Ayodhya Kanda Sarga 115 – அயோத்⁴யாகாண்ட³ பஞ்சத³ஶோத்தரஶததம꞉ ஸர்க³꞉ (115)


॥ நந்தி³க்³ராமநிவாஸ꞉ ॥

ததோ நிக்ஷிப்ய மாத்ரூ꞉ ஸ அயோத்⁴யாயாம் த்³ருட⁴வ்ரத꞉ ।
ப⁴ரத꞉ ஶோகஸந்தப்தோ கு³ரூநித³மதா²ப்³ரவீத் ॥ 1 ॥

நந்தி³க்³ராமம் க³மிஷ்யாமி ஸர்வாநாமந்த்ரயே(அ)த்³ய வ꞉ ।
தத்ர து³꞉க²மித³ம் ஸர்வம் ஸஹிஷ்யே ராக⁴வம் விநா ॥ 2 ॥

க³தஶ்ச ஹி தி³வம் ராஜா வநஸ்த²ஶ்ச கு³ருர்மம ।
ராமம் ப்ரதீக்ஷே ராஜ்யாய ஸ ஹி ராஜா மஹாயஶா꞉ ॥ 3 ॥

ஏதச்ச்²ருத்வா ஶுப⁴ம் வாக்யம் ப⁴ரதஸ்ய மஹாத்மந꞉ ।
அப்³ருவந் மந்த்ரிண꞉ ஸர்வே வஸிஷ்ட²ஶ்ச புரோஹித꞉ ॥ 4 ॥

ஸுப்⁴ருஶம் ஶ்லாக⁴நீயம் ச யது³க்தம் ப⁴ரத த்வயா ।
வசநம் ப்⁴ராத்ருவாத்ஸல்யாத³நுரூபம் தவைவ தத் ॥ 5 ॥

நித்யம் தே ப³ந்து⁴ளுப்³த⁴ஸ்ய திஷ்ட²தோ ப்⁴ராத்ருஸௌஹ்ருதே³ ।
ஆர்யமார்க³ம் ப்ரபந்நஸ்ய நாநுமந்யேத க꞉ புமாந் ॥ 6 ॥

மந்த்ரிணாம் வசநம் ஶ்ருத்வா யதா²(அ)பி⁴லஷிதம் ப்ரியம் ।
அப்³ரவீத்ஸாரதி²ம் வாக்யம் ரதோ² மே யுஜ்யதாமிதி ॥ 7 ॥

ப்ரஹ்ருஷ்டவத³ந꞉ ஸர்வா மாத்ரூஸ்ஸமபி⁴வாத்³ய ஸ꞉ ।
ஆருரோஹ ரத²ம் ஶ்ரீமாந் ஶத்ருக்⁴நேந ஸமந்வித꞉ ॥ 8 ॥

ஆருஹ்ய ச ரத²ம் ஶீக்⁴ரம் ஶத்ருக்⁴நப⁴ரதாவுபௌ⁴ ।
யயது꞉ பரமப்ரீதௌ வ்ருதௌ மந்த்ரிபுரோஹிதை꞉ ॥ 9 ॥

அக்³ரதோ கு³ரவஸ்தத்ர வஸிஷ்ட²ப்ரமுகா² த்³விஜா꞉ ।
ப்ரயயு꞉ ப்ராங்முகா²꞉ ஸர்வே நந்தி³க்³ராமோ யதோ(அ)ப⁴வத் ॥ 10 ॥

ப³லம் ச தத³நாஹூதம் க³ஜாஶ்வரத²ஸங்குலம் ।
ப்ரயயௌ ப⁴ரதே யாதே ஸர்வே ச புரவாஸிந꞉ ॥ 11 ॥

ரத²ஸ்த²꞉ ஸ ஹி த⁴ர்மாத்மா ப⁴ரதோ ப்⁴ராத்ருவத்ஸல꞉ ।
நந்தி³க்³ராமம் யயௌ தூர்ணம் ஶிரஸ்யாதா⁴ய பாது³கே ॥ 12 ॥

ததஸ்து ப⁴ரத꞉ க்ஷிப்ரம் நந்தி³க்³ராமம் ப்ரவிஶ்ய ஸ꞉ ।
அவதீர்ய ரதா²த்தூர்ணம் கு³ரூநித³முவாச ஹ ॥ 13 ॥

ஏதத்³ராஜ்யம் மம ப்⁴ராத்ரா த³த்தம் ஸந்ந்யாஸவத் ஸ்வயம் ।
யோக³க்ஷேமவஹே சேமே பாது³கே ஹேமபூ⁴ஷிதே ॥ 14 ॥

ப⁴ரத꞉ ஶிரஸா க்ருத்வா ஸந்ந்யாஸம் பாது³கே தத꞉ ।
அப்³ரவீத்³து³꞉க²ஸந்தப்த꞉ ஸர்வம் ப்ரக்ருதிமண்ட³லம் ॥ 15 ॥

ச²த்ரம் தா⁴ரயத க்ஷிப்ரமார்யபாதா³விமௌ மதௌ ।
ஆப்⁴யாம் ராஜ்யே ஸ்தி²தோ த⁴ர்ம꞉ பாது³காப்⁴யாம் கு³ரோர்மம ॥ 16 ॥

ப்⁴ராத்ரா ஹி மயி ஸந்ந்யாஸோ நிக்ஷிப்த꞉ ஸௌஹ்ருதா³த³யம் ।
தமிமம் பாலயிஷ்யாமி ராக⁴வாக³மநம் ப்ரதி ॥ 17 ॥

க்ஷிப்ரம் ஸம்யோஜயித்வா து ராக⁴வஸ்ய புந꞉ ஸ்வயம் ।
சரணௌ தௌ து ராமஸ்ய த்³ரக்ஷ்யாமி ஸஹபாது³கௌ ॥ 18 ॥

ததோ நிக்ஷிப்தபா⁴ரோ(அ)ஹம் ராக⁴வேண ஸமாக³த꞉ ।
நிவேத்³ய கு³ரவே ராஜ்யம் ப⁴ஜிஷ்யே கு³ருவ்ருத்திதாம் ॥ 19 ॥

ராக⁴வாய ச ஸந்ந்யாஸம் த³த்த்வே மே வரபாது³கே ।
ராஜ்யம் சேத³மயோத்⁴யாம் ச தூ⁴தபாபோ ப⁴வாமி ச ॥ 20 ॥

அபி⁴ஷிக்தே து காகுத்ஸ்தே² ப்ரஹ்ருஷ்டமுதி³தே ஜநே ।
ப்ரீதிர்மம யஶஶ்சைவ ப⁴வேத்³ராஜ்யாச்சதுர்கு³ணம் ॥ 21 ॥

ஏவம் து விளபந் தீ³நோ ப⁴ரத꞉ ஸ மஹாயஶா꞉ ।
நந்தி³க்³ராமே(அ)கரோத்³ராஜ்யம் து³꞉கி²தோ மந்த்ரிபி⁴꞉ ஸஹ ॥ 22 ॥

ஸ வல்கலஜடாதா⁴ரீ முநிவேஷத⁴ர꞉ ப்ரபு⁴꞉ ।
நந்தி³க்³ராமே(அ)வஸத்³வீர꞉ ஸஸைந்யோ ப⁴ரதஸ்ததா³ ॥ 23 ॥

ராமாக³மநமாகாங்க்ஷந் ப⁴ரதோ ப்⁴ராத்ருவத்ஸல꞉ ।
ப்⁴ராதுர்வசநகாரீ ச ப்ரதிஜ்ஞாபாரக³ஸ்ததா² ॥ 24 ॥

பாது³கே த்வபி⁴ஷிச்யாத² நந்த்³ரிக்³ராமே(அ)வஸத்ததா³ ।
ப⁴ரத꞉ ஶாஸநம் ஸர்வம் பாது³காப்⁴யாம் ந்யவேத³யத் ॥ 25 ॥

ததஸ்து ப⁴ரத꞉ ஶ்ரீமாநபி⁴ஷிச்யார்யபாது³கே ।
தத³தீ⁴நஸ்ததா³ ராஜ்யம் காரயாமாஸ ஸர்வதா³ ॥ 26 ॥

ததா³ ஹி யத்கார்ய்யமுபைதி கிஞ்சித்
உபாயநம் சோபஹ்ருதம் மஹார்ஹம் ।
ஸ பாது³காப்⁴யாம் ப்ரத²மம் நிவேத்³ய
சகார பஶ்சாத்³ப⁴ரதோ யதா²வத் ॥ 27 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ பஞ்சத³ஶோத்தரஶததம꞉ ஸர்க³꞉ ॥ 115 ॥

அயோத்⁴யாகாண்ட³ ஷோட³ஶோத்தரஶததம꞉ ஸர்க³꞉ (116) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed