Kishkindha Kanda Sarga 29 – கிஷ்கிந்தா⁴காண்ட³ ஏகோனத்ரிம்ஶ꞉ ஸர்க³꞉ (29)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகோனத்ரிம்ஶ꞉ ஸர்க³꞉ (29)

॥ ஹனுமத்ப்ரதிபோ³த⁴னம் ॥

ஸமீக்ஷ்ய விமலம் வ்யோம க³தவித்³யுத்³ப³லாஹகம் ।
ஸாரஸாரவஸங்கு⁴ஷ்டம் ரம்யஜ்யோத்ஸ்னானுலேபனம் ॥ 1 ॥

ஸம்ருத்³தா⁴ர்த²ம் ச ஸுக்³ரீவம் மந்த³த⁴ர்மார்த²ஸங்க்³ரஹம் ।
அத்யர்த²மஸதாம் மார்க³மேகாந்தக³தமானஸம் ॥ 2 ॥

நிர்வ்ருத்தகார்யம் ஸித்³தா⁴ர்த²ம் ப்ரமதா³பி⁴ரதம் ஸதா³ ।
ப்ராப்தவந்தமபி⁴ப்ரேதான் ஸர்வானேவ மனோரதா²ன் ॥ 3 ॥

ஸ்வாம் ச பத்னீமபி⁴ப்ரேதாம் தாராம் சாபி ஸமீப்ஸிதாம் ।
விஹரந்தமஹோராத்ரம் க்ருதார்த²ம் விக³தஜ்வரம் ॥ 4 ॥

க்ரீட³ந்தமிவ தே³வேந்த்³ரம் நந்த³னே(அ)ப்ஸரஸாம் க³ணை꞉ ।
மந்த்ரிஷு ந்யஸ்தகார்யம் ச மந்த்ரிணாமனவேக்ஷகம் ॥ 5 ॥

உத்ஸன்னராஜ்யஸந்தே³ஹம் காமவ்ருத்தமவஸ்தி²தம் ।
நிஶ்சிதார்தோ²(அ)ர்த²தத்த்வஜ்ஞ꞉ காலத⁴ர்மவிஶேஷவித் ॥ 6 ॥

ப்ரஸாத்³ய வாக்யைர்மது⁴ரைர்ஹேதுமத்³பி⁴ர்மனோரமை꞉ ।
வாக்யவித்³வாக்யதத்த்வஜ்ஞம் ஹரீஶம் மாருதாத்மஜ꞉ ॥ 7 ॥

ஹிதம் தத்த்வம் ச பத்²யம் ச ஸாமத⁴ர்மார்த²நீதிமத் ।
ப்ரணயப்ரீதிஸம்யுக்தம் விஶ்வாஸக்ருதநிஶ்சயம் ॥ 8 ॥

ஹரீஶ்வரமுபாக³ம்ய ஹனுமான் வாக்யமப்³ரவீத் ।
ராஜ்யம் ப்ராப்தம் யஶஶ்சைவ கௌலீ ஶ்ரீரபி வர்தி⁴தா ॥ 9 ॥

மித்ராணாம் ஸங்க்³ரஹ꞉ ஶேஷஸ்தம் ப⁴வான் கர்துமர்ஹதி ।
யோ ஹி மித்ரேஷு காலஜ்ஞ꞉ ஸததம் ஸாது⁴ வர்ததே ॥ 10 ॥

தஸ்ய ராஜ்யம் ச கீர்திஶ்ச ப்ரதாபஶ்சாபி⁴வர்த⁴தே ।
யஸ்ய கோஶஶ்ச த³ண்ட³ஶ்ச மித்ராண்யாத்மா ச பூ⁴மிப ॥ 11 ॥

ஸமவேதானி ஸர்வாணி ஸ ராஜ்யம் மஹத³ஶ்னுதே ।
தத்³ப⁴வான் வ்ருத்தஸம்பன்ன꞉ ஸ்தி²த꞉ பதி² நிரத்யயே ॥ 12 ॥

மித்ரார்த²மபி⁴னீதார்த²ம் யதா²வத்கர்துமர்ஹதி ।
ஸந்த்யஜ்ய ஸர்வகர்மாணி மித்ரார்தே² யோ(அ)னுவர்ததே ॥ 13 ॥

ஸம்ப்⁴ரமாத்³தி⁴ க்ருதோத்ஸாஹ꞉ ஸோ(அ)னர்தை²ர்னாவருத்⁴யதே ।
யஸ்து காலவ்யதீதேஷு மித்ரகார்யேஷு வர்ததே ॥ 14 ॥

ஸ க்ருத்வா மஹதோ(அ)ப்யர்தா²ன்ன மித்ரார்தே²ன யுஜ்யதே ।
யதி³த³ம் வீர கார்யம் நோ மித்ரகார்யமரிந்த³ம ॥ 15 ॥

க்ரியதாம் ராக⁴வஸ்யைதத்³வைதே³ஹ்யா꞉ பரிமார்க³ணம் ।
ந ச காலமதீதம் தே நிவேத³யதி காலவித் ॥ 16 ॥

த்வரமாணோ(அ)பி ஸன் ப்ராஜ்ஞஸ்தவ ராஜன் வஶானுக³꞉ ।
குலஸ்ய ஹேது꞉ ஸ்பீ²தஸ்ய தீ³ர்க⁴ப³ந்து⁴ஶ்ச ராக⁴வ꞉ ॥ 17 ॥

அப்ரமேயப்ரபா⁴வஶ்ச ஸ்வயம் சாப்ரதிமோ கு³ணை꞉ ।
தஸ்ய த்வம் குரு வை கார்யம் பூர்வம் தேன க்ருதம் தவ ॥ 18 ॥

ஹரீஶ்வர ஹரிஶ்ரேஷ்டா²னாஜ்ஞாபயிதுமர்ஹஸி ।
ந ஹி தாவத்³ப⁴வேத்காலோ வ்யதீதஶ்சேத³நாத்³ருதே ॥ 19 ॥

சோதி³தஸ்ய ஹி கார்யஸ்ய ப⁴வேத்காலவ்யதிக்ரம꞉ ।
அகர்துரபி கார்யஸ்ய ப⁴வான் கர்தா ஹரீஶ்வர ॥ 20 ॥

கிம் புன꞉ ப்ரதிகர்துஸ்தே ராஜ்யேன ச த⁴னேன ச ।
ஶக்திமானபி விக்ராந்தோ வானரர்க்ஷக³ணேஶ்வர ॥ 21 ॥

கர்தும் தா³ஶரதே²꞉ ப்ரீதிமாஜ்ஞாயாம் கிம் ந ஸஜ்ஜஸே ।
காமம் க²லு ஶரை꞉ ஶக்த꞉ ஸுராஸுரமஹோரகா³ன் ॥ 22 ॥

வஶே தா³ஶரதி²꞉ கர்தும் த்வத்ப்ரதிஜ்ஞாம் து காங்க்ஷதே ।
ப்ராணத்யாகா³விஶங்கேன க்ருதம் தேன தவ ப்ரியம் ॥ 23 ॥

தஸ்ய மார்கா³ம வைதே³ஹீம் ப்ருதி²வ்யாமபி சாம்ப³ரே ।
ந தே³வா ந ச க³ந்த⁴ர்வா நாஸுரா ந மருத்³க³ணா꞉ ॥ 24 ॥

ந ச யக்ஷா ப⁴யம் தஸ்ய குர்யு꞉ கிமுத ராக்ஷஸா꞉ ।
ததே³வம் ஶக்தியுக்தஸ்ய பூர்வம் ப்ரியக்ருதஸ்தவ ॥ 25 ॥

ராமஸ்யார்ஹஸி பிங்கே³ஶ கர்தும் ஸர்வாத்மனா ப்ரியம் ।
நாத⁴ஸ்தாத³வனௌ நாப்ஸு க³திர்னோபரி சாம்ப³ரே ॥ 26 ॥

கஸ்யசித்ஸஜ்ஜதே(அ)ஸ்மாகம் கபீஶ்வர தவாஜ்ஞயா ।
ததா³ஜ்ஞாபய க꞉ கிம் தே க்ருதே குத்ர வ்யவஸ்யது ॥ 27 ॥

ஹரயோ ஹ்யப்ரத்⁴ருஷ்யாஸ்தே ஸந்தி கோட்யக்³ரதோ(அ)னகா⁴꞉ ।
தஸ்ய தத்³வசனம் ஶ்ருத்வா காலே ஸாது⁴ நிவேதி³தம் ॥ 28 ॥

ஸுக்³ரீவ꞉ ஸத்த்வஸம்பன்னஶ்சகார மதிமுத்தமாம் ।
ஸ ஸந்தி³தே³ஶாபி⁴மதம் நீலம் நித்யக்ருதோத்³யமம் ॥ 29 ॥

தி³க்ஷு ஸர்வாஸு ஸர்வேஷாம் ஸைன்யாநாமுபஸங்க்³ரஹே ।
யதா² ஸேனா ஸமக்³ரா மே யூத²பாலாஶ்ச ஸர்வஶ꞉ ॥ 30 ॥

ஸமாக³ச்ச²ந்த்யஸங்கே³ன ஸேநாக்³ராணி ததா² குரு ।
யே த்வந்தபாலா꞉ ப்லவகா³꞉ ஶீக்⁴ரகா³ வ்யவஸாயின꞉ ॥ 31 ॥

ஸமானயந்து தே ஸைன்யம் த்வரிதா꞉ ஶாஸனான்மம ।
ஸ்வயம் சானந்தரம் ஸைன்யம் ப⁴வானேவானுபஶ்யது ॥ 32 ॥

த்ரிபஞ்சராத்ராதூ³ர்த்⁴வம் ய꞉ ப்ராப்னுயான்னேஹ வானர꞉ ।
தஸ்ய ப்ராணாந்திகோ த³ண்டோ³ நாத்ர கார்யா விசாரணா ॥ 33 ॥

ஹரீம்ஶ்ச வ்ருத்³தா⁴னுபயாது ஸாங்க³தோ³
ப⁴வான்மமாஜ்ஞாமதி⁴க்ருத்ய நிஶ்சிதாம் ।
இதி வ்யவஸ்தா²ம் ஹரிபுங்க³வேஶ்வரோ
விதா⁴ய வேஶ்ம ப்ரவிவேஶ வீர்யவான் ॥ 34 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகோனத்ரிம்ஶ꞉ ஸர்க³꞉ ॥ 29 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.