Ayodhya Kanda Sarga 94 – அயோத்⁴யாகாண்ட³ சதுர்நவதிதம꞉ ஸர்க³꞉ (94)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ சதுர்நவதிதம꞉ ஸர்க³꞉ (94)

॥ சித்ரகூடவர்ணநா ॥

தீ³ர்க⁴காலோஷிதஸ்தஸ்மிந் கி³ரௌ கி³ரிவநப்ரிய꞉ ।
வைதே³ஹ்யா꞉ ப்ரியமாகாங்க்ஷந் ஸ்வம் ச சித்தம் விளோப⁴யந் ॥ 1 ॥

அத² தா³ஶரதி²ஶ்சித்ரம் சித்ரகூடமத³ர்ஶயத் ।
பா⁴ர்யாமமரஸங்காஶ꞉ ஶசீமிவ புரந்த³ர꞉ ॥ 2 ॥

ந ராஜ்யாத்³ப்⁴ரம்ஶநம் ப⁴த்³ரே ந ஸுஹ்ருத்³பி⁴ர்விநாப⁴வ꞉ ।
மநோ மே பா³த⁴தே த்³ருஷ்ட்வா ரமணீயமிமம் கி³ரிம் ॥ 3 ॥

பஶ்யேமமசலம் ப⁴த்³ரே நாநாத்³விஜக³ணாயுதம் ।
ஶிக²ரை꞉ க²மிவோத்³வித்³தை⁴ர்தா⁴துமத்³பி⁴ர்விபூ⁴ஷிதம் ॥ 4 ॥

கேசித்³ரஜதஸங்காஶா꞉ கேசித் க்ஷதஜஸந்நிபா⁴꞉ ।
பீதமாஞ்ஜிஷ்ட²வர்ணாஶ்ச கேசிந்மணிவரப்ரபா⁴꞉ ॥ 5 ॥

புஷ்பார்ககேதகாபா⁴ஶ்ச கேசிஜ்ஜ்யோதீரஸப்ரபா⁴꞉ ।
விராஜந்தே(அ)சலேந்த்³ரஸ்ய தே³ஶா தா⁴துவிபூ⁴ஷிதா꞉ ॥ 6 ॥

நாநாம்ருக³க³ணத்³வீபிதரக்ஷ்வ்ருக்ஷக³ணைர்வ்ருத꞉ ।
அது³ஷ்டைர்பா⁴த்யயம் ஶைலோ ப³ஹுபக்ஷிஸமாயுத꞉ ॥ 7 ॥

ஆம்ரஜம்ப்³வஸநைர்லோத்⁴ரை꞉ ப்ரியாளை꞉ பநஸைர்த⁴வை꞉ ।
அங்கோலைர்ப⁴வ்யதிநிஶைர்பி³ல்வதிந்து³கவேணுபி⁴꞉ ॥ 8 ॥

காஶ்மர்யரிஷ்டவருணைர்மதூ⁴கைஸ்திலகைஸ்ததா² ।
ப³த³ர்யாமளகைர்நீபைர்வேத்ரத⁴ந்வநபீ³ஜகை꞉ ॥ 9 ॥

புஷ்பவத்³பி⁴꞉ ப²லோபேதைஶ்சா²யாவத்³பி⁴ர்மநோரமை꞉ ।
ஏவமாதி³பி⁴ராகீர்ண꞉ ஶ்ரியம் புஷ்யத்யயம் கி³ரி꞉ ॥ 10 ॥

ஶைலப்ரஸ்தே²ஷு ரம்யேஷு பஶ்யேமாந் ரோமஹர்ஷணாந் ।
கிந்நராந் த்³வந்த்³வஶோ ப⁴த்³ரே ரமமாணாந்மநஸ்விந꞉ ॥ 11 ॥

ஶாகா²வஸக்தாந் க²ட்³கா³ம்ஶ்ச ப்ரவராண்யம்ப³ராணி ச ।
பஶ்ய வித்³யாத⁴ரஸ்த்ரீணாம் க்ரீடோ³த்³தே⁴ஶாந் மநோரமாந் ॥ 12 ॥

ஜலப்ரபாதைருத்³பே⁴தை³ர்நிஷ்யந்தை³ஶ்ச க்வசித் க்வசித் ।
ஸ்ரவத்³பி⁴ர்பா⁴த்யயம் ஶைல꞉ ஸ்ரவந்மத³ இவ த்³விப꞉ ॥ 13 ॥

கு³ஹாஸமீரணோ க³ந்தா⁴ந் நாநாபுஷ்பப⁴வாந்வஹந் ।
க்⁴ராணதர்பணமப்⁴யேத்ய கம் நரம் ந ப்ரஹர்ஷயேத் ॥ 14 ॥

யதீ³ஹ ஶரதோ³(அ)நேகாஸ்த்வயா ஸார்த⁴மநிந்தி³தே ।
லக்ஷ்மணேந ச வத்ஸ்யாமி ந மாம் ஶோக꞉ ப்ரத⁴க்ஷ்யதி ॥ 15 ॥

ப³ஹுபுஷ்பப²லே ரம்யே நாநாத்³விஜக³ணாயுதே ।
விசித்ரஶிக²ரே ஹ்யஸ்மிந் ரதவாநஸ்மி பா⁴மிநி ॥ 16 ॥

அநேந வநவாஸேந மயா ப்ராப்தம் ப²லத்³வயம் ।
பிதுஶ்சாந்ருணதா த⁴ர்மே ப⁴ரதஸ்ய ப்ரியம் ததா² ॥ 17 ॥

வைதே³ஹி ரமஸே கச்சிச்சித்ரகூடே மயா ஸஹ ।
பஶ்யந்தீ விவிதா⁴ந்பா⁴வாந் மநோவாக்காயஸம்மதாந் ॥ 18 ॥

இத³மேவாம்ருதம் ப்ராஹு꞉ ராஜ்ஞி ராஜர்ஷய꞉ பரே ।
வநவாஸம் ப⁴வார்தா²ய ப்ரேத்ய மே ப்ரபிதாமஹா꞉ ॥ 19 ॥

ஶிலா꞉ ஶைலஸ்ய ஶோப⁴ந்தே விஶாலா꞉ ஶதஶோ(அ)பி⁴த꞉ ।
ப³ஹுளா ப³ஹுளைர்வர்ணைர்நீலபீதஸிதாருணை꞉ ॥ 20 ॥

நிஶி பா⁴ந்த்யசலேந்த்³ரஸ்ய ஹுதாஶநஶிகா² இவ ।
ஓஷத்⁴ய꞉ ஸ்வப்ரபா⁴லக்ஷ்யா ப்⁴ராஜமாநா꞉ ஸஹஸ்ரஶ꞉ ॥ 21 ॥

கேசித் க்ஷயநிபா⁴ தே³ஶா꞉ கேசிது³த்³யாநஸந்நிபா⁴꞉ ।
கேசிதே³கஶிலா பா⁴ந்தி பர்வதஸ்யாஸ்ய பா⁴மிநி ॥ 22 ॥

பி⁴த்த்வேவ வஸுதா⁴ம் பா⁴தி சித்ரகூட꞉ ஸமுத்தி²த꞉ ।
சித்ரகூடஸ்ய கூடோ(அ)ஸௌ த்³ருஶ்யதே ஸர்வத꞉ ஶுப⁴꞉ ॥ 23 ॥

குஷ்ட²புந்நாக³ஸ்த²க³ரபூ⁴ர்ஜபத்ரோத்தரச்ச²தா³ந் ।
காமிநாம் ஸ்வாஸ்தராந் பஶ்ய குஶேஶயத³ளாயுதாந் ॥ 24 ॥

ம்ருதி³தாஶ்சாபவித்³தா⁴ஶ்ச த்³ருஶ்யந்தே கமலஸ்ரஜ꞉ ।
காமிபி⁴ர்வநிதே பஶ்ய ப²லாநி விவிதா⁴நி ச ॥ 25 ॥

வஸ்வௌகஸாராம் ளிநீமத்யேதீவோத்தராந் குரூந் ।
பர்வதஶ்சித்ரகூடோ(அ)ஸௌ ப³ஹுமூலப²லோத³க꞉ ॥ 26 ॥

இமம் து காலம் வநிதே விஜஹ்ரிவாந்
த்வயா ச ஸீதே ஸஹ லக்ஷ்மணேந ச ।
ரதிம் ப்ரபத்ஸ்யே குலத⁴ர்மவர்த⁴நீம்
ஸதாம் பதி² ஸ்வைர்நியமை꞉ பரை꞉ ஸ்தி²த꞉ ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ சதுர்நவதிதம꞉ ஸர்க³꞉ ॥ 94 ॥

அயோத்⁴யாகாண்ட³ பஞ்சநவதிதம꞉ ஸர்க³꞉ (95) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.