Balakanda Sarga 42 – பா³லகாண்ட³ த்³விசத்வாரிம்ஶ꞉ ஸர்க³꞉ (42)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ த்³விசத்வாரிம்ஶ꞉ ஸர்க³꞉ (42)

॥ ப⁴கீ³ரத²வரப்ரதா³நம் ॥

காலத⁴ர்மம் க³தே ராம ஸக³ரே ப்ரக்ருதீஜநா꞉ ।
ராஜாநம் ரோசயாமாஸுரம்ஶுமந்தம் ஸுதா⁴ர்மிகம் ॥ 1 ॥

ஸ ராஜா ஸுமஹாநாஸீத³ம்ஶுமாந்ரகு⁴நந்த³ந ।
தஸ்ய புத்ரோ மஹாநாஸீத்³தி³ளீப இதி விஶ்ருத꞉ ॥ 2 ॥

தஸ்மிந்ராஜ்யம் ஸமாவேஶ்ய தி³ளீபே ரகு⁴நந்த³ந ।
ஹிமவச்சி²க²ரே புண்யே தபஸ்தேபே ஸுதா³ருணம் ॥ 3 ॥

த்³வாத்ரிம்ஶச்ச ஸஹஸ்ராணி வர்ஷாணி ஸுமஹாயஶா꞉ ।
தபோவநம் க³தோ ராம ஸ்வர்க³ம் லேபே⁴ மஹாயஶா꞉ ॥ 4 ॥

தி³ளீபஸ்து மஹாதேஜா꞉ ஶ்ருத்வா பைதாமஹம் வத⁴ம் ।
து³꞉கோ²பஹதயா பு³த்³த்⁴யா நிஶ்சயம் நாத்⁴யக³ச்ச²த ॥ 5 ॥

கத²ம் க³ங்கா³வதரணம் கத²ம் தேஷாம் ஜலக்ரியா ।
தாரயேயம் கத²ம் சைதாநிதி சிந்தாபரோ(அ)ப⁴வத் ॥ 6 ॥

தஸ்ய சிந்தயதோ நித்யம் த⁴ர்மேண விதி³தாத்மந꞉ ।
புத்ரோ ப⁴கீ³ரதோ² நாம ஜஜ்ஞே பரமதா⁴ர்மிக꞉ ॥ 7 ॥

தி³ளீபஸ்து மஹாதேஜா யஜ்ஞைர்ப³ஹுபி⁴ரிஷ்டவாந் ।
த்ரிம்ஶத்³வர்ஷஸஹஸ்ராணி ராஜா ராஜ்யமகாரயத் ॥ 8 ॥

அக³த்வா நிஶ்சயம் ராஜா தேஷாமுத்³த⁴ரணம் ப்ரதி ।
வ்யாதி⁴நா நரஶார்தூ³ள காலத⁴ர்மமுபேயிவாந் ॥ 9 ॥

இந்த்³ரளோகம் க³தோ ராஜா ஸ்வார்ஜிதேநைவ கர்மணா ।
ராஜ்யே ப⁴கீ³ரத²ம் புத்ரமபி⁴ஷிச்ய நரர்ஷப⁴꞉ ॥ 10 ॥

ப⁴கீ³ரத²ஸ்து ராஜர்ஷிர்தா⁴ர்மிகோ ரகு⁴நந்த³ந ।
அநபத்யோ மஹாதேஜா꞉ ப்ரஜாகாம꞉ ஸ சாப்ரஜா꞉ ॥ 11 ॥

மந்த்ரிஷ்வாதா⁴ய தத்³ராஜ்யம் க³ங்கா³வதரணே ரத꞉ ।
ஸ தபோ தீ³ர்க⁴மாதிஷ்ட²த்³கோ³கர்ணே ரகு⁴நந்த³ந ॥ 12 ॥

ஊர்த்⁴வபா³ஹு꞉ பஞ்சதபா மாஸாஹாரோ ஜிதேந்த்³ரிய꞉ ।
தஸ்ய வர்ஷஸஹஸ்ராணி கோ⁴ரே தபஸி திஷ்ட²த꞉ ॥ 13 ॥

அதீதாநி மஹப³ஹோ தஸ்ய ராஜ்ஞோ மஹாத்மந꞉ ।
ஸுப்ரீதோ ப⁴க³வாந்ப்³ரஹ்மா ப்ரஜாநாம் பதிரீஶ்வர꞉ ॥ 14 ॥

தத꞉ ஸுரக³ணை꞉ ஸார்த⁴முபாக³ம்ய பிதாமஹ꞉ ।
ப⁴கீ³ரத²ம் மஹாத்மாநம் தப்யமாநமதா²ப்³ரவீத் ॥ 15 ॥

ப⁴கீ³ரத² மஹாபா⁴க³ ப்ரீதஸ்தே(அ)ஹம் ஜநேஶ்வர ।
தபஸா ச ஸுதப்தேந வரம் வரய ஸுவ்ரத ॥ 16 ॥

தமுவாச மஹாதேஜா꞉ ஸர்வலோகபிதாமஹம் ।
ப⁴கீ³ரதோ² மஹாபா⁴க³꞉ க்ருதாஞ்ஜலிருபஸ்தி²த꞉ ॥ 17 ॥

யதி³ மே ப⁴க³வந்ப்ரீதோ யத்³யஸ்தி தபஸ꞉ ப²லம் ।
ஸக³ரஸ்யாத்மஜா꞉ ஸர்வே மத்த꞉ ஸலிலமாப்நுயு꞉ ॥ 18 ॥

க³ங்கா³யா꞉ ஸலிலக்லிந்நே ப⁴ஸ்மந்யேஷாம் மஹாத்மநாம் ।
ஸ்வர்க³ம் க³ச்சே²யுரத்யந்தம் ஸர்வே மே ப்ரபிதாமஹா꞉ ॥ 19 ॥

தே³யா ச ஸந்ததிர்தே³வ நாவஸீதே³த்குலம் ச ந꞉ ।
இக்ஷ்வாகூணாம் குலே தே³வ ஏஷ மே(அ)ஸ்து வர꞉ பர꞉ ॥ 20 ॥

உக்தவாக்யம் து ராஜாநம் ஸர்வலோகபிதாமஹ꞉ ।
ப்ரத்யுவாச ஶுபா⁴ம் வாணீம் மது⁴ராம் மது⁴ராக்ஷராம் ॥ 21 ॥

மநோரதோ² மஹாநேஷ ப⁴கீ³ரத² மஹாரத² ।
ஏவம் ப⁴வது ப⁴த்³ரம் தே இக்ஷ்வாகுகுலவர்த⁴ந ॥ 22 ॥

இயம் ஹைமவதீ க³ங்கா³ ஜ்யேஷ்டா² ஹிமவத꞉ ஸுதா ।
தாம் வை தா⁴ரயிதும் ஶக்தோ ஹரஸ்தத்ர நியுஜ்யதாம் ॥ 23 ॥

க³ங்கா³யா꞉ பதநம் ராஜந்ப்ருதி²வீ ந ஸஹிஷ்யதி ।
தாம் வை தா⁴ரயிதும் வீர நாந்யம் பஶ்யாமி ஶூலிந꞉ ॥ 24 ॥

தமேவமுக்த்வா ராஜாநம் க³ங்கா³ம் சாபா⁴ஷ்ய லோகக்ருத் ।
ஜகா³ம த்ரிதி³வம் தே³வ꞉ ஸஹ தே³வைர்மருத்³க³ணை꞉ ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ த்³விசத்வாரிம்ஶ꞉ ஸர்க³꞉ ॥ 42 ॥

பா³லகாண்ட³ த்ரிசத்வாரிம்ஶ꞉ ஸர்க³꞉ (43) >>

---

ஸம்பூர்ண வால்மீகி ராமாயணே பா³லகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.