Kishkindha Kanda Sarga 27 – கிஷ்கிந்தா⁴காண்ட³ ஸப்தவிம்ஶ꞉ ஸர்க³꞉ (27)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஸப்தவிம்ஶ꞉ ஸர்க³꞉ (27)

॥ மால்யவந்நிவாஸ꞉ ॥

அபி⁴ஷிக்தே து ஸுக்³ரீவே ப்ரவிஷ்டே வானரே கு³ஹாம் ।
ஆஜகா³ம ஸஹ ப்⁴ராத்ரா ராம꞉ ப்ரஸ்ரவணம் கி³ரிம் ॥ 1 ॥

ஶார்தூ³ளம்ருக³ஸங்கு⁴ஷ்டம் ஸிம்ஹைர்பீ⁴மரவைர்வ்ருதம் ।
நாநாகு³ள்மலதாகூ³ட⁴ம் ப³ஹுபாத³பஸங்குலம் ॥ 2 ॥

ருக்ஷவாநரகோ³புச்சை²ர்மார்ஜாரைஶ்ச நிஷேவிதம் ।
மேக⁴ராஶினிப⁴ம் ஶைலம் நித்யம் ஶுசிஜலாஶ்ரயம் ॥ 3 ॥

தஸ்ய ஶைலஸ்ய ஶிக²ரே மஹதீமாயதாம் கு³ஹாம் ।
ப்ரத்யக்³ருஹ்ணத வாஸார்த²ம் ராம꞉ ஸௌமித்ரிணா ஸஹ ॥ 4 ॥

க்ருத்வா ச ஸமயம் ஸௌம்ய꞉ ஸுக்³ரீவேண ஸஹானக⁴꞉ ।
காலயுக்தம் மஹத்³வாக்யமுவாச ரகு⁴நந்த³ன꞉ ॥ 5 ॥

வினீதம் ப்⁴ராதரம் ப்⁴ராதா லக்ஷ்மணம் லக்ஷ்மிவர்த⁴னம் ।
இயம் கி³ரிகு³ஹா ரம்யா விஶாலா யுக்தமாருதா ॥ 6 ॥

அஸ்யாம் வஸாவ ஸௌமித்ரே வர்ஷராத்ரமரிந்த³ம ।
கி³ரிஶ்ருங்க³மித³ம் ரம்யமுன்னதம் பார்தி²வாத்மஜ ॥ 7 ॥

ஶ்வேதாபி⁴꞉ க்ருஷ்ணதாம்ராபி⁴꞉ ஶிலாபி⁴ருபஶோபி⁴தம் ।
நானாதா⁴துஸமாகீர்ணம் த³ரீநிர்ஜ²ரஶோபி⁴தம் ॥ 8 ॥

விவிதை⁴ர்வ்ருக்ஷஷண்டை³ஶ்ச சாருசித்ரளதாவ்ருதம் ।
நானாவிஹக³ஸங்கு⁴ஷ்டம் மயூரரவநாதி³தம் ॥ 9 ॥

மாலதீகுந்த³கு³ள்மைஶ்ச ஸிந்து⁴வாரகுரண்டகை꞉ ।
கத³ம்பா³ர்ஜுனஸர்ஜைஶ்ச புஷ்பிதைருபஶோபி⁴தம் ॥ 10 ॥

இயம் ச ளினீ ரம்யா பு²ல்லபங்கஜமண்டி³தா ।
நாதிதூ³ரே கு³ஹாயா நௌ ப⁴விஷ்யதி ந்ருபாத்மஜ ॥ 11 ॥

ப்ராகு³த³க்ப்ரவணே தே³ஶே கு³ஹா ஸாது⁴ ப⁴விஷ்யதி ।
பஶ்சாச்சைவோன்னதா ஸௌம்ய நிவாதேயம் ப⁴விஷ்யதி ॥ 12 ॥

கு³ஹாத்³வாரே ச ஸௌமித்ரே ஶிலா ஸமதலா ஶுபா⁴ ।
ஶ்லக்ஷ்ணா சைவாயதா சைவ பி⁴ன்னாஞ்ஜனசயோபமா ॥ 13 ॥

கி³ரிஶ்ருங்க³மித³ம் தாத பஶ்ய சோத்தரத꞉ ஶுப⁴ம் ।
பி⁴ன்னாஞ்ஜனசயாகாரமம்போ⁴த⁴ரமிவோத்தி²தம் ॥ 14 ॥

த³க்ஷிணஸ்யாமபி தி³ஶி ஸ்தி²தம் ஶ்வேதமிவாபரம் ।
கைலாஸஶிக²ரப்ரக்²யம் நானாதா⁴துவிபூ⁴ஷிதம் ॥ 15 ॥

ப்ராசீனவாஹினீம் சைவ நதீ³ம் ப்⁴ருஶமகர்த³மாம் ।
கு³ஹாயா꞉ பூர்வத꞉ பஶ்ய த்ரிகூடே ஜாஹ்னவீமிவ ॥ 16 ॥

சம்பகைஸ்திலகைஸ்தாலைஸ்தமாலைரதிமுக்தகை꞉ ।
பத்³மகை꞉ ஸரளைஶ்சைவ அஶோகைஶ்சைவ ஶோபி⁴தாம் ॥ 17 ॥

வாநீரைஸ்திமிஶைஶ்சைவ வகுலை꞉ கேதகைர்த⁴வை꞉ ।
ஹிந்தாலைஸ்திரிடைர்னீபைர்வேத்ரகை꞉ க்ருதமாலகை꞉ ॥ 18 ॥

தீரஜை꞉ ஶோபி⁴தா பா⁴தி நானாரூபைஸ்ததஸ்தத꞉ ।
வஸநாப⁴ரணோபேதா ப்ரமதே³வாப்⁴யலங்க்ருதா ॥ 19 ॥

ஶதஶ꞉ பக்ஷிஸங்கை⁴ஶ்ச நானாநாதை³ர்விநாதி³தா ।
ஏகைகமனுரக்தைஶ்ச சக்ரவாகைரளங்க்ருதா ॥ 20 ॥

புலினைரதிரம்யைஶ்ச ஹம்ஸஸாரஸஸேவிதை꞉ ।
ப்ரஹஸந்தீவ பா⁴த்யேஷா நாரீ ஸர்வவிபூ⁴ஷிதா ॥ 21 ॥

க்வசிந்நீலோத்பலைஶ்ச²ன்னா பா⁴தி ரக்தோத்பலை꞉ க்வசித் ।
க்வசிதா³பா⁴தி ஶுக்லைஶ்ச தி³வ்யை꞉ குமுத³குட்³மலை꞉ ॥ 22 ॥

பாரிப்லவஶதைர்ஜுஷ்டா ப³ர்ஹிணக்ரௌஞ்சநாதி³தா ।
ரமணீயா நதீ³ ஸௌம்ய முநிஸங்கை⁴ர்நிஷேவிதா ॥ 23 ॥

பஶ்ய சந்த³னவ்ருக்ஷாணாம் பங்க்தீ꞉ ஸுரசிதா இவ ।
ககுபா⁴னாம் ச த்³ருஶ்யந்தே மனஸேவோதி³தா꞉ ஸமம் ॥ 24 ॥

அஹோ ஸுரமணீயோ(அ)யம் தே³ஶ꞉ ஶத்ருநிஷூத³ன ।
த்³ருட⁴ம் ரம்ஸ்யாவ ஸௌமித்ரே ஸாத்⁴வத்ர நிவஸாவஹை ॥ 25 ॥

இதஶ்ச நாதிதூ³ரே ஸா கிஷ்கிந்தா⁴ சித்ரகானனா ।
ஸுக்³ரீவஸ்ய புரீ ரம்யா ப⁴விஷ்யதி ந்ருபாத்மஜ ॥ 26 ॥

கீ³தவாதி³த்ரநிர்கோ⁴ஷ꞉ ஶ்ரூயதே ஜயதாம் வர ।
நர்த³தாம் வானராணாம் ச ம்ருத³ங்கா³ட³ம்ப³ரை꞉ ஸஹ ॥ 27 ॥

லப்³த்⁴வா பா⁴ர்யாம் கபிவர꞉ ப்ராப்ய ராஜ்யம் ஸுஹ்ருத்³வ்ருத꞉ ।
த்⁴ருவம் நந்த³தி ஸுக்³ரீவ꞉ ஸம்ப்ராப்ய மஹதீம் ஶ்ரியம் ॥ 28 ॥

இத்யுக்த்வா ந்யவஸத்தத்ர ராக⁴வ꞉ ஸஹலக்ஷ்மண꞉ ।
ப³ஹுத்³ருஶ்யத³ரீகுஞ்ஜே தஸ்மின் ப்ரஸ்ரவணே கி³ரௌ ॥ 29 ॥

ஸுஸுகே²(அ)பி ப³ஹுத்³ரவ்யே தஸ்மின் ஹி த⁴ரணீத⁴ரே ।
வஸதஸ்தஸ்ய ராமஸ்ய ரதிரள்பா(அ)பி நாப⁴வத் ॥ 30 ॥

ஹ்ருதாம் ஹி பா⁴ர்யாம் ஸ்மரத꞉ ப்ராணேப்⁴யோ(அ)பி க³ரீயஸீம் ।
உத³யாப்⁴யுதி³தம் த்³ருஷ்ட்வா ஶஶாங்கம் ச விஶேஷத꞉ ॥ 31 ॥

ஆவிவேஶ ந தம் நித்³ரா நிஶாஸு ஶயனம் க³தம் ।
தத்ஸமுத்தே²ன ஶோகேன பா³ஷ்போபஹதசேதஸம் ॥ 32 ॥

தம் ஶோசமானம் காகுத்ஸ்த²ம் நித்யம் ஶோகபராயணம் ।
துல்யது³꞉கோ²(அ)ப்³ரவீத்³ப்⁴ராதா லக்ஷ்மணோ(அ)னுநயன் வச꞉ ॥ 33 ॥

அலம் வீர வ்யதா²ம் க³த்வா ந த்வம் ஶோசிதுமர்ஹஸி ।
ஶோசதோ வ்யவஸீத³ந்தி ஸர்வார்தா² விதி³தம் ஹி தே ॥ 34 ॥

ப⁴வான் க்ரியாபரோ லோகே ப⁴வான் தை³வபராயண꞉ ।
ஆஸ்திகோ த⁴ர்மஶீலஶ்ச வ்யவஸாயீ ச ராக⁴வ ॥ 35 ॥

ந ஹ்யவ்யவஸித꞉ ஶத்ரும் ராக்ஷஸம் தம் விஶேஷத꞉ ।
ஸமர்த²ஸ்த்வம் ரணே ஹந்தும் விக்ரமைர்ஜிஹ்மகாரிணம் ॥ 36 ॥

ஸமுன்மூலய ஶோகம் த்வம் வ்யவஸாயம் ஸ்தி²ரம் குரு ।
தத꞉ ஸபரிவாரம் தம் நிர்மூலம் குரு ராக்ஷஸம் ॥ 37 ॥

ப்ருதி²வீமபி காகுத்ஸ்த² ஸஸாக³ரவனாசலாம் ।
பரிவர்தயிதும் ஶக்த꞉ கிமங்க³ புன ராவணம் ॥ 38 ॥

ஶரத்காலம் ப்ரதீக்ஷஸ்வ ப்ராவ்ருட்காலோ(அ)யமாக³த꞉ ।
தத꞉ ஸராஷ்ட்ரம் ஸக³ணம் ராவணம் த்வம் வதி⁴ஷ்யஸி ॥ 39 ॥

அஹம் து க²லு தே வீர்யம் ப்ரஸுப்தம் ப்ரதிபோ³த⁴யே ।
தீ³ப்தைராஹுதிபி⁴꞉ காலே ப⁴ஸ்மச்ச²ன்னமிவானலம் ॥ 40 ॥

லக்ஷ்மணஸ்ய து தத்³வாக்யம் ப்ரதிபூஜ்ய ஹிதம் ஶுப⁴ம் ।
ராக⁴வ꞉ ஸுஹ்ருத³ம் ஸ்னிக்³த⁴மித³ம் வசனமப்³ரவீத் ॥ 41 ॥

வாச்யம் யத³னுரக்தேன ஸ்னிக்³தே⁴ன ச ஹிதேன ச ।
ஸத்யவிக்ரமயுக்தேன தது³க்தம் லக்ஷ்மண த்வயா ॥ 42 ॥

ஏஷ ஶோக꞉ பரித்யக்த꞉ ஸர்வகார்யாவஸாத³க꞉ ।
விக்ரமேஷ்வப்ரதிஹதம் தேஜ꞉ ப்ரோத்ஸாஹயாம்யஹம் ॥ 43 ॥

ஶரத்காலம் ப்ரதீக்ஷிஷ்யே ஸ்தி²தோ(அ)ஸ்மி வசனே தவ ।
ஸுக்³ரீவஸ்ய நதீ³னாம் ச ப்ரஸாத³மனுபாலயன் ॥ 44 ॥

உபகாரேண வீரஸ்து ப்ரதிகாரேண யுஜ்யதே ।
அக்ருதஜ்ஞோ(அ)ப்ரதிக்ருதோ ஹந்தி ஸத்த்வவதாம் மன꞉ ॥ 45 ॥

அதை²வமுக்த꞉ ப்ரணிதா⁴ய லக்ஷ்மண꞉
க்ருதாஞ்ஜலிஸ்தத்ப்ரதிபூஜ்ய பா⁴ஷிதம் ।
உவாச ராமம் ஸ்வபி⁴ராமத³ர்ஶனம்
ப்ரத³ர்ஶயன் த³ர்ஶனமாத்மன꞉ ஶுப⁴ம் ॥ 46 ॥

யதோ²க்தமேதத்தவ ஸர்வமீப்ஸிதம்
நரேந்த்³ர கர்தா ந சிராத்³த⁴ரீஶ்வர꞉ ।
ஶரத்ப்ரதீக்ஷ꞉ க்ஷமதாமிமம் ப⁴வான்
ஜலப்ரபாதம் ரிபுநிக்³ரஹே த்⁴ருத꞉ ॥ 47 ॥

நியம்ய கோபம் ப்ரதிபால்யதாம் ஶரத்
க்ஷமஸ்வ மாஸாம்ஶ்சதுரோ மயா ஸஹ ।
வஸாசலே(அ)ஸ்மின் ம்ருக³ராஜஸேவிதே
ஸம்வர்த⁴யன் ஶத்ருவதே⁴ ஸமுத்³யமம் ॥ 48 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஸப்தவிம்ஶ꞉ ஸர்க³꞉ ॥ 27 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.