Aranya Kanda Sarga 39 – அரண்யகாண்ட³ ஏகோநசத்வாரிம்ஶ꞉ ஸர்க³꞉ (39)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகோநசத்வாரிம்ஶ꞉ ஸர்க³꞉ (39)

॥ ஸாஹாய்யகாநப்⁴யுபக³ம꞉ ॥

ஏவமஸ்மி ததா³ முக்த꞉ கத²ஞ்சித்தேந ஸம்யுகே³ ।
இதா³நீமபி யத்³வ்ருத்தம் தச்ச்²ருணுஷ்வ நிருத்தரம் ॥ 1 ॥

ராக்ஷஸாப்⁴யாமஹம் த்³வாப்⁴யாமநிர்விண்ணஸ்ததா² க்ருத꞉ ।
ஸஹிதோ ம்ருக³ரூபாப்⁴யாம் ப்ரவிஷ்டோ த³ண்ட³காவநம் ॥ 2 ॥

தீ³ப்தஜிஹ்வோ மஹாகாயஸ்தீக்ஷ்ணத³ம்ஷ்ட்ரோ மஹாப³ல꞉ ।
வ்யசரம் த³ண்ட³காரண்யம் மாம்ஸப⁴க்ஷோ மஹாம்ருக³꞉ ॥ 3 ॥

அக்³நிஹோத்ரேஷு தீர்தே²ஷு சைத்யவ்ருக்ஷேஷு ராவண ।
அத்யந்தகோ⁴ரோ வ்யசரம் தாபஸாந் ஸம்ப்ரத⁴ர்ஷயந் ॥ 4 ॥

நிஹத்ய த³ண்ட³காரண்யே தாபஸாந் த⁴ர்மசரிண꞉ ।
ருதி⁴ராணி பிப³ந்தஸ்தேஷாம் ததா² மாம்ஸாநி ப⁴க்ஷயந் ॥ 5 ॥

ருஷிமாம்ஸாஶந꞉ க்ரூரஸ்த்ராஸயந் வநகோ³சராந் ।
ததா² ருதி⁴ரமத்தோ(அ)ஹம் விசரந் த⁴ர்மதூ³ஷக꞉ ॥ 6 ॥

ஆஸாத³யம் ததா³ ராமம் தாபஸம் த⁴ர்மசாரிணம் ।
வைதே³ஹீம் ச மஹாபா⁴கா³ம் லக்ஷ்மணம் ச மஹரத²ம் ॥ 7 ॥

தாபஸம் நியதாஹாரம் ஸர்வபூ⁴தஹிதே ரதம் ।
ஸோ(அ)ஹம் வநக³தம் ராமம் பரிபூ⁴ய மஹாப³லம் ॥ 8 ॥

தாபஸோ(அ)யமிதி ஜ்ஞாத்வா பூர்வவைரமநுஸ்மரந் ।
அப்⁴யதா⁴வம் ஹி ஸங்க்ருத்³த⁴ஸ்தீக்ஷ்ணஶ்ருங்கோ³ ம்ருகா³க்ருதி꞉ ॥ 9 ॥

ஜிகா⁴ம்ஸுரக்ருதப்ரஜ்ஞஸ்தம் ப்ரஹாரமநுஸ்மரந் ।
தேந முக்தாஸ்த்ரயோ பா³ணா꞉ ஶிதா꞉ ஶத்ருநிப³ர்ஹணா꞉ ॥ 10 ॥

விக்ருஷ்ய ப³லவச்சாபம் ஸுபர்ணாநிலநிஸ்வநா꞉ ।
தே பா³ணா வஜ்ரஸங்காஶா꞉ ஸுமுக்தா ரக்தபோ⁴ஜநா꞉ ॥ 11 ॥

ஆஜக்³மு꞉ ஸஹிதா꞉ ஸர்வே த்ரய꞉ ஸந்நதபர்வண꞉ ।
பராக்ரமஜ்ஞோ ராமஸ்ய ஶரோ த்³ருஷ்டப⁴ய꞉ புரா ॥ 12 ॥

ஸமுத்³ப்⁴ராந்தஸ்ததோ முக்தஸ்தாவுபௌ⁴ ராக்ஷஸௌ ஹதௌ ।
ஶரேண முக்தோ ராமஸ்ய கத²ஞ்சித்ப்ராப்ய ஜீவிதம் ॥ 13 ॥

இஹ ப்ரவ்ராஜிதோ யுக்தஸ்தாபஸோ(அ)ஹம் ஸமாஹித꞉ ।
வ்ருக்ஷே வ்ருக்ஷே ச பஶ்யாமி சீரக்ருஷ்ணாஜிநாம்ப³ரம் ॥ 14 ॥

க்³ருஹீதத⁴நுஷம் ராமம் பாஶஹஸ்தமிவாந்தகம் ।
அபி ராமஸஹஸ்ராணி பீ⁴த꞉ பஶ்யாமி ராவண ॥ 15 ॥

ராமபூ⁴தமித³ம் ஸர்வமரண்யம் ப்ரதிபா⁴தி மே ।
ராமமேவ ஹி பஶ்யாமி ரஹிதே ராக்ஷஸாதி⁴ப ॥ 16 ॥

த்³ருஷ்ட்வா ஸ்வப்நக³தம் ராமமுத்³ப்⁴ரமாமி விசேதந꞉ ।
ரகாராதீ³நி நாமாநி ராமத்ரஸ்தஸ்ய ராவண ॥ 17 ॥

ரத்நாநி ச ரதா²ஶ்சைவ த்ராஸம் ஸஞ்ஜநயந்தி மே ।
அஹம் தஸ்ய ப்ரபா⁴வஜ்ஞோ ந யுத்³த⁴ம் தேந தே க்ஷமம் ॥ 18 ॥

ப³லிம் வா நமுசிம் வா(அ)பி ஹந்யாத்³தி⁴ ரகு⁴நந்த³ந꞉ ।
ரணே ராமேண யுத்³த்⁴யஸ்வ க்ஷமாம் வா குரு ராக்ஷஸ ॥ 19 ॥

ந தே ராமகதா² கார்யா யதி³ மாம் த்³ரஷ்டுமிச்ச²ஸி ।
ப³ஹவ꞉ ஸாத⁴வோ லோகே யுக்தா த⁴ர்மமநுஷ்டி²தா꞉ ॥ 20 ॥

பரேஷாமபராதே⁴ந விநஷ்டா꞉ ஸபரிச்ச²தா³꞉ ।
ஸோ(அ)ஹம் தவாபராதே⁴ந விநாஶ்யேயம் நிஶாசர ॥ 21 ॥

குரு யத்தே க்ஷமம் தத்த்வமஹம் த்வாம் நாநுயாமி ஹ ।
ராமஶ்ச ஹி மஹாதேஜா மஹாஸத்த்வோ மஹாப³ல꞉ ॥ 22 ॥

அபி ராக்ஷஸலோகஸ்ய ந ப⁴வேத³ந்தகோ ஹி ஸ꞉ ।
யதி³ ஶூர்பணகா²ஹேதோர்ஜநஸ்தா²நக³த꞉ க²ர꞉ ॥ 23 ॥

அதிவ்ருத்தோ ஹத꞉ பூர்வம் ராமேணாக்லிஷ்டகர்மணா ।
அத்ர ப்³ரூஹி யதா²தத்த்வம் கோ ராமஸ்ய வ்யதிக்ரம꞉ ॥ 24 ॥

இத³ம் வசோ ப³ந்து⁴ஹிதார்தி²நா மயா
யதோ²ச்யமாநம் யதி³ நாபி⁴பத்ஸ்யஸே ।
ஸபா³ந்த⁴வஸ்த்யக்ஷ்யஸி ஜீவிதம் ரணே
ஹதோ(அ)த்³ய ராமேண ஶரைரஜிஹ்மகை³꞉ ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகோநசத்வாரிம்ஶஸ்ஸர்க³꞉ ॥ 39 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.