Aranya Kanda Sarga 29 – அரண்யகாண்ட³ ஏகோநத்ரிம்ஶ꞉ ஸர்க³꞉ (29)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகோநத்ரிம்ஶ꞉ ஸர்க³꞉ (29)

॥ க²ரக³தா³பே⁴த³நம் ॥

க²ரம் து விரத²ம் ராமோ க³தா³பாணிமவஸ்தி²தம் ।
ம்ருது³பூர்வம் மஹாதேஜா꞉ பருஷம் வாக்யமப்³ரவீத் ॥ 1 ॥

க³ஜாஶ்வரத²ஸம்பா³தே⁴ ப³லே மஹதி திஷ்ட²தா ।
க்ருதம் ஸுதா³ருணம் கர்ம ஸர்வலோகஜுகு³ப்ஸிதம் ॥ 2 ॥

உத்³வேஜநீயோ பூ⁴தாநாம் ந்ருஶம்ஸ꞉ பாபகர்மக்ருத் ।
த்ரயாணாமபி லோகாநாமீஶ்வரோபி ந திஷ்ட²தி ॥ 3 ॥

கர்ம லோகவிருத்³த⁴ம் து குர்வாணம் க்ஷணதா³சர ।
தீக்ஷ்ணம் ஸர்வஜநோ ஹந்தி ஸர்பம் து³ஷ்டமிவாக³தம் ॥ 4 ॥

லோபா⁴த்பாபாநி குர்வாண꞉ காமாத்³வா யோ ந பு³த்⁴யதே ।
ப்⁴ரஷ்டா꞉ பஶ்யதி தஸ்யாந்தம் ப்³ராஹ்மணீ கரகாதி³வ ॥ 5 ॥

வஸதோ த³ண்ட³காரண்யே தாபஸாந் த⁴ர்மசாரிண꞉ ।
கிம்நு ஹத்வா மஹாபா⁴கா³ந் ப²லம் ப்ராப்ஸ்யஸி ராக்ஷஸ ॥ 6 ॥

ந சிரம் பாபகர்மாண꞉ க்ரூரா லோகஜுகு³ப்ஸிதா꞉ ।
ஐஶ்வர்யம் ப்ராப்ய திஷ்ட²ந்தி ஶீர்ணமூலா இவ த்³ருமா꞉ ॥ 7 ॥

அவஶ்யம் லப⁴தே ஜந்து꞉ ப²லம் பாபஸ்ய கர்மண꞉ ।
கோ⁴ரம் பர்யாக³தே காலே த்³ருமா꞉ புஷ்பமிவார்தவம் ॥ 8 ॥

ந சிராத்ப்ராப்யதே லோகே பாபாநாம் கர்மணாம் ப²லம் ।
ஸவிஷாணாமிவாந்நாநாம் பு⁴க்தாநாம் க்ஷணதா³சர ॥ 9 ॥

பாபமாசரதாம் கோ⁴ரம் லோகஸ்யாப்ரியமிச்ச²தாம் ।
அஹமாஸாதி³தோ ராஜ்ஞா ப்ராணாந் ஹந்தும் நிஶாசர ॥ 10 ॥

அத்³ய ஹி த்வாம் மயா முக்தா꞉ ஶரா꞉ காஞ்சநபூ⁴ஷணா꞉ ।
விதா³ர்ய நிபதிஷ்யந்தி வல்மீகமிவ பந்நகா³꞉ ॥ 11 ॥

யே த்வயா த³ண்ட³காரண்யே ப⁴க்ஷிதா த⁴ர்மசாரிண꞉ ।
தாநத்³ய நிஹத꞉ ஸங்க்²யே ஸஸைந்யோ(அ)நுக³மிஷ்யஸி ॥ 12 ॥

அத்³ய த்வாம் விஹதம் பா³ணை꞉ பஶ்யந்து பரமர்ஷய꞉ ।
நிரயஸ்த²ம் விமாநஸ்தா² யே த்வயா ஹிம்ஸிதா꞉ புரா ॥ 13 ॥

ப்ரஹர த்வம் யதா²காமம் குரு யத்நம் குலாத⁴ம ।
அத்³ய தே பாதயிஷ்யாமி ஶிரஸ்தாலப²லம் யதா² ॥ 14 ॥

ஏவமுக்தஸ்து ராமேண க்ருத்³த⁴꞉ ஸம்ரக்தலோசந꞉ ।
ப்ரத்யுவாச க²ரோ ராமம் ப்ரஹஸந் க்ரோத⁴மூர்சி²த꞉ ॥ 15 ॥

ப்ராக்ருதாந் ராக்ஷஸாந் ஹத்வா யுத்³தே⁴ த³ஶரதா²த்மஜ ।
ஆத்மநா கத²மாத்மாநமப்ரஶஸ்யம் ப்ரஶம்ஸஸி ॥ 16 ॥

விக்ராந்தா ப³லவந்தோ வா யே ப⁴வந்தி நரர்ஷபா⁴꞉ ।
கத²யந்தி ந தே கிஞ்சித்தேஜஸா ஸ்வேந க³ர்விதா꞉ ॥ 17 ॥

ப்ராக்ருதாஸ்த்வக்ருதாத்மாநோ லோகே க்ஷத்ரியபாம்ஸநா꞉ ।
நிரர்த²கம் விகத்த²ந்தே யதா² ராம விகத்த²ஸே ॥ 18 ॥

குலம் வ்யபதி³ஶந்வீர꞉ ஸமரே கோ(அ)பி⁴தா⁴ஸ்யதி ।
ம்ருத்யுகாலே ஹி ஸம்ப்ராப்தே ஸ்வயமப்ரஸ்தவே ஸ்தவம் ॥ 19 ॥

ஸர்வதை²வ லகு⁴த்வம் தே கத்த²நேந வித³ர்ஶிதம் ।
ஸுவர்ணப்ரதிரூபேண தப்தேநேவ குஶாக்³நிநா ॥ 20 ॥

ந து மாமிஹ திஷ்ட²ந்தம் பஶ்யஸி த்வம் க³தா³த⁴ரம் ।
த⁴ராத⁴ரமிவாகம்ப்யம் பர்வதம் தா⁴துபி⁴ஶ்சிதம் ॥ 21 ॥

பர்யாப்தோ(அ)ஹம் க³தா³பாணிர்ஹந்தும் ப்ராணாந்ரணே தவ ।
த்ரயாணாமபி லோகாநாம் பாஶஹஸ்த இவாந்தக꞉ ॥ 22 ॥

காமம் ப³ஹ்வபி வக்தவ்யம் த்வயி வக்ஷ்யாமி ந த்வஹம் ।
அஸ்தம் க³ச்சே²த்³தி⁴ ஸவிதா யுத்³த⁴விக்⁴நஸ்ததோ ப⁴வேத் ॥ 23 ॥

சதுர்த³ஶ ஸஹஸ்ராணி ராக்ஷஸாநாம் ஹதாநி தே ।
த்வத்³விநாஶாத்கரோம்யேஷ தேஷாமஸ்ரப்ரமார்ஜநம் ॥ 24 ॥

இத்யுக்த்வா பரமக்ருத்³த⁴ஸ்தாம் க³தா³ம் பரமாங்க³த³꞉ ।
க²ரஶ்சிக்ஷேப ராமாய ப்ரதீ³ப்தாமஶநிம் யதா² ॥ 25 ॥

க²ரபா³ஹுப்ரமுக்தா ஸா ப்ரதீ³ப்தா மஹதீ க³தா³ ।
ப⁴ஸ்ம வ்ருக்ஷாம்ஶ்ச கு³ள்மாம்ஶ்ச க்ருத்வா(அ)கா³த்தத்ஸமீபத꞉ ॥ 26 ॥

தாமாபதந்தீம் ஜ்வலிதாம் ம்ருத்யுபாஶோபமாம் க³தா³ம் ।
அந்தரிக்ஷக³தாம் ராமஶ்சிச்சே²த³ ப³ஹுதா⁴ ஶரை꞉ ॥ 27 ॥

ஸா விகீர்ணா ஶரைர்ப⁴க்³நா பபாத த⁴ரணீதலே ।
க³தா³ மந்த்ரௌஷத⁴ப³லைர்வ்யாளீவ விநிபாதிதா ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகோநத்ரிம்ஶ꞉ ஸர்க³꞉ ॥ 29 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

---