Aranya Kanda Sarga 31 – அரண்யகாண்ட³ ஏகத்ரிம்ஶ꞉ ஸர்க³꞉ (31)


॥ ராவணக²ரவ்ருத்தோபலம்ப⁴꞉ ॥

த்வரமணஸ்ததோ க³த்வா ஜநஸ்தா²நாத³கம்பந꞉ ।
ப்ரவிஶ்ய லங்காம் வேகே³ந ராவணம் வாக்யமப்³ரவீத் ॥ 1 ॥

ஜநஸ்தா²நஸ்தி²தா ராஜந் ராக்ஷஸா ப³ஹவோ ஹதா꞉ ।
க²ரஶ்ச நிஹத꞉ ஸங்க்²யே கத²ஞ்சித³ஹமாக³த꞉ ॥ 2 ॥

ஏவமுக்தோ த³ஶக்³ரீவ꞉ க்ருத்³த⁴꞉ ஸம்ரக்தலோசந꞉ ।
அகம்பநமுவாசேத³ம் நிர்த³ஹந்நிவ சக்ஷுஷா ॥ 3 ॥

கேந ரம்யாம் ஜநஸ்தா²நம் ஹதம் மம பராஸுநா ।
கோ ஹி ஸர்வேஷு லோகேஷு க³திம் சாதி⁴க³மிஷ்யதி ॥ 4 ॥

ந ஹி மே விப்ரியம் க்ருத்வா ஶக்யம் மக⁴வதா ஸுக²ம் ।
ப்ராப்தும் வைஶ்ரவணேநாபி ந யமேந ந விஷ்ணுநா ॥ 5 ॥

காலஸ்ய சாப்யஹம் காலோ த³ஹேயமபி பாவகம் ।
ம்ருத்யும் மரணத⁴ர்மேண ஸம்யோஜயிதுமுத்ஸஹே ॥ 6 ॥

த³ஹேயமபி ஸங்க்ருத்³த⁴ஸ்தேஜஸா(ஆ)தி³த்யபாவகௌ ।
வாதஸ்ய தரஸா வேக³ம் நிஹந்துமஹமுத்ஸஹே ॥ 7 ॥

ததா² க்ருத்³த⁴ம் த³ஶக்³ரீவம் க்ருதாஞ்ஜலிரகம்பந꞉ ।
ப⁴யாத் ஸந்தி³க்³த⁴யா வாசா ராவணம் யாசதே(அ)ப⁴யம் ॥ 8 ॥

த³ஶக்³ரீவோ(அ)ப⁴யம் தஸ்மை ப்ரத³தௌ³ ரக்ஷஸாம் வர꞉ ।
ஸ விஶ்ரப்³தோ⁴(அ)ப்³ரவீத்³வாக்யமஸந்தி³க்³த⁴மகம்பந꞉ ॥ 9 ॥

புத்ரோ த³ஶரத²ஸ்யாஸ்தி ஸிம்ஹஸம்ஹநநோ யுவா ।
ராமோ நாம வ்ருஷஸ்கந்தோ⁴ வ்ருத்தாயதமஹாபு⁴ஜ꞉ ॥ 10 ॥

வீர꞉ ப்ருது²யஶா꞉ ஶ்ரீமாநதுல்யப³லவிக்ரம꞉ ।
ஹதம் தேந ஜநஸ்தா²நம் க²ரஶ்ச ஸஹதூ³ஷண꞉ ॥ 11 ॥

அகம்பநவச꞉ ஶ்ருத்வா ராவணோ ராக்ஷஸாதி⁴ப꞉ ।
நாகே³ந்த்³ர இவ நி꞉ஶ்வஸ்ய வசநம் சேத³மப்³ரவீத் ॥ 12 ॥

ஸ ஸுரேந்த்³ரேண ஸம்யுக்தோ ராம꞉ ஸர்வாமரை꞉ ஸஹ ।
உபயாதோ ஜநஸ்தா²நம் ப்³ரூஹி கச்சித³கம்பந ॥ 13 ॥

ராவணஸ்ய புநர்வாக்யம் நிஶம்ய தத³கம்பந꞉ ।
ஆசசக்ஷே ப³லம் தஸ்ய விக்ரமம் ச மஹாத்மந꞉ ॥ 14 ॥

ராமோ நாம மஹாதேஜா꞉ ஶ்ரேஷ்ட²꞉ ஸர்வத⁴நுஷ்மதாம் ।
தி³வ்யாஸ்த்ரகு³ணஸம்பந்ந꞉ புரந்த⁴ரஸமோ யுதி⁴ ॥ 15 ॥

தஸ்யாநுரூபோ ப³லவாந் ரக்தாக்ஷோ து³ந்து³பி⁴ஸ்வந꞉ ।
கநீயாந் லக்ஷ்மணோ நாம ப்⁴ராதா ஶஶிநிபா⁴நந꞉ ॥ 16 ॥

ஸ தேந ஸஹ ஸம்யுக்த꞉ பாவகேநாநிலோ யதா² ।
ஶ்ரீமாந்ராஜவரஸ்தேந ஜநஸ்தா²நம் நிபாதிதம் ॥ 17 ॥

நைவ தே³வா மஹத்மாநோ நாத்ர கார்யா விசாரணா ।
ஶரா ராமேண தூத்ஸ்ருஷ்டா ருக்மபுங்கா²꞉ பதத்ரிண꞉ ॥ 18 ॥

ஸர்பா꞉ பஞ்சாநநா பூ⁴த்வா ப⁴க்ஷயந்தி ஸ்ம ராக்ஷஸாந் ।
யேந யேந ச க³ச்ச²ந்தி ராக்ஷஸா ப⁴யகர்ஶிதா꞉ ॥ 19 ॥

தேந தேந ஸ்ம பஶ்யந்தி ராமமேவாக்³ரத꞉ ஸ்தி²தம் ।
இத்த²ம் விநாஶிதம் தேந ஜநஸ்தா²நம் தவாநக⁴ ॥ 20 ॥

அகம்பநவச꞉ ஶ்ருத்வா ராவணோ வாக்யமப்³ரவீத் ।
ஜநஸ்தா²நம் க³மிஷ்யாமி ஹந்தும் ராமம் ஸலக்ஷ்மணம் ॥ 21 ॥

அதை²வமுக்தே வசநே ப்ரோவாசேத³மகம்பந꞉ ।
ஶ்ருணு ராஜந்யதா²வ்ருத்தம் ராமஸ்ய ப³லபௌருஷம் ॥ 22 ॥

அஸாத்⁴ய꞉ குபிதோ ராமோ விக்ரமேண மஹாயஶா꞉ ।
ஆபகா³யா꞉ ஸுபூர்ணாயா வேக³ம் பரிஹரேச்ச²ரை꞉ ॥ 23 ॥

ஸதாராக்³ரஹநக்ஷத்ரம் நப⁴ஶ்சாப்யவஸாத³யேத் ।
அஸௌ ராமஸ்து மஜ்ஜந்தீம் ஶ்ரீமாநப்⁴யுத்³த⁴ரேந்மஹீம் ॥ 24 ॥

பி⁴த்த்வா வேலாம் ஸமுத்³ரஸ்ய லோகாநாப்லாவயேத்³விபு⁴꞉ ।
வேக³ம் வா(அ)பி ஸமுத்³ரஸ்ய வாயும் வா வித⁴மேச்ச²ரை꞉ ॥ 25 ॥

ஸம்ஹ்ருத்ய வா புநர்லோகாந் விக்ரமேண மஹாயஶா꞉ ।
ஶக்த꞉ ஸ புருஷவ்யாக்⁴ர꞉ ஸ்ரஷ்டும் புநரபி ப்ரஜா꞉ ॥ 26 ॥

ந ஹி ராமோ த³ஶக்³ரீவ ஶக்யோ ஜேதும் த்வயா யுதி⁴ ।
ரக்ஷஸாம் வா(அ)பி லோகேந ஸ்வர்க³꞉ பாபஜநைரிவ ॥ 27 ॥

ந தம் வத்⁴யமஹம் மந்யே ஸர்வைர்தே³வாஸுரைரபி ।
அயம் தஸ்ய வதோ⁴பாயஸ்தம் மமைகமநா꞉ ஶ்ருணு ॥ 28 ॥

பா⁴ர்யா தஸ்யோத்தமா லோகே ஸீதா நாம ஸுமத்⁴யமா ।
ஶ்யாமா ஸமவிப⁴க்தாங்கீ³ ஸ்த்ரீரத்நம் ரத்நபூ⁴ஷிதா ॥ 29 ॥

நைவ தே³வீ ந க³ந்த⁴ர்வீ நா(அ)ப்ஸரா நா(அ)பி தா³நவீ ।
துல்யா ஸீமந்திநீ தஸ்யா மாநுஷீஷு குதோ ப⁴வேத் ॥ 30 ॥

தஸ்யாபஹர பா⁴ர்யாம் த்வம் ப்ரமத்²ய து மஹாவநே ।
ஸீதயா ரஹித꞉ காமீ ராமோ ஹாஸ்யதி ஜீவிதம் ॥ 31 ॥

அரோசயத தத்³வாக்யம் ராவணோ ராக்ஷஸாதி⁴ப꞉ ।
சிந்தயித்வா மஹாபா³ஹுரகம்பநமுவாச ஹ ॥ 32 ॥

பா³ட⁴ம் கால்யம் க³மிஷ்யாமி ஹ்யேக꞉ ஸாரதி²நா ஸஹ ।
ஆநயிஷ்யாமி ச வைதே³ஹீமிமாம் ஹ்ருஷ்டோ மஹாபுரீம் ॥ 33 ॥

அதை²வமுக்த்வா ப்ரயயௌ க²ரயுக்தேந ராவண꞉ ।
ரதே²நாதி³த்யவர்ணேந தி³ஶ꞉ ஸர்வா꞉ ப்ரகாஶயந் ॥ 34 ॥

ஸ ரதோ² ராக்ஷஸேந்த்³ரஸ்ய நக்ஷத்ரபத²கோ³ மஹாந் ।
ஸஞ்சார்யமாண꞉ ஶுஶுபே⁴ ஜலதே³ சந்த்³ரமா இவ ॥ 35 ॥

ஸ மாரீசாஶ்ரமம் ப்ராப்ய தாடகேயமுபாக³மத் ।
மாரீசேநார்சிதோ ராஜா ப⁴க்ஷ்யபோ⁴ஜ்யைரமாநுஷை꞉ ॥ 36 ॥

தம் ஸ்வயம் பூஜயித்வா து ஆஸநேநோத³கேந ச ।
அர்தோ²பஹிதயா வாசா மாரீசோ வாக்யமப்³ரவீத் ॥ 37 ॥

கச்சித்ஸுகுஶலம் ராஜந் லோகாநாம் ராக்ஷஸேஶ்வர ।
ஆஶங்கே நாத² ஜாநே த்வம் யதஸ்தூர்ணமிஹாக³த꞉ ॥ 38 ॥

ஏவமுக்தோ மஹாதேஜா மாரீசேந ஸ ராவண꞉ ।
தத꞉ பஶ்சாதி³த³ம் வாக்யமப்³ரவீத்³வாக்யகோவித³꞉ ॥ 39 ॥

ஆரக்ஷோ மே ஹதஸ்தாத ராமேணாக்லிஷ்டகர்மணா ।
ஜநஸ்தா²நமவத்⁴யம் தத்ஸர்வம் யுதி⁴ நிபாதிதம் ॥ 40 ॥

தஸ்ய மே குரு ஸாசிவ்யம் தஸ்ய பா⁴ர்யாபஹாரணே ।
ராக்ஷஸேந்த்³ரவச꞉ ஶ்ருத்வா மாரீசோ வாக்யமப்³ரவீத் ॥ 41 ॥

ஆக்²யாதா கேந ஸீதா ஸா மித்ரரூபேண ஶத்ருணா ।
த்வயா ராக்ஷஸஶார்தூ³ள கோ ந நந்த³தி நிந்தி³த꞉ ॥ 42 ॥

ஸீதாமிஹாநயஸ்வேதி கோ ப்³ரவீதி ப்³ரவீஹி மே ।
ரக்ஷோலோகஸ்ய ஸர்வஸ்ய க꞉ ஶ்ருங்க³ம் சே²த்துமிச்ச²தி ॥ 43 ॥

ப்ரோத்ஸாஹயதி கஶ்சித்வாம் ஸ ஹி ஶத்ருரஸம்ஶய꞉ ।
ஆஶீவிஷமுகா²த³ம்ஷ்ட்ராமுத்³த⁴ர்தும் சேச்ச²தி த்வயா ॥ 44 ॥

கர்மணா தேந கேநா(அ)ஸி காபத²ம் ப்ரதிபாதி³த꞉ ।
ஸுக²ஸுப்தஸ்ய தே ராஜந் ப்ரஹ்ருதம் கேந மூர்த⁴நி ॥ 45 ॥

விஶுத்³த⁴வம்ஶாபி⁴ஜநாக்³ரஹஸ்த-
-ஸ்தேஜோமத³꞉ ஸம்ஸ்தி²ததோ³ர்விஷாண꞉ ।
உதீ³க்ஷிதும் ராவண நேஹ யுக்த꞉
ஸ ஸம்யுகே³ ராக⁴வக³ந்த⁴ஹஸ்தீ ॥ 46 ॥

அஸௌ ரணாந்த꞉ ஸ்தி²திஸந்தி⁴வாலோ
வித³க்³த⁴ரக்ஷோம்ருக³ஹா ந்ருஸிம்ஹ꞉ ।
ஸுப்தஸ்த்வயா போ³த⁴யிதும் ந யுக்த꞉
ஶராங்க³புர்ணோ நிஶிதாஸித³ம்ஷ்ட்ர꞉ ॥ 47 ॥

சாபாவஹாரே பு⁴ஜவேக³பங்கே
ஶரோர்மிமாலே ஸுமஹாஹவௌகே⁴ ।
ந ராமபாதாலமுகே²(அ)திகோ⁴ரே
ப்ரஸ்கந்தி³தும் ராக்ஷஸராஜ யுக்தம் ॥ 48 ॥

ப்ரஸீத³ லங்கேஶ்வர ராக்ஷஸேந்த்³ர
லங்காம் ப்ரஸந்நோ ப⁴வ ஸாது⁴ க³ச்ச² ।
த்வம் ஸ்வேஷு தா³ரேஷு ரமஸ்வ நித்யம்
ராம꞉ ஸபா⁴ர்யோ ரமதாம் வநேஷு ॥ 49 ॥

ஏவமுக்தோ த³ஶக்³ரீவோ மாரீசேந ஸ ராவண꞉ ।
ந்யவர்தத புரீம் லங்காம் விவேஶ ச க்³ருஹோத்தமம் ॥ 50 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகத்ரிம்ஶ꞉ ஸர்க³꞉ ॥ 31 ॥


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed