Balakanda Sarga 59 – பா³லகாண்ட³ ஏகோநஷஷ்டி²தம꞉ ஸர்க³꞉ (59)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ ஏகோநஷஷ்டி²தம꞉ ஸர்க³꞉ (59)

॥ வாஸிஷ்ட²ஶாப꞉ ॥

உக்தவாக்யம் து ராஜாநம் க்ருபயா குஶிகாத்மஜ꞉ ।
அப்³ரவீந்மது⁴ரம் வாக்யம் ஸாக்ஷாச்சண்டா³லரூபிணம் ॥ 1 ॥

ஐக்ஷ்வாக ஸ்வாக³தம் வத்ஸ ஜாநாமி த்வாம் ஸுதா⁴ர்மிகம் ।
ஶரணம் தே ப⁴விஷ்யாமி மா பை⁴ஷீர்ந்ருபபுங்க³வ ॥ 2 ॥

அஹமாமந்த்ரயே ஸர்வாந்மஹர்ஷீந்புண்யகர்மண꞉ ।
யஜ்ஞஸாஹ்யகராந்ராஜம்ஸ்ததோ யக்ஷ்யஸி நிர்வ்ருத꞉ ॥ 3 ॥

கு³ருஶாபக்ருதம் ரூபம் யதி³த³ம் த்வயி வர்ததே ।
அநேந ஸஹ ரூபேண ஸஶரீரோ க³மிஷ்யஸி ॥ 4 ॥

ஹஸ்தப்ராப்தமஹம் மந்யே ஸ்வர்க³ம் தவ நராதி⁴ப ।
யஸ்த்வம் கௌஶிகமாக³ம்ய ஶரண்யம் ஶரணாக³த꞉ ॥ 5 ॥

ஏவமுக்த்வா மஹாதேஜா꞉ புத்ராந்பரமதா⁴ர்மிகாந் ।
வ்யாதி³தே³ஶ மஹாப்ராஜ்ஞாந்யஜ்ஞஸம்பா⁴ரகாரணாத் ॥ 6 ॥

ஸர்வாந் ஶிஷ்யாந்ஸமாஹூய வாக்யமேதது³வாச ஹ ।
ஸர்வாந்ருஷிக³ணாந் வத்ஸா ஆநயத்⁴வம் மமாஜ்ஞயா ॥ 7 ॥

ஸஶிஷ்யஸுஹ்ருத³ஶ்சைவ ஸர்த்விஜ꞉ ஸுப³ஹுஶ்ருதாந் ।
யத³ந்யோ வசநம் ப்³ரூயாந்மத்³வாக்யப³லசோதி³த꞉ ॥ 8 ॥

தத்ஸர்வமகி²லேநோக்தம் மமாக்²யேயமநாத்³ருதம் ।
தஸ்ய தத்³வசநம் ஶ்ருத்வா தி³ஶோ ஜக்³முஸ்ததா³ஜ்ஞயா ॥ 9 ॥

ஆஜக்³முரத² தே³ஶேப்⁴ய꞉ ஸர்வேப்⁴யோ ப்³ரஹ்மவாதி³ந꞉ ।
தே ச ஶிஷ்யா꞉ ஸமாக³ம்ய முநிம் ஜ்வலிததேஜஸம் ॥ 10 ॥

ஊசுஶ்ச வசநம் ஸர்வே ஸர்வேஷாம் ப்³ரஹ்மவாதி³நாம் ।
ஶ்ருத்வா தே வசநம் ஸர்வே ஸமாயாந்தி த்³விஜாதய꞉ ॥ 11 ॥

ஸர்வதே³ஶேஷு சாக³ச்ச²ந்வர்ஜயித்வா மஹோத³யம் ।
வாஸிஷ்ட²ம் தச்ச²தம் ஸர்வம் க்ரோத⁴பர்யாகுலாக்ஷரம் ॥ 12 ॥

யதா³ஹ வசநம் ஸர்வம் ஶ்ருணு த்வம் முநிபுங்க³வ ।
க்ஷத்ரியோ யாஜகோ யஸ்ய சண்டா³லஸ்ய விஶேஷத꞉ ॥ 13 ॥

கத²ம் ஸத³ஸி போ⁴க்தாரோ ஹவிஸ்தஸ்ய ஸுரர்ஷய꞉ ।
ப்³ராஹ்மணா வா மஹாத்மாநோ பு⁴க்த்வா சண்டா³லபோ⁴ஜநம் ॥ 14 ॥

கத²ம் ஸ்வர்க³ம் க³மிஷ்யந்தி விஶ்வாமித்ரேண பாலிதா꞉ ।
ஏதத்³வசநநைஷ்டு²ர்யமூசு꞉ ஸம்ரக்தலோசநா꞉ ॥ 15 ॥

வாஸிஷ்டா² முநிஶார்தூ³ள ஸர்வே தே ஸமஹோத³யா꞉ ।
தேஷாம் தத்³வசநம் ஶ்ருத்வா ஸர்வேஷாம் முநிபுங்க³வ꞉ ॥ 16 ॥

க்ரோத⁴ஸம்ரக்தநயந꞉ ஸரோஷமித³மப்³ரவீத் ।
யே தூ³ஷயந்த்யது³ஷ்டம் மாம் தப உக்³ரம் ஸமாஸ்தி²தம் ॥ 17 ॥

ப⁴ஸ்மீபூ⁴தா து³ராத்மாநோ ப⁴விஷ்யந்தி ந ஸம்ஶய꞉ ।
அத்³ய தே காலபாஶேந நீதா வைவஸ்வதக்ஷயம் ॥ 18 ॥

ஸப்த ஜாதிஶதாந்யேவ ம்ருதபா꞉ ஸந்து ஸர்வஶ꞉ ।
ஶ்வமாம்ஸநியதாஹாரா முஷ்டிகா நாம நிர்க்⁴ருணா꞉ ॥ 19 ॥

விக்ருதாஶ்ச விரூபாஶ்ச லோகாநநுசரந்த்விமாந் ।
மஹோத³யஶ்ச து³ர்பு³த்³தி⁴ர்மாமதூ³ஷ்யம் ஹ்யதூ³ஷயத் ॥ 20 ॥

தூ³ஷித꞉ ஸர்வலோகேஷு நிஷாத³த்வம் க³மிஷ்யதி ।
ப்ராணாதிபாதநிரதோ நிரநுக்ரோஶதாம் க³த꞉ ॥ 21 ॥

தீ³ர்க⁴காலம் மம க்ரோதா⁴த்³து³ர்க³திம் வர்தயிஷ்யதி ।
ஏதாவது³க்த்வா வசநம் விஶ்வாமித்ரோ மஹாதபா꞉ ।
விரராம மஹாதேஜா ருஷிமத்⁴யே மஹாமுநி꞉ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஏகோநஷஷ்டி²தம꞉ ஸர்க³꞉ ॥ 59 ॥

பா³லகாண்ட³ ஷஷ்டிதம꞉ ஸர்க³꞉ (60) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.