Aranya Kanda Sarga 65 – அரண்யகாண்டே³ பஞ்சஷஷ்டி²தம꞉ ஸர்க³꞉ (65)

॥ க்ரோத⁴ஸம்ஹாரப்ரார்த²நா ॥

தப்யமாநம் ததா² ராமம் ஸீதாஹரணகர்ஶிதம் ।
லோகாநாமப⁴வே யுக்தம் ஸாம்வர்தகமிவாநலம் ॥ 1 ॥

வீக்ஷமாணம் த⁴நு꞉ ஸஜ்யம் நி꞉ஶ்வஸந்தம் புந꞉ புந꞉ ।
த³க்³து⁴காமம் ஜக³த்ஸர்வம் யுகா³ந்தே ச யதா² ஹரம் ॥ 2 ॥

அத்³ருஷ்டபூர்வம் ஸங்க்ருத்³த⁴ம் த்³ருஷ்ட்வா ராமம் து லக்ஷ்மண꞉ ।
அப்³ரவீத்ப்ராஞ்ஜலிர்வாக்யம் முகே²ந பரிஶுஷ்யதா ॥ 3 ॥

புரா பூ⁴த்வா ம்ருது³ர்தா³ந்த꞉ ஸர்வபூ⁴தஹிதே ரத꞉ ।
ந க்ரோத⁴வஶமாபந்ந꞉ ப்ரக்ருதிம் ஹாதுமர்ஹஸி ॥ 4 ॥

சந்த்³ரே லக்ஷ்மீ꞉ ப்ரபா⁴ ஸூர்யே க³திர்வாயௌ பு⁴வி க்ஷமா ।
ஏதச்ச நியதம் ஸர்வம் த்வயி சாநுத்தமம் யஶ꞉ ॥ 5 ॥

ஏகஸ்ய நாபராதே⁴ந லோகாந்ஹந்தும் த்வமர்ஹஸி ।
ந து ஜாநாமி கஸ்யாயம் ப⁴க்³ந꞉ ஸாங்க்³ராமிகோ ரத²꞉ ॥ 6 ॥

கேந வா கஸ்ய வா ஹேதோ꞉ ஸாயுத⁴꞉ ஸபரிச்ச²த³꞉ ।
கு²ரநேமிக்ஷதஶ்சாயம் ஸிக்தோ ருதி⁴ரபி³ந்து³பி⁴꞉ ॥ 7 ॥

தே³ஶோ நிவ்ருத்தஸங்க்³ராம꞉ ஸுகோ⁴ர꞉ பார்தி²வாத்மஜ ।
ஏகஸ்ய து விமர்தோ³(அ)யம் ந த்³வயோர்வத³தாம் வர ॥ 8 ॥

ந ஹி வ்ருத்தம் ஹி பஶ்யாமி ப³லஸ்ய மஹத꞉ பத³ம் ।
நைகஸ்ய து க்ருதே லோகாந்விநாஶயிதுமர்ஹஸி ॥ 9 ॥

யுக்தத³ண்டா³ ஹி ம்ருத³வ꞉ ப்ரஶாந்தா வஸுதா⁴தி⁴பா꞉ ।
ஸதா³ த்வம் ஸர்வபூ⁴தாநாம் ஶரண்ய꞉ பரமா க³தி꞉ ॥ 10 ॥

கோ நு தா³ரப்ரணாஶம் தே ஸாது⁴ மந்யேத ராக⁴வ ।
ஸரித꞉ ஸாக³ரா꞉ ஶைலா தே³வக³ந்த⁴ர்வதா³நவா꞉ ॥ 11 ॥

நாலம் தே விப்ரியம் கர்தும் தீ³க்ஷிதஸ்யேவ ஸாத⁴வ꞉ ।
யேந ராஜந்ஹ்ருதா ஸீதா தமந்வேஷிதுமர்ஹஸி ॥ 12 ॥

மத்³த்³விதீயோ த⁴நுஷ்பாணி꞉ ஸஹாயை꞉ பரமர்ஷிபி⁴꞉ ।
ஸமுத்³ரம் ச விசேஷ்யாம꞉ பர்வதாம்ஶ்ச வநாநி ச ॥ 13 ॥

கு³ஹாஶ்ச விவிதா⁴ கோ⁴ரா꞉ நதீ³꞉ பத்³மவநாநி ச ।
தே³வக³ந்த⁴ர்வலோகாம்ஶ்ச விசேஷ்யாம꞉ ஸமாஹிதா꞉ ॥ 14 ॥

யாவந்நாதி⁴க³மிஷ்யாமஸ்தவ பா⁴ர்யாபஹாரிணம் ।
ந சேத்ஸாம்நா ப்ரதா³ஸ்யந்தி பத்நீம் தே த்ரித³ஶேஶ்வரா꞉ ।
கோஸலேந்த்³ர தத꞉ பஶ்சாத்ப்ராப்தகாலம் கரிஷ்யஸி ॥ 15 ॥

ஶீலேந ஸாம்நா விநயேந ஸீதாம்
நயேந ந ப்ராப்ஸ்யஸி சேந்நரேந்த்³ர ।
தத꞉ ஸமுத்ஸாத³ய ஹேமபுங்கை²-
-ர்மஹேந்த்³ரவஜ்ரப்ரதிமை꞉ ஶரௌகை⁴꞉ ॥ 16 ॥

இத்யார்ஷே ஶ்ரீமத்³ராமாயணே வால்மீகியே ஆதி³காவ்யே அரண்யகாண்டே³ பஞ்சஷஷ்டி²தம꞉ ஸர்க³꞉ ॥ 65 ॥

அரண்யகாண்டே³ ஷட்ஷஷ்டி²தம꞉ ஸர்க³꞉ (66) >>

Facebook Comments

You may also like...

error: Not allowed
%d bloggers like this: