Sri Bhavani Ashtakam – ஶ்ரீ ப⁴வாந்யஷ்டகம்

ந தாதோ ந மாதா ந ப³ந்து⁴ர்ந தா³தா
ந புத்ரோ ந புத்ரீ ந ப்⁴ருத்யோ ந ப⁴ர்தா ।
ந ஜாயா ந வித்³யா ந வ்ருத்திர்மமைவ
க³திஸ்த்வம் க³திஸ்த்வம் த்வமேகா ப⁴வாநி ॥ 1 ॥

ப⁴வாப்³தா⁴வபாரே மஹாது³꞉க²பீ⁴ரு
பபாத ப்ரகாமீ ப்ரளோபீ⁴ ப்ரமத்த꞉ ।
குஸம்ஸாரபாஶப்ரப³த்³த⁴꞉ ஸதா³ஹம்
க³திஸ்த்வம் க³திஸ்த்வம் த்வமேகா ப⁴வாநி ॥ 2 ॥

ந ஜாநாமி தா³நம் ந ச த்⁴யாநயோக³ம்
ந ஜாநாமி தந்த்ரம் ந ச ஸ்தோத்ரமந்த்ரம் ।
ந ஜாநாமி பூஜாம் ந ச ந்யாஸயோக³ம்
க³திஸ்த்வம் க³திஸ்த்வம் த்வமேகா ப⁴வாநி ॥ 3 ॥

ந ஜாநாமி புண்யம் ந ஜாநாமி தீர்த²ம்
ந ஜாநாமி முக்திம் லயம் வா கதா³சித் ।
ந ஜாநாமி ப⁴க்திம் வ்ரதம் வாபி மாத-
-ர்க³திஸ்த்வம் க³திஸ்த்வம் த்வமேகா ப⁴வாநி ॥ 4 ॥

குகர்மீ குஸங்கீ³ குபு³த்³தி⁴꞉ குதா³ஸ꞉
குலாசாரஹீந꞉ கதா³சாரளீந꞉ ।
குத்³ருஷ்டி꞉ குவாக்யப்ரப³ந்த⁴꞉ ஸதா³ஹம்
க³திஸ்த்வம் க³திஸ்த்வம் த்வமேகா ப⁴வாநி ॥ 5 ॥

ப்ரஜேஶம் ரமேஶம் மஹேஶம் ஸுரேஶம்
தி³நேஶம் நிஶீதே²ஶ்வரம் வா கதா³சித் ।
ந ஜாநாமி சாந்யத் ஸதா³ஹம் ஶரண்யே
க³திஸ்த்வம் க³திஸ்த்வம் த்வமேகா ப⁴வாநி ॥ 6 ॥

விவாதே³ விஷாதே³ ப்ரமாதே³ ப்ரவாஸே
ஜலே சாநலே பர்வதே ஶத்ருமத்⁴யே ।
அரண்யே ஶரண்யே ஸதா³ மாம் ப்ரபாஹி
க³திஸ்த்வம் க³திஸ்த்வம் த்வமேகா ப⁴வாநி ॥ 7 ॥

அநாதோ² த³ரித்³ரோ ஜராரோக³யுக்தோ
மஹாக்ஷீணதீ³ந꞉ ஸதா³ ஜாட்³யவக்த்ர꞉ ।
விபத்தௌ ப்ரவிஷ்ட꞉ ப்ரநஷ்ட꞉ ஸதா³ஹம்
க³திஸ்த்வம் க³திஸ்த்வம் த்வமேகா ப⁴வாநி ॥ 8 ॥

இதி ஶ்ரீ ப⁴வாந்யஷ்டகம் ।

---

மேலும் தேவீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.