Ayodhya Kanda Sarga 90 – அயோத்⁴யாகாண்ட³ நவதிதம꞉ ஸர்க³꞉ (90)

॥ ப⁴ரத்³வாஜாஶ்ரமநிவாஸ꞉ ॥

ப⁴ரத்³வாஜாஶ்ரமம் த்³ருஷ்ட்வா க்ரோஶாதே³வ நரர்ஷப⁴꞉ ।
ப³லம் ஸர்வமவஸ்தா²ப்ய ஜகா³ம ஸஹமந்த்ரிபி⁴꞉ ॥ 1 ॥

பத்³ப்⁴யாமேவ ஹி த⁴ர்மஜ்ஞோ ந்யஸ்தஶஸ்த்ரபரிச்ச²த³꞉ ।
வஸாநோ வாஸஸீ க்ஷௌமே புரோதா⁴ய புரோத⁴ஸம் ॥ 2 ॥

தத꞉ ஸந்த³ர்ஶநே தஸ்ய ப⁴ரத்³வாஜஸ்ய ராக⁴வ꞉ ।
மந்த்ரிணஸ்தாநவஸ்தா²ப்ய ஜகா³மாநுபுரோஹிதம் ॥ 3 ॥

வஸிஷ்ட²மத² த்³ருஷ்ட்வைவ ப⁴ரத்³வாஜோ மஹாதபா꞉ ।
ஸஞ்சசாலாஸநாத்தூர்ணம் ஶிஷ்யாநர்க்⁴யமிதி ப்³ருவந் ॥ 4 ॥

ஸமாக³ம்ய வஸிஷ்டே²ந ப⁴ரதேநாபி⁴வாதி³த꞉ ।
அபு³த்⁴யத மஹாதேஜா꞉ ஸுதம் த³ஶரத²ஸ்ய தம் ॥ 5 ॥

தாப்⁴யாமர்க்⁴யம் ச பாத்³யம் ச த³த்த்வா பஶ்சாத்ப²லாநி ச ।
ஆநுபூர்வ்யாச்ச² த⁴ர்மஜ்ஞ꞉ பப்ரச்ச² குஶலம் குலே ॥ 6 ॥

அயோத்⁴யாயாம் ப³லே கோஶே மித்ரேஷ்வபி ச மந்த்ரிஷு ।
ஜாநந் த³ஶரத²ம் வ்ருத்தம் ந ராஜாநமுதா³ஹரத் ॥ 7 ॥

வஸிஷ்டோ² ப⁴ரதஶ்சைநம் பப்ரச்ச²துரநாமயம் ।
ஶரீரே(அ)க்³நிஷு வ்ருக்ஷேஷு ஶிஷ்யேஷு ம்ருக³பக்ஷிஷு ॥ 8 ॥

ததே²தி தத்ப்ரதிஜ்ஞாய ப⁴ரத்³வாஜோ மஹாதபா꞉ ।
ப⁴ரதம் ப்ரத்யுவாசேத³ம் ராக⁴வஸ்நேஹப³ந்த⁴நாத் ॥ 9 ॥

கிமிஹாக³மநே கார்யம் தவ ராஜ்யம் ப்ரஶாஸத꞉ ।
ஏததா³சக்ஷ்வ மே ஸர்வம் நஹி மே ஶுத்³த்⁴யதே மந꞉ ॥ 10 ॥

ஸுஷுவே யமமித்ரக்⁴நம் கௌஸல்யா(அ)நந்த³வர்த⁴நம் ।
ப்⁴ராத்ரா ஸஹ ஸபா⁴ர்யோ யஶ்சிரம் ப்ரவ்ராஜிதோ வநம் ॥ 11 ॥

நியுக்த꞉ ஸ்த்ரீநியுக்தேந பித்ரா யோ(அ)ஸௌ மஹாயஶா꞉ ।
வநவாஸீ ப⁴வேதீஹ ஸமா꞉ கில சதுர்த³ஶ ॥ 12 ॥

கச்சி²ந்ந தஸ்யாபாபஸ்ய பாபம் கர்துமிஹேச்ச²ஸி ।
அகண்டகம் போ⁴க்துமநா꞉ ராஜ்யம் தஸ்யாநுஜஸ்ய ச ॥ 13 ॥

ஏவமுக்தோ ப⁴ரத்³வாஜம் ப⁴ரத꞉ ப்ரத்யுவாச ஹ ।
பர்யஶ்ருநயநோ து³꞉கா²த்³வாசா ஸம்ஸஜ்ஜமாநயா ॥ 14 ॥

ஹதோ(அ)ஸ்மி யதி³ மாமேவம் ப⁴க³வாநபி மந்யதே ।
மத்தோ ந தோ³ஷமாஶங்கே நைவம் மாமநுஶாதி⁴ ஹி ॥ 15 ॥

ந சைததி³ஷ்டம் மாதா மே யத³வோசந்மத³ந்தரே ।
நாஹமேதேந துஷ்டஶ்ச ந தத்³வசநமாத³தே³ ॥ 16 ॥

அஹம் து தம் நரவ்யாக்⁴ரமுபயாத꞉ ப்ரஸாத³க꞉ ।
ப்ரதிநேதுமயோத்⁴யாம் ச பாதௌ³ தஸ்யாபி⁴வந்தி³தும் ॥ 17 ॥

த்வம் மாமேவங்க³தம் மத்வா ப்ரஸாத³ம் கர்துமர்ஹஸி ।
ஶம்ஸ மே ப⁴க³வந்ராம꞉ க்வ ஸம்ப்ரதி மஹீபதி꞉ ॥ 18 ॥

வஸிஷ்டா²தி³பி⁴ர்ருத்விக்³பி⁴ர்யாசிதோ ப⁴க³வாம்ஸ்தத꞉ ।
உவாச தம் ப⁴ரத்³வாஜ꞉ ப்ரஸாதா³த்³ப⁴ரதம் வச꞉ ॥ 19 ॥

த்வய்யேதத்புருஷவ்யாக்⁴ர யுக்தம் ராக⁴வவம்ஶஜே ।
கு³ருவ்ருத்திர்த³மஶ்சைவ ஸாதூ⁴நாம் சாநுயாயிதா ॥ 20 ॥

ஜாநே சைதந்மந꞉ஸ்த²ம் தே த்³ருடீ⁴கரணமஸ்த்விதி ।
அப்ருச்ச²ம் த்வாம் ததா²(அ)த்யர்த²ம் கீர்திம் ஸமபி⁴வர்த⁴யந் ॥ 21 ॥

ஜாநே ச ராமம் த⁴ர்மஜ்ஞம் ஸஸீதம் ஸஹலக்ஷ்மணம் ।
அஸௌ வஸதி தே ப்⁴ராதா சித்ரகூடே மஹாகி³ரௌ ॥ 22 ॥

ஶ்வஸ்து க³ந்தாஸி தம் தே³ஶம் வஸாத்³ய ஸஹ மந்த்ரிபி⁴꞉ ।
ஏதந்மே குரு ஸுப்ராஜ்ஞ காமம் காமார்த²கோவித³ ॥ 23 ॥

ததஸ்ததே²த்யேவமுதா³ரத³ர்ஶந꞉
ப்ரதீதரூபோ ப⁴ரதோ(அ)ப்³ரவீத்³வச꞉ ।
சகார பு³த்³தி⁴ம் ச ததா³ ததா³ஶ்ரமே
நிஶாநிவாஸாய நராதி⁴பா(அ)த்மஜ꞉ ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ நவதிதம꞉ ஸர்க³꞉ ॥ 90 ॥

அயோத்⁴யாகாண்ட³ ஏகநவதிதம꞉ ஸர்க³꞉ (91) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.