Chakshushopanishad (Chakshushmati Vidya) – சாக்ஷுஷோபநிஷத்


அதா²தஶ்சாக்ஷுஷீம் படி²த ஸித்³த⁴வித்³யாம் சக்ஷூரோக³ஹராம் வ்யாக்²யாஸ்யாம꞉ । யச்சக்ஷூரோகா³꞉ ஸர்வதோ நஶ்யந்தி । சக்ஷுஷீ தீ³ப்திர்ப⁴விஷ்யதீதி ॥

விநியோக³꞉ –
தஸ்யாஶ்சாக்ஷுஷீவித்³யாயா꞉ அஹிர்பு³த்⁴ந்ய ருஷி꞉ । கா³யத்ரீ ச²ந்த³꞉ । ஸூர்யோ தே³வதா । சக்ஷூரோக³நிவ்ருத்தயே ஜபே விநியோக³꞉ ॥

மந்த்ரா꞉-
ஓம் சக்ஷுஶ்சக்ஷுஶ்சக்ஷுஸ்தேஜ꞉ ஸ்தி²ரோ ப⁴வ । மாம் பாஹி பாஹி । த்வரிதம் சக்ஷூரோகா³ந் ஶமய ஶமய । மம ஜாதரூபம் தேஜோ த³ர்ஶய த³ர்ஶய । யதா²ஹம் அந்தோ⁴ ந ஸ்யாம் ததா² கல்பய கல்பய । கல்யாணம் குரு குரு । யாநி மம பூர்வஜந்மோபார்ஜிதாநி சக்ஷு꞉ ப்ரதிரோத⁴க து³ஷ்க்ருதாநி ஸர்வாணி நிர்மூலய நிர்மூலய ।

ஓம் நம꞉ சக்ஷுஸ்தேஜோதா³த்ரே தி³வ்யாய பா⁴ஸ்கராய । ஓம் நம꞉ கருணாகராயா(அ)ம்ருதாய । ஓம் நம꞉ ஸூர்யாய । ஓம் நமோ ப⁴க³வதே ஸூர்யாயாக்ஷிதேஜஸே நம꞉ । கே²சராய நம꞉ । மஹதே நம꞉ । ரஜஸே நம꞉ । தமஸே நம꞉ । அஸதோ மா ஸத்³க³மய । தமஸோ மா ஜ்யோதிர்க³மய । ம்ருத்யோர்மா அம்ருதம் க³மய । உஷ்ணோ ப⁴க³வாந் ஶுசிரூப꞉ । ஹம்ஸோ ப⁴க³வாந் ஶுசிரப்ரதிரூப꞉ ।

ப²லஶ்ருதி꞉ –
ய இமாம் சக்ஷுஷ்மதீம் வித்³யாம் ப்³ராஹ்மணோ நித்யமதீ⁴தே ந தஸ்யாக்ஷிரோகோ³ ப⁴வதி । ந தஸ்ய குலே அந்தோ⁴ ப⁴வதி । அஷ்டௌ ப்³ராஹ்மணாந் க்³ராஹயித்வா வித்³யாஸித்³தி⁴ர்ப⁴வதி ।

ஸூர்யஸ்மரண –
ஓம் விஶ்வரூபம் க்⁴ருணிநம் ஜாதவேத³ஸம் ஹிரண்மயம் புருஷம் ஜ்யோதீரூபம் தபந்தம் । விஶ்வஸ்ய யோநிம் ப்ரதபந்தமுக்³ரம் புர꞉ ப்ரஜாநாமுத³யத்யேஷ ஸூர்ய꞉ ॥

ஓம் நமோ ப⁴க³வதே ஆதி³த்யாய அக்ஷிதேஜஸே அஹோவாஹிந்யஹோவாஹிநீ ஸ்வாஹா । ஓம் வய꞉ ஸுபர்ணா உபஸேது³ரிந்த்³ரம் ப்ரியமேதா⁴ ருஷயோ நாத⁴மாநா꞉ । அபத்⁴வாந்தமூர்ணூஹி பூர்தி⁴ சக்ஷுர்முமுக்³த்⁴யஸ்மாந்நித⁴யேவ ப³த்³தா⁴ந் । புண்ட³ரீகாக்ஷாய நம꞉ । புஷ்கரேக்ஷணாய நம꞉ । அமலேக்ஷணாய நம꞉ । கமலேக்ஷணாய நம꞉ । விஶ்வரூபாய நம꞉ । மஹாவிஷ்ணவே நம꞉ ।

இதி சாக்ஷுஷோபநிஷத் ।

[ பாடா²ந்தரம் – ஓம் நமோ ப⁴க³வதே ஆதி³த்யாய ஸூர்யாயாஹோவாஹிந்யஹோவாஹிநீ ஸ்வாஹா । ]


மேலும் ஶ்ரீ ஸூர்ய ஸ்தோத்திரங்கள் பார்க்கவும். மேலும் நவக்ரஹ ஸ்தோத்திரங்கள் பார்க்கவும்.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

One thought on “Chakshushopanishad (Chakshushmati Vidya) – சாக்ஷுஷோபநிஷத்

மறுமொழி இடவும்

error: Not allowed