ்வரங்கே³ ।
வர்ஷாணி தே ஸரஸநாட்யகலாவிளீநா
ப⁴க்தா அஹோ ஸஹ்ருத³யா க்ஷணவந்நயந்தி ॥ 1-3 ॥

ரூபாநுஸாரி க²லு நாம ததோ பு³தை⁴ஸ்த்வம்
தே³வீதி தே³வ இதி சாஸி நிக³த்³யமாநா ।
தே³வ்யாம் த்வயீர்யஸ உமா கமலா(அ)த² வாக்³ வா
தே³வே து ஷண்முக² உமாபதிரச்யுதோ வா ॥ 1-4 ॥

த்வம் ப்³ரஹ்ம ஶக்திரபி தா⁴த்ருரமேஶருத்³ரை꞉
ப்³ரஹ்மாண்ட³ஸர்க³பரிபாலநஸம்ஹ்ருதீஶ்ச ।
ராஜ்ஞீவ காரயஸி ஸுப்⁴ரூ நிஜாஜ்ஞயைவ
ப⁴க்தேஷ்வநந்யஶரணேஷு க்ருபாவதீ ச ॥ 1-5 ॥

மாதா கரோதி தநயஸ்ய க்ருதே ஶுபா⁴நி
கர்மாணி தஸ்ய பதநே ப்⁴ருஶமேதி து³꞉க²ம் ।
வ்ருத்³தௌ⁴ ஸுக²ம் ச தவ கர்ம ந நாபி து³꞉க²ம்
த்வம் ஹ்யேவ கர்மப²லதா³ ஜக³தாம் விதா⁴த்ரீ ॥ 1-6 ॥

ஸர்வத்ர வர்ஷஸி த³யாமத ஏவ வ்ருஷ்ட்யா
ஸிக்த꞉ ஸுபீ³ஜ இவ வ்ருத்³தி⁴முபைதி ப⁴க்த꞉ ।
து³ர்பீ³ஜவத்³வ்ரஜதி நாஶமப⁴க்த ஏவ
த்வம் நிர்க்⁴ருணா ந விஷமா ந ச லோகமாத꞉ ॥ 1-7 ॥

ஸர்வோபரீஶ்வரி விபா⁴தி ஸுதா⁴ஸமுத்³ர-
-ஸ்தந்மத்⁴யத꞉ பரிவ்ருதே விவிதை⁴꞉ ஸுது³ர்கை³꞉ ।
ச²த்ராயிதே த்ரிஜக³தாம் ப⁴வதீ மணித்³வீ-
-பாக்²யே ஶிவே நிஜபதே³ ஹஸிதாநநா(ஆ)ஸ்தே ॥ 1-8 ॥

யஸ்தே புமாநபி⁴த³தா⁴தி மஹத்த்வமுச்சை-
-ர்யோ நாம கா³யதி ஶ்ருணோதி ச தே விளஜ்ஜ꞉ ।
யஶ்சாதநோதி ப்⁴ருஶமாத்மநிவேத³நம் தே
ஸ ஸ்வாந்யகா⁴நி விது⁴நோதி யதா² தமோ(அ)ர்க꞉ ॥ 1-9 ॥

த்வாம் நிர்கு³ணாம் ச ஸகு³ணாம் ச புமாந் விரக்தோ
ஜாநாதி கிஞ்சித³பி நோ விஷயேஷு ஸக்த꞉ ।
ஜ்ஞேயா ப⁴வ த்வமிஹ மே ப⁴வதாபஹந்த்ரீம்
ப⁴க்திம் த³த³ஸ்வ வரதே³ பரிபாஹி மாம் த்வம் ॥ 1-10 ॥

த்³விதீய த³ஶகம் (2) – ஹயக்³ரீவகதா² >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.