Kishkindha Kanda Sarga 16 – கிஷ்கிந்தா⁴காண்ட³ ஷோட³ஶ꞉ ஸர்க³꞉ (16)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஷோட³ஶ꞉ ஸர்க³꞉ (16)

॥ வாலிஸம்ஹார꞉ ॥

தாமேவம் ப்³ருவதீம் தாராம் தாராதி⁴பநிபா⁴நநாம் ।
வாலீ நிர்ப⁴ர்த்ஸயாமாஸ வசநம் சேத³மப்³ரவீத் ॥ 1 ॥

க³ர்ஜதோ(அ)ஸ்ய ச ஸம்ரம்ப⁴ம் ப்⁴ராது꞉ ஶத்ரோர்விஶேஷத꞉ ।
மர்ஷயிஷ்யாம்யஹம் கேந காரணேந வராநநே ॥ 2 ॥

அத⁴ர்ஷிதாநாம் ஶூராணாம் ஸமரேஷ்வநிவர்திநாம் ।
த⁴ர்ஷணாமர்ஷணம் பீ⁴ரு மரணாத³திரிச்யதே ॥ 3 ॥

ஸோடு⁴ம் ந ச ஸமர்தோ²(அ)ஹம் யுத்³த⁴காமஸ்ய ஸம்யுகே³ ।
ஸுக்³ரீவஸ்ய ச ஸம்ரம்ப⁴ம் ஹீநக்³ரீவஸ்ய க³ர்ஜத꞉ ॥ 4 ॥

ந ச கார்யோ விஷாத³ஸ்தே ராக⁴வம் ப்ரதி மத்க்ருதே ।
த⁴ர்மஜ்ஞஶ்ச க்ருதஜ்ஞஶ்ச கத²ம் பாபம் கரிஷ்யதி ॥ 5 ॥

நிவர்தஸ்வ ஸஹ ஸ்த்ரீபி⁴꞉ கத²ம் பூ⁴யோ(அ)நுக³ச்ச²ஸி ।
ஸௌஹ்ருத³ம் த³ர்ஶிதம் தாரே மயி ப⁴க்தி꞉ க்ருதா த்வயா ॥ 6 ॥

ப்ரதியோத்ஸ்யாம்யஹம் க³த்வா ஸுக்³ரீவம் ஜஹி ஸம்ப்⁴ரமம் ।
த³ர்பமாத்ரம் விநேஷ்யாமி ந ச ப்ராணைர்விமோக்ஷ்யதே ॥ 7 ॥

அஹம் ஹ்யாஜிஸ்தி²தஸ்யாஸ்ய கரிஷ்யாமி யதே²ப்ஸிதம் ।
வ்ருக்ஷைர்முஷ்டிப்ரஹாரைஶ்ச பீடி³த꞉ ப்ரதியாஸ்யதி ॥ 8 ॥

ந மே க³ர்விதமாயஸ்தம் ஸஹிஷ்யதி து³ராத்மவாந் ।
க்ருதம் தாரே ஸஹாயத்வம் ஸௌஹ்ருத³ம் த³ர்ஶிதம் மயி ॥ 9 ॥

ஶாபிதாஸி மம ப்ராணைர்நிவர்தஸ்வ ஜநேந ச ।
அஹம் ஜித்வா நிவர்திஷ்யே தமஹம் ப்⁴ராதரம் ரணே ॥ 10 ॥

தம் து தாரா பரிஷ்வஜ்ய வாலிநம் ப்ரியவாதி³நீ ।
சகார ருத³தீ மந்த³ம் த³க்ஷிணா ஸா ப்ரத³க்ஷிணம் ॥ 11 ॥

தத꞉ ஸ்வஸ்த்யயநம் க்ருத்வா மந்த்ரவத்³விஜயைஷிணீ ।
அந்த꞉புரம் ஸஹ ஸ்த்ரீபி⁴꞉ ப்ரவிஷ்டா ஶோகமோஹிதா ॥ 12 ॥

ப்ரவிஷ்டாயாம் து தாராயாம் ஸஹ ஸ்த்ரீபி⁴꞉ ஸ்வமாலயம் ।
நக³ராந்நிர்யயௌ க்ருத்³தோ⁴ மஹாஸர்ப இவ ஶ்வஸந் ॥ 13 ॥

ஸ நிஷ்பத்ய மஹாதேஜா வாலீ பரமரோஷண꞉ ।
ஸர்வதஶ்சாரயந் த்³ருஷ்டிம் ஶத்ருத³ர்ஶநகாங்க்ஷயா ॥ 14 ॥

ஸ த³த³ர்ஶ தத꞉ ஶ்ரீமாந் ஸுக்³ரீவம் ஹேமபிங்க³ளம் ।
ஸுஸம்வீதமவஷ்டப்³த⁴ம் தீ³ப்யமாநமிவாநலம் ॥ 15 ॥

ஸ தம் த்³ருஷ்ட்வா மஹாவீர்யம் ஸுக்³ரீவம் பர்யவஸ்தி²தம் ।
கா³ட⁴ம் பரித³தே⁴ வாஸோ வாலீ பரமரோஷண꞉ ॥ 16 ॥

ஸ வாலீ கா³ட⁴ஸம்வீதோ முஷ்டிமுத்³யம்ய வீர்யவாந் ।
ஸுக்³ரீவமேவாபி⁴முகோ² யயௌ யோத்³து⁴ம் க்ருதக்ஷண꞉ ॥ 17 ॥

ஶ்லிஷ்டமுஷ்டிம் ஸமுத்³யம்ய ஸம்ரப்³த⁴தரமாக³த꞉ ।
ஸுக்³ரீவோ(அ)பி தமுத்³தி³ஶ்ய வாலிநம் ஹேமமாலிநம் ॥ 18 ॥

தம் வாலீ க்ரோத⁴தாம்ராக்ஷ꞉ ஸுக்³ரீவம் ரணபண்டி³தம் ।
ஆபதந்தம் மஹாவேக³மித³ம் வசநமப்³ரவீத் ॥ 19 ॥

ஏஷ முஷ்டிர்மயா ப³த்³தோ⁴ கா³ட⁴꞉ ஸந்நிஹிதாங்கு³ளி꞉ ।
மயா வேக³விமுக்தஸ்தே ப்ராணாநாதா³ய யாஸ்யதி ॥ 20 ॥

ஏவமுக்தஸ்து ஸுக்³ரீவ꞉ க்ருத்³தோ⁴ வாலிநமப்³ரவீத் ।
தவ சைவ ஹரந் ப்ராணாந் முஷ்டி꞉ பதது மூர்த⁴நி ॥ 21 ॥

தாடி³தஸ்தேந ஸங்க்ருத்³த⁴ஸ்தமபி⁴க்ரம்ய வேகி³த꞉ ।
அப⁴வச்சோ²ணிதோத்³கா³ரீ ஸோத்பீட³ இவ பர்வத꞉ ॥ 22 ॥

ஸுக்³ரீவேண து நிஸ்ஸங்க³ம் ஸாலமுத்பாட்ய தேஜஸா ।
கா³த்ரேஷ்வபி⁴ஹதோ வாலீ வஜ்ரேணேவ மஹாகி³ரி꞉ ॥ 23 ॥

ஸ து வாலீ ப்ரசலித꞉ ஸாலதாட³நவிஹ்வல꞉ ।
கு³ருபா⁴ரஸமாக்ராந்தோ நௌஸார்த² இவ ஸாக³ரே ॥ 24 ॥

தௌ பீ⁴மப³லவிக்ராந்தௌ ஸுபர்ணஸமவேகி³நௌ ।
ப்ரவ்ருத்³தௌ⁴ கோ⁴ரவபுஷௌ சந்த்³ரஸூர்யாவிவாம்ப³ரே ॥ 25 ॥

பரஸ்பரமமித்ரக்⁴நௌ சி²த்³ராந்வேஷணதத்பரௌ ।
ததோ(அ)வர்த⁴த வாலீ து ப³லவீர்யஸமந்வித꞉ ॥ 26 ॥

ஸூர்யபுத்ரோ மஹாவீர்ய꞉ ஸுக்³ரீவ꞉ பரிஹீயதே ।
வாலிநா ப⁴க்³நத³ர்பஸ்து ஸுக்³ரீவோ மந்த³விக்ரம꞉ ॥ 27 ॥

வாலிநம் ப்ரதி ஸாமர்ஷோ த³ர்ஶயாமாஸ ராக⁴வம் ।
வ்ருக்ஷை꞉ ஸஶாகை²꞉ ஸஶிகை²ர்வஜ்ரகோடிநிபை⁴ர்நகை²꞉ ॥ 28 ॥

முஷ்டிபி⁴ர்ஜாநுபி⁴꞉ பத்³பி⁴ர்பா³ஹுபி⁴ஶ்ச புந꞉ புந꞉ ।
தயோர்யுத்³த⁴மபூ⁴த்³கோ⁴ரம் வ்ருத்ரவாஸவயோரிவ ॥ 29 ॥

தௌ ஶோணிதாக்தௌ யுத்³த்⁴யேதாம் வாநரௌ வநசாரிணௌ ।
மேகா⁴விவ மஹாஶப்³தை³ஸ்தர்ஜயாநௌ பரஸ்பரம் ॥ 30 ॥

ஹீயமாநமதோ²(அ)பஶ்யத்ஸுக்³ரீவம் வாநரேஶ்வரம் ।
ப்ரேக்ஷமாணம் தி³ஶஶ்சைவ ராக⁴வ꞉ ஸ முஹுர்முஹு꞉ ॥ 31 ॥

ததோ ராமோ மஹாதேஜா ஆர்தம் த்³ருஷ்ட்வா ஹரீஶ்வரம் ।
ஶரம் ச வீக்ஷதே வீரோ வாலிநோ வத⁴காரணாத் ॥ 32 ॥

ததோ த⁴நுஷி ஸந்தா⁴ய ஶரமாஶீவிஷோபமம் ।
பூரயாமாஸ தச்சாபம் காலசக்ரமிவாந்தக꞉ ॥ 33 ॥

தஸ்ய ஜ்யாதலகோ⁴ஷேண த்ரஸ்தா꞉ பத்ரரதே²ஶ்வரா꞉ ।
ப்ரது³த்³ருவுர்ம்ருகா³ஶ்சைவ யுகா³ந்த இவ மோஹிதா꞉ ॥ 34 ॥

முக்தஸ்து வஜ்ரநிர்கோ⁴ஷ꞉ ப்ரதீ³ப்தாஶநிஸந்நிப⁴꞉ ।
ராக⁴வேண மஹாபா³ணோ வாலிவக்ஷஸி பாதித꞉ ॥ 35 ॥

ததஸ்தேந மஹாதேஜா வீர்யோத்ஸிக்த꞉ கபீஶ்வர꞉ ।
வேகே³நாபி⁴ஹதோ வாலீ நிபபாத மஹீதலே ॥ 36 ॥

இந்த்³ரத்⁴வஜ இவோத்³தூ⁴த꞉ பௌர்ணமாஸ்யாம் மஹீதேலே ।
ஆஶ்வயுக்ஸமயே மாஸி க³தஶ்ரீகோ விசேதந꞉ ॥ 37 ॥

நரோத்தம꞉ காலயுகா³ந்தகோபமம்
ஶரோத்தமம் காஞ்சநரூப்யபூ⁴ஷிதம் ।
ஸஸர்ஜ தீ³ப்தம் தமமித்ரமர்த³நம்
ஸதூ⁴மமக்³நிம் முக²தோ யதா² ஹர꞉ ॥ 38 ॥

அதோ²க்ஷித꞉ ஶோணிததோயவிஸ்ரவை꞉
ஸுபுஷ்பிதாஶோக இவாநலோத்³த⁴த꞉ ।
விசேதநோ வாஸவஸூநுராஹவே
விப்⁴ரம்ஶிதேந்த்³ரத்⁴வஜவத்க்ஷிதிம் க³த꞉ ॥ 39 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஷோட³ஶ꞉ ஸர்க³꞉ ॥ 16 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.