Balakanda Sarga 66 – பா³லகாண்ட³ ஷட்ஷஷ்டிதம꞉ ஸர்க³꞉ (66)


॥ த⁴நு꞉ப்ரஸங்க³꞉ ॥

தத꞉ ப்ரபா⁴தே விமலே க்ருதகர்மா நராதி⁴ப꞉ ।
விஶ்வாமித்ரம் மஹாத்மாநமாஜுஹாவ ஸராக⁴வம் ॥ 1 ॥

தமர்சயித்வா த⁴ர்மாத்மா ஶாஸ்த்ரத்³ருஷ்டேந கர்மணா ।
ராக⁴வௌ ச மஹாத்மாநௌ ததா³ வாக்யமுவாச ஹ ॥ 2 ॥

ப⁴க³வந் ஸ்வாக³தம் தே(அ)ஸ்து கிம் கரோமி தவாநக⁴ ।
ப⁴வாநாஜ்ஞாபயது மாமாஜ்ஞாப்யோ ப⁴வதா ஹ்யஹம் ॥ 3 ॥

ஏவமுக்த꞉ ஸ த⁴ர்மாத்மா ஜநகேந மஹாத்மநா ।
ப்ரத்யுவாச முநிர்வீரம் வாக்யம் வாக்யவிஶாரத³꞉ ॥ 4 ॥

புத்ரௌ த³ஶரத²ஸ்யேமௌ க்ஷத்ரியௌ லோகவிஶ்ருதௌ ।
த்³ரஷ்டுகாமௌ த⁴நு꞉ஶ்ரேஷ்ட²ம் யதே³தத்த்வயி திஷ்ட²தி ॥ 5 ॥

ஏதத்³த³ர்ஶய ப⁴த்³ரம் தே க்ருதகாமௌ ந்ருபாத்மஜௌ ।
த³ர்ஶநாத³ஸ்ய த⁴நுஷோ யதே²ஷ்டம் ப்ரதியாஸ்யத꞉ ॥ 6 ॥

ஏவமுக்தஸ்து ஜநக꞉ ப்ரத்யுவாச மஹாமுநிம் ।
ஶ்ரூயதாமஸ்ய த⁴நுஷோ யத³ர்த²மிஹ திஷ்ட²தி ॥ 7 ॥

தே³வராத இதி க்²யாதோ நிமே꞉ ஷஷ்டோ² மஹீபதி꞉ ।
ந்யாஸோ(அ)யம் தஸ்ய ப⁴க³வந்ஹஸ்தே த³த்தோ மஹாத்மநா ॥ 8 ॥

த³க்ஷயஜ்ஞவதே⁴ பூர்வம் த⁴நுராயம்ய வீர்யவாந் ।
ருத்³ரஸ்து த்ரித³ஶாந்ரோஷாத்ஸலீலமித³மப்³ரவீத் ॥ 9 ॥

யஸ்மாத்³பா⁴கா³ர்தி²நோ பா⁴கா³ந்நாகல்பயத மே ஸுரா꞉ ।
வராங்கா³ணி மஹார்ஹாணி த⁴நுஷா ஶாதயாமி வ꞉ ॥ 10 ॥

ததோ விமநஸ꞉ ஸர்வே தே³வா வை முநிபுங்க³வ ।
ப்ரஸாத³யந்தி தே³வேஶம் தேஷாம் ப்ரீதோ(அ)ப⁴வத்³ப⁴வ꞉ ॥ 11 ॥

ப்ரீதியுக்த꞉ ஸ ஸர்வேஷாம் த³தௌ³ தேஷாம் மஹாத்மநாம் ।
ததே³தத்³தே³வதே³வஸ்ய த⁴நூரத்நம் மஹாத்மந꞉ ॥ 12 ॥

ந்யாஸபூ⁴தம் ததா³ ந்யஸ்தமஸ்மாகம் பூர்வகே விபோ⁴ ।
அத² மே க்ருஷத꞉ க்ஷேத்ரம் லாங்க³ளாது³த்தி²தா தத꞉ ॥ 13 ॥ [மயா]

க்ஷேத்ரம் ஶோத⁴யதா லப்³த்⁴வா நாம்நா ஸீதேதி விஶ்ருதா ।
பூ⁴தலாது³த்தி²தா ஸா து வ்யவர்த⁴த மமாத்மஜா ॥ 14 ॥

வீர்யஶுல்கேதி மே கந்யா ஸ்தா²பிதேயமயோநிஜா ।
பூ⁴தலாது³த்தி²தாம் தாம் து வர்த⁴மாநாம் மமாத்மஜாம் ॥ 15 ॥

வரயாமாஸுராக³ம்ய ராஜாநோ முநிபுங்க³வ ।
தேஷாம் வரயதாம் கந்யாம் ஸர்வேஷாம் ப்ருதி²வீக்ஷிதாம் ॥ 16 ॥

வீர்யஶுல்கேதி ப⁴க³வந்ந த³தா³மி ஸுதாமஹம் ।
தத꞉ ஸர்வே ந்ருபதய꞉ ஸமேத்ய முநிபுங்க³வ ॥ 17 ॥

மிதி²லாமப்⁴யுபாக³ம்ய வீர்யஜிஜ்ஞாஸவஸ்ததா³ ।
தேஷாம் ஜிஜ்ஞாஸமாநாநாம் வீர்யம் த⁴நுருபாஹ்ருதம் ॥ 18 ॥

ந ஶேகுர்க்³ரஹணே தஸ்ய த⁴நுஷஸ்தோலநே(அ)பி வா ।
தேஷாம் வீர்யவதாம் வீர்யமல்பம் ஜ்ஞாத்வா மஹாமுநே ॥ 19 ॥

ப்ரத்யாக்²யாதா ந்ருபதயஸ்தந்நிபோ³த⁴ தபோத⁴ந ।
தத꞉ பரமகோபேந ராஜாநோ முநிபுங்க³வ ॥ 20 ॥

ந்யருந்த⁴ந்மிதி²லாம் ஸர்வே வீர்யஸந்தே³ஹமாக³தா꞉ ।
ஆத்மாநமவதூ⁴தம் தே விஜ்ஞாய ந்ருபபுங்க³வா꞉ ॥ 21 ॥

ரோஷேண மஹதா(ஆ)விஷ்டா꞉ பீட³யந்மிதி²லாம் புரீம் ।
தத꞉ ஸம்வத்ஸரே பூர்ணே க்ஷயம் யாதாநி ஸர்வஶ꞉ ॥ 22 ॥

ஸாத⁴நாநி முநிஶ்ரேஷ்ட² ததோ(அ)ஹம் ப்⁴ருஶது³꞉கி²த꞉ ।
ததோ தே³வக³ணாந்ஸர்வாந் ஸ்தபஸாஹம் ப்ரஸாத³யம் ॥ 23 ॥

த³து³ஶ்ச பரமப்ரீதாஶ்சதுரங்க³ப³லம் ஸுரா꞉ ।
ததோ ப⁴க்³நா ந்ருபதயோ ஹந்யமாநா தி³ஶோ யயு꞉ ॥ 24 ॥

அவீர்யா வீர்யஸந்தி³க்³தா⁴꞉ ஸாமாத்யா꞉ பாபகாரிண꞉ ।
ததே³தந்முநிஶார்தூ³ள த⁴நு꞉ பரமபா⁴ஸ்வரம் ॥ 25 ॥

ராமலக்ஷ்மணயோஶ்சாபி த³ர்ஶயிஷ்யாமி ஸுவ்ரத ।
யத்³யஸ்ய த⁴நுஷோ ராம꞉ குர்யாதா³ரோபணம் முநே ।
ஸுதாமயோநிஜாம் ஸீதாம் த³த்³யாம் தா³ஶரதே²ரஹம் ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷட்ஷஷ்டி²தம꞉ ஸர்க³꞉ ॥ 66 ॥

பா³லகாண்ட³ ஸப்தஷஷ்டிதம꞉ ஸர்க³꞉ (67) >>


ஸம்பூர்ண வால்மீகி ராமாயணே பா³லகாண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed