Balakanda Sarga 77 – பா³லகாண்ட³ ஸப்தஸப்ததிதம꞉ ஸர்க³꞉ (77)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ ஸப்தஸப்ததிதம꞉ ஸர்க³꞉ (77)

॥ அயோத்⁴யாப்ரவேஶ꞉ ॥

க³தே ராமே ப்ரஶாந்தாத்மா ராமோ தா³ஶரதி²ர்த⁴நு꞉ ।
வருணாயாப்ரமேயாய த³தௌ³ ஹஸ்தே ஸஸாயகம் ॥ 1 ॥

அபி⁴வாத்³ய ததோ ராமோ வஸிஷ்ட²ப்ரமுகா²ந்ருஷீந் ।
பிதரம் விஹ்வலம் த்³ருஷ்ட்வா ப்ரோவாச ரகு⁴நந்த³ந꞉ ॥ 2 ॥

ஜாமத³க்³ந்யோ க³தோ ராம꞉ ப்ரயாது சதுரங்கி³ணீ ।
அயோத்⁴யாபி⁴முகீ² ஸேநா த்வயா நாதே²ந பாலிதா ॥ 3 ॥

ராமஸ்ய வசநம் ஶ்ருத்வா ராஜா த³ஶரத²꞉ ஸுதம் ।
பா³ஹுப்⁴யாம் ஸம்பரிஷ்வஜ்ய மூர்த்⁴நி சாக்⁴ராய ராக⁴வம் ॥ 4 ॥

க³தோ ராம இதி ஶ்ருத்வா ஹ்ருஷ்ட꞉ ப்ரமுதி³தோ ந்ருப꞉ ।
புநர்ஜாதம் ததா³ மேநே புத்ரமாத்மாநமேவ ச ॥ 5 ॥

சோத³யாமாஸ தாம் ஸேநாம் ஜகா³மாஶு தத꞉ புரீம் ।
பதாகாத்⁴வஜிநீம் ரம்யாம் ஜயோத்³கு⁴ஷ்டநிநாதி³தாம் ॥ 6 ॥ [தூர்ய]

ஸிக்தராஜபதா²ம் ரம்யாம் ப்ரகீர்ணகுஸுமோத்கராம் ।
ராஜப்ரவேஶஸுமுகை²꞉ பௌரைர்மங்க³ளவாதி³பி⁴꞉ ॥ 7 ॥

ஸம்பூர்ணாம் ப்ராவிஶத்³ராஜா ஜநௌகை⁴꞉ ஸமலங்க்ருதாம் ।
பௌரை꞉ ப்ரத்யுத்³க³தோ தூ³ரம் த்³விஜைஶ்ச புரவாஸிபி⁴꞉ ॥ 8 ॥

புத்ரைரநுக³த꞉ ஶ்ரீமாந் ஶ்ரீமத்³பி⁴ஶ்ச மஹாயஶா꞉ ।
ப்ரவிவேஶ க்³ருஹம் ராஜா ஹிமவத்ஸத்³ருஶம் ப்ரியம் ॥ 9 ॥

நநந்த³ ஸஜநோ ராஜா க்³ருஹே காமை꞉ ஸுபூஜித꞉ ।
கௌஸல்யா ச ஸுமித்ரா ச கைகேயீ ச ஸுமத்⁴யமா ॥ 10 ॥

வதூ⁴ப்ரதிக்³ரஹே யுக்தா யாஶ்சாந்யா ராஜயோஷித꞉ ।
தத꞉ ஸீதாம் மஹாபா⁴கா³மூர்மிலாம் ச யஶஸ்விநீம் ॥ 11 ॥

குஶத்⁴வஜஸுதே சோபே⁴ ஜக்³ருஹுர்ந்ருபபத்நய꞉ ।
மங்க³ளாலேபநைஶ்சைவ ஶோபி⁴தா꞉ க்ஷௌமவாஸஸ꞉ ॥ 12 ॥

தே³வதாயதநாந்யாஶு ஸர்வாஸ்தா꞉ ப்ரத்யபூஜயந் ।
அபி⁴வாத்³யாபி⁴வாத்³யாம்ஶ்ச ஸர்வா ராஜஸுதாஸ்ததா³ ॥ 13 ॥

ரேமிரே முதி³தா꞉ ஸர்வா ப⁴ர்த்ருபி⁴꞉ ஸஹிதா ரஹ꞉ ।
க்ருததா³ரா꞉ க்ருதாஸ்த்ராஶ்ச ஸத⁴நா꞉ ஸஸுஹ்ருஜ்ஜநா꞉ ॥ 14 ॥

ஶுஶ்ரூஷமாணா꞉ பிதரம் வர்தயந்தி நரர்ஷபா⁴꞉ ।
கஸ்யசித்த்வத² காலஸ்ய ராஜா த³ஶரத²꞉ ஸுதம் ॥ 15 ॥

ப⁴ரதம் கேகயீபுத்ரமப்³ரவீத்³ரகு⁴நந்த³ந꞉ ।
அயம் கேகயராஜஸ்ய புத்ரோ வஸதி புத்ரக ॥ 16 ॥

த்வாம் நேதுமாக³தோ வீர யுதா⁴ஜிந்மாதுலஸ்தவ ।
ஶ்ருத்வா த³ஶரத²ஸ்யைதத்³ப⁴ரத꞉ கைகயீஸுத꞉ ॥ 17 ॥

க³மநாயாபி⁴சக்ராம ஶத்ருக்⁴நஸஹிதஸ்ததா³ ।
ஆப்ருச்ச்²ய பிதரம் ஶூரோ ராமம் சாக்லிஷ்டகாரிணம் ॥ 18 ॥

மாத்ரூஶ்சாபி நரஶ்ரேஷ்ட²꞉ ஶத்ருக்⁴நஸஹிதோ யயௌ ।
க³தே ச ப⁴ரதே ராமோ லக்ஷ்மணஶ்ச மஹாப³ல꞉ ॥ 19 ॥

பிதரம் தே³வஸங்காஶம் பூஜயாமாஸதுஸ்ததா³ ।
பிதுராஜ்ஞாம் புரஸ்க்ருத்ய பௌரகார்யாணி ஸர்வஶ꞉ ॥ 20 ॥

சகார ராமோ த⁴ர்மாத்மா ப்ரியாணி ச ஹிதாநி ச ।
மாத்ருப்⁴யோ மாத்ருகார்யாணி ராம꞉ பரமயந்த்ரித꞉ ॥ 21 ॥ [க்ருத்வா]

கு³ரூணாம் கு³ருகார்யாணி காலே காலே(அ)ந்வவைக்ஷத । [சகார ஹ]
ஏவம் த³ஶரத²꞉ ப்ரீதோ ப்³ராஹ்மணா நைக³மாஸ்ததா³ ॥ 22 ॥

ராமஸ்ய ஶீலவ்ருத்தேந ஸர்வே விஷயவாஸிந꞉ ।
தேஷாமதியஶா லோகே ராம꞉ ஸத்யபராக்ரம꞉ ॥ 23 ॥

ஸ்வயம்பூ⁴ரிவ பூ⁴தாநாம் ப³பூ⁴வ கு³ணவத்தர꞉ ।
ராமஸ்து ஸீதயா ஸார்த⁴ம் விஜஹார ப³ஹூந்ருதூந் ॥ 24 ॥

ப்ரியா து ஸீதா ராமஸ்ய தா³ரா꞉ பித்ருக்ருதா இதி ।
மநஸ்வீ தத்³க³தமநா நித்யம் ஹ்ருதி³ ஸமர்பித꞉ ॥ 25 ॥

கு³ணாத்³ரூபகு³ணாச்சாபி ப்ரீதிர்பூ⁴யோ(அ)ப்⁴யவர்த⁴த ।
தஸ்யாஶ்ச ப⁴ர்தா த்³விகு³ணம் ஹ்ருத³யே பரிவர்ததே ॥ 26 ॥

அந்தர்ஜாதமபி வ்யக்தமாக்²யாதி ஹ்ருத³யம் ஹ்ருதா³ ।
தஸ்ய பூ⁴யோ விஶேஷேண மைதி²லீ ஜநகாத்மஜா ।
தே³வதாபி⁴꞉ ஸமா ரூபே ஸீதா ஶ்ரீரிவ ரூபிணீ ॥ 27 ॥

தயா ஸ ராஜர்ஷிஸுதோ(அ)பி⁴ராமயா
ஸமேயிவாநுத்தமராஜகந்யயா ।
அதீவ ராம꞉ ஶுஶுபே⁴(அ)திகாமயா
விபு⁴꞉ ஶ்ரியா விஷ்ணுரிவாமரேஶ்வர꞉ ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தஸப்ததிதம꞉ ஸர்க³꞉ ॥ 77 ॥

வால்மீகி ராமாயணே அயோத்⁴யகாண்ட³ >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.