Ayodhya Kanda Sarga 62 – அயோத்⁴யாகாண்ட³ த்³விஷஷ்டி²தம꞉ ஸர்க³꞉ (62)

॥ கௌஸல்யாப்ரஸாத³நம் ॥

ஏவம் து க்ருத்³த⁴யா ராஜா ராமமாத்ரா ஸஶோகயா ।
ஶ்ராவித꞉ பருஷம் வாக்யம் சிந்தயாமாஸ து³꞉கி²த꞉ ॥ 1 ॥

சிந்தயித்வா ஸ ச ந்ருபோ முமோஹ வ்யாகுலேந்த்³ரிய꞉ ।
அத² தீ³ர்கே⁴ண காலேந ஸஞ்ஜ்ஞாமாப பரந்தப꞉ ॥ 2 ॥

ஸ ஸஞ்ஜ்ஞாமுபலப்⁴யைவ தீ³ர்க⁴முஷ்ணம் ச நிஶ்ஶ்வஸந் ।
கௌஸல்யாம் பார்ஶ்வதோ த்³ருஷ்ட்வா புநஶ்சிந்தாமுபாக³மத் ॥ 3 ॥

தஸ்ய சிந்தயமாநஸ்ய ப்ரத்யபா⁴த் கர்ம து³ஷ்க்ருதம் ।
யத³நேந க்ருதம் பூர்வமஜ்ஞாநாச்ச²ப்³த³ வேதி⁴நா ॥ 4 ॥

அமநாஸ்தேந ஶோகேந ராமஶோகேந ச ப்ரபு⁴꞉ ।
த்³வாப்⁴யாமபி மஹாராஜ꞉ ஶோகாப்³யாமந்வதப்யத ॥ 5 ॥

த³ஹ்யமாந꞉ ஸஶோகாப்⁴யாம் கௌஸல்யாமாஹ பூ⁴பதி꞉ ।
வேபமாநோ(அ)ஞ்ஜலிம் க்ருத்வா ப்ரஸாத³ர்த²மவாங்முக²꞉ ॥ 6 ॥

ப்ரஸாத³யே த்வாம் கௌஸல்யே ரசிதோ(அ)யம் மயா(அ)ஞ்ஜலி꞉ ।
வத்ஸலா சாந்ருஶம்ஸா ச த்வம் ஹி நித்யம் பரேஷ்வபி ॥ 7 ॥

ப⁴ர்தா து க²லு நாரீணாம் கு³ணவாந்நிர்கு³ணோ(அ)பி வா ।
த⁴ர்மம் விம்ருஶமாநாநாம் ப்ரத்யக்ஷம் தே³வி தை³வதம் ॥ 8 ॥

ஸா த்வம் த⁴ர்மபரா நித்யம் த்³ருஷ்ட லோக பராவர ।
நார்ஹஸே விப்ரியம் வக்தும் து³꞉கி²தா(அ)பி ஸுது³꞉கி²தம் ॥ 9 ॥

தத்³வாக்யம் கருணம் ராஜ்ஞ꞉ ஶ்ருத்வா தீ³நஸ்ய பா⁴ஷிதம் ।
கௌஸல்யா வ்யஸ்ருஜத்³பா³ஷ்பம் ப்ரணாலீவ நவோத³கம் ॥ 10 ॥

ஸ மூர்த்⁴நி ப³த்³த்⁴வா ருத³தீ ராஜ்ஞ꞉ பத்³மமிவாஞ்ஜலிம் ।
ஸம்ப்⁴ரமாத³ப்³ரவீத் த்ரஸ்தா த்வரமாணாக்ஷரம் வச꞉ ॥ 11 ॥

ப்ரஸீத³ ஶிரஸா யாசே பூ⁴மௌ நிததிதா(அ)ஸ்மி தே ।
யாசிதா(அ)ஸ்மி ஹதா தே³வ ஹந்தவ்யா(அ)ஹம் ந ஹி த்வயா ॥ 12 ॥

நைஷா ஹி ஸா ஸ்த்ரீ ப⁴வதி ஶ்லாக⁴நீயேந தீ⁴மதா ।
உப⁴யோ꞉ லோகயோ꞉ வீர பத்யாயா ஸம்ப்ரஸாத்³யதே ॥ 13 ॥

ஜாநாமி த⁴ர்மம் த⁴ர்மஜ்ஞ த்வாம் ஜாநே ஸத்யவாதி³நம் ।
புத்ரஶோகார்தயா தத்து மயா கிமபி பா⁴ஷிதம் ॥ 14 ॥

ஶோகோ நாஶயதே தை⁴ர்யம் ஶோகோ நாஶயதே ஶ்ருதம் ।
ஶோகோ நாஶயதே ஸர்வம் நாஸ்தி ஶோகஸம꞉ ரிபு꞉ ॥ 15 ॥

ஶக்யமாபதித꞉ ஸோடு⁴ம் ப்ரஹர꞉ ரிபுஹஸ்தத꞉ ।
ஸோடு⁴மாபதித꞉ ஶோக꞉ ஸுஸூக்ஷ்மோ(அ)பி ந ஶக்யதே ॥ 16 ॥

வநவாஸாய ராமஸ்ய பஞ்சராத்ரோ(அ)த்³ய க³ண்யதே ।
ய꞉ ஶோகஹதஹர்ஷாயா꞉ பஞ்சவர்ஷோபம꞉ மம ॥ 17 ॥

தம் ஹி சிந்தயமாநாயா꞉ ஶோகோ(அ)யம் ஹ்ருதி³ வர்த⁴தே ।
நதீ³நாமிவ வேகே³ந ஸமுத்³ரஸலிலம் மஹத் ॥ 19 ॥

ஏவம் ஹி கத²யந்த்யாஸ்து கௌஸல்யாயா꞉ ஶுப⁴ம் வச꞉ ।
மந்த³ரஶ்மிரபூ⁴த்ஸூர்யோ ரஜநீ சாப்⁴யவர்தத ॥ 20 ॥

தத² ப்ரஹ்லாதி³த꞉ வாக்யைர்தே³வ்யா கௌஸல்யயா ந்ருப꞉ । [ப்ரஸாதி³தோ]
ஶோகேந ச ஸமாக்ராந்தர்நித்³ராயா வஶமேயிவாந் ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ த்³விஷஷ்டி²தம꞉ ஸர்க³꞉ ॥ 62 ॥

அயோத்⁴யாகாண்ட³ த்ரிஷஷ்டி²தம꞉ ஸர்க³꞉ (63) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.