Ayodhya Kanda Sarga 49 – அயோத்⁴யாகாண்ட³ ஏகோநபஞ்சாஶ꞉ ஸர்க³꞉ (49)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ ஏகோநபஞ்சாஶ꞉ ஸர்க³꞉ (49)

॥ ஜாநபதா³க்ரோஶ꞉ ॥

ராமோ(அ)பி ராத்ரிஶேஷேண தேநைவ மஹத³ந்தரம் ।
ஜகா³ம புருஷவ்யாக்⁴ர꞉ பிதுராஜ்ஞாமநுஸ்மரந் ॥ 1 ॥

ததை²வ க³ச்ச²தஸ்தஸ்ய வ்யபாயாத்³ரஜநீ ஶிவா ।
உபாஸ்ய ஸ ஶிவாம் ஸந்த்⁴யாம் விஷயாந்தம் வ்யகா³ஹத ॥ 2 ॥

க்³ராமாந்விக்ருஷ்டஸீமாந்தாந்புஷ்பிதாநி வநாநி ச ।
பஶ்யந்நதியயௌ ஶீக்⁴ரம் ஶநைரிவ ஹயோத்தமை꞉ ।
ஶ்ருண்வந்வாசோ மநுஷ்யாணாம் க்³ராமஸம்வாஸவாஸிநாம் ॥ 3 ॥

[* விக³ர்ஹிதாம் ஹி கைகேயீம் க்ரூராம் க்ரூரேண கர்மணா । *]
ராஜாநம் தி⁴க்³த³ஶரத²ம் காமஸ்ய வஶமாக³தம் ॥ 4 ॥

ஹா ந்ருஶம்ஸா(அ)த்³ய கைகேயீ பாபா பாபாநுப³ந்தி⁴நீ ।
தீக்ஷ்ணா ஸம்பி⁴ந்நமர்யாதா³ தீக்ஷ்ணகர்மணி வர்ததே ॥ 5 ॥

யா புத்ரமீத்³ருஶம் ராஜ்ஞ꞉ ப்ரவாஸயதி தா⁴ர்மிகம் ।
வநவாஸே மஹாப்ராஜ்ஞம் ஸாநுக்ரோஶம் ஜிதேந்த்³ரியம் ॥ 6 ॥

கத²ம் நாம மஹாபா⁴கா³ ஸீதா ஜநகநந்தி³நீ ।
ஸதா³ ஸுகே²ஷ்வபி⁴ரதா து³꞉கா²ந்யநுப⁴விஷ்யதி ॥ 7 ॥

அஹோ த³ஶரதோ² ராஜா நிஸ்ஸ்நேஹ꞉ ஸ்வஸுதம் ப்ரியம் ।
ப்ரஜாநாமநக⁴ம் ராமம் பரித்யக்துமிஹேச்ச²தி ॥ 8 ॥

ஏதா வாசோ மநுஷ்யாணாம் க்³ராமஸம்வாஸவாஸிநாம் ।
ஶ்ருண்வந்நதியயௌ வீர꞉ கோஸலாந்கோஸலேஶ்வர꞉ ॥ 9 ॥

தத꞉ வேத³ஶ்ருதிம் நாம ஶிவவாரிவஹாம் நதீ³ம் ।
உத்தீர்யாபி⁴முக²꞉ ப்ராயாத³க³ஸ்த்யாத்⁴யுஷிதாம் தி³ஶம் ॥ 10 ॥

க³த்வா து ஸுசிரம் காலம் தத꞉ ஶிவஜலாம் நதீ³ம் ।
கோ³மதீம் கோ³யுதாநூபாமதரத்ஸாக³ரங்க³மாம் ॥ 11 ॥

கோ³மதீம் சாப்யதிக்ரம்ய ராக⁴வ꞉ ஶீக்⁴ரகை³ர்ஹயை꞉ ।
மயூரஹம்ஸாபி⁴ருதாம் ததார ஸ்யந்தி³காம் நதீ³ம் ॥ 12 ॥

ஸ மஹீம் மநுநா ராஜ்ஞா த³த்தாமிக்ஷ்வாகவே புரா ।
ஸ்பீ²தாம் ராஷ்ட்ராவ்ருதாம் ராம꞉ வைதே³ஹீமந்வத³ர்ஶயத் ॥ 13 ॥

ஸூத இத்யேவ சாபா⁴ஷ்ய ஸாரதி²ம் தமபீ⁴க்ஷ்ணஶ꞉ ।
ஹம்ஸமத்தஸ்வர꞉ ஶ்ரீமாநுவாச புருஷர்ஷப⁴꞉ ॥ 14 ॥

கதா³(அ)ஹம் புநராக³ம்ய ஸரய்வா꞉ புஷ்பிதே வநே ।
ம்ருக³யாம் பர்யாடிஷ்யாமி மாத்ரா பித்ரா ச ஸங்க³த꞉ ॥ 15 ॥

ராஜர்ஷீணாம் ஹி லோகே(அ)ஸ்மிந் ரத்யர்த²ம் ம்ருக³யா வநே ।
காலே க்ருதாம் தாம் மநுஜைர்த⁴ந்விநாமபி⁴காங்க்ஷிதாம் ॥ 16 ॥

நாத்யர்த²மபி⁴காங்க்ஷாமி ம்ருக³யாம் ஸரயூவநே ।
ரதிர்ஹ்யேஷா(அ)துலா லோகே ராஜர்ஷிக³ணஸம்மதா ॥ 17 ॥

ஸ தமத்⁴வாநமைக்ஷ்வாக꞉ ஸூதம் மது⁴ரயா கி³ரா ।
தந்தமர்த²மபி⁴ப்ரேத்ய யயௌ வாக்யமுதீ³ரயந் ॥ 18 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஏகோநபஞ்சாஶ꞉ ஸர்க³꞉ ॥ 49 ॥

அயோத்⁴யாகாண்ட³ பஞ்சாஶ꞉ ஸர்க³꞉ (50) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.