Aranya Kanda Sarga 36 – அரண்யகாண்ட³ ஷட்த்ரிம்ஶ꞉ ஸர்க³꞉ (36)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஷட்த்ரிம்ஶ꞉ ஸர்க³꞉ (36)

॥ ஸஹாயைஷணா ॥

மாரீச ஶ்ரூயதாம் தாத வசநம் மம பா⁴ஷத꞉ ।
ஆர்தோ(அ)ஸ்மி மம சார்தஸ்ய ப⁴வாந் ஹி பரமா க³தி꞉ ॥ 1 ॥

ஜாநீஷே த்வம் ஜநஸ்தா²நே யதா² ப்⁴ராதா க²ரோ மம ।
தூ³ஷணஶ்ச மஹாபா³ஹு꞉ ஸ்வஸா ஶூர்பணகா² ச மே ॥ 2 ॥

த்ரிஶிராஶ்ச மஹாதேஜா ராக்ஷஸ꞉ பிஶிதாஶந꞉ ।
அந்யே ச ப³ஹவ꞉ ஶூரா லப்³த⁴ளக்ஷா நிஶாசரா꞉ ॥ 3 ॥

வஸந்தி மந்நியோகே³ந நித்யவாஸம் ச ராக்ஷஸா꞉ ।
பா³த⁴மாநா மஹாரண்யே முநீந் வை த⁴ர்மசாரிண꞉ ॥ 4 ॥

சதுர்த³ஶஸஹஸ்ராணி ரக்ஷஸாம் பீ⁴மகர்மணாம் ।
ஶூராணாம் லப்³த⁴ளக்ஷாணாம் க²ரசித்தாநுவர்திநாம் ॥ 5 ॥

தே த்விதா³நீம் ஜநஸ்தா²நே வஸமாநா மஹாப³லா꞉ ।
ஸங்க³தா꞉ பரமாயத்தா ராமேண ஸஹ ஸம்யுகே³ ॥ 6 ॥

நாநாப்ரஹரணோபேதா꞉ க²ரப்ரமுக²ராக்ஷஸா꞉ ।
தேந ஸஞ்ஜாதரோஷேண ராமேண ரணமூர்த⁴நி ॥ 7 ॥

அநுக்த்வா பருஷம் கிஞ்சிச்ச²ரைர்வ்யாபாரிதம் த⁴நு꞉ ।
சதுர்த³ஶஸஹஸ்ராணி ரக்ஷஸாமுக்³ரதேஜஸாம் ॥ 8 ॥

நிஹதாநி ஶரைஸ்தீக்ஷ்ணைர்மாநுஷேண பதா³திநா ।
க²ரஶ்ச நிஹத꞉ ஸங்க்²யே தூ³ஷணஶ்ச நிபாதித꞉ ॥ 9 ॥

ஹதஶ்ச த்ரிஶிராஶ்சாபி நிர்ப⁴யா த³ண்ட³கா꞉ க்ருதா꞉ ।
பித்ரா நிரஸ்த꞉ க்ருத்³தே⁴ந ஸபா⁴ர்ய꞉ க்ஷீணஜீவித꞉ ॥ 10 ॥

ஸ ஹந்தா தஸ்ய ஸைந்யஸ்ய ராம꞉ க்ஷத்ரியபாம்ஸந꞉ ।
து³꞉ஶீல꞉ கர்கஶஸ்தீக்ஷ்ணோ மூர்கோ² லுப்³தோ⁴(அ)ஜிதேந்த்³ரிய꞉ ॥ 11 ॥

த்யக்த்வா த⁴ர்மமத⁴ர்மாத்மா பூ⁴தாநாமஹிதே ரத꞉ ।
யேந வைரம் விநா(அ)ரண்யே ஸத்த்வமாஶ்ரித்ய கேவலம் ॥ 12 ॥

கர்ணநாஸாபஹரணாத்³ப⁴கி³நீ மே விரூபிதா ।
தஸ்ய பா⁴ர்யாம் ஜநஸ்தா²நாத் ஸீதாம் ஸுரஸுதோபமாம் ॥ 13 ॥

ஆநயிஷ்யாமி விக்ரம்ய ஸஹாயஸ்தத்ர மே ப⁴வ ।
த்வயா ஹ்யஹம் ஸஹாயேந பார்ஶ்வஸ்தே²ந மஹாப³ல ॥ 14 ॥

ப்⁴ராத்ருபி⁴ஶ்ச ஸுராந் யுத்³தே⁴ ஸமக்³ராந்நாபி⁴சிந்தயே ।
தத்ஸஹாயோ ப⁴வ த்வம் மே ஸமர்தோ² ஹ்யஸி ராக்ஷஸ ॥ 15 ॥

வீர்யே யுத்³தே⁴ ச த³ர்பே ச ந ஹ்யஸ்தி ஸத்³ருஶஸ்தவ ।
உபாயஜ்ஞோ மஹாந் ஶூர꞉ ஸர்வமாயாவிஶாரத³꞉ ॥ 16 ॥

ஏதத³ர்த²மஹம் ப்ராப்தஸ்த்வத்ஸமீபம் நிஶாசர ।
ஶ்ருணு தத் கர்ம ஸாஹாய்யே யத்கார்யம் வசநாந்மம ॥ 17 ॥

ஸௌவர்ணஸ்த்வம் ம்ருகோ³ பூ⁴த்வா சித்ரோ ரஜதபி³ந்து³பி⁴꞉ ।
ஆஶ்ரமே தஸ்ய ராமஸ்ய ஸீதாயா꞉ ப்ரமுகே² சர ॥ 18 ॥

த்வாம் து நி꞉ஸம்ஶயம் ஸீதா த்³ருஷ்ட்வா து ம்ருக³ரூபிணம் ।
க்³ருஹ்யதாமிதி ப⁴ர்தாரம் லக்ஷ்மணம் சாபி⁴தா⁴ஸ்யதி ॥ 19 ॥

ததஸ்தயோரபாயே து ஶூந்யே ஸீதாம் யதா²ஸுக²ம் ।
நிராபா³தோ⁴ ஹரிஷ்யாமி ராஹுஶ்சந்த்³ரப்ரபா⁴மிவ ॥ 20 ॥

தத꞉ பஶ்சாத்ஸுக²ம் ராமே பா⁴ர்யாஹரணகர்ஶிதே ।
விஸ்ரப்³த⁴꞉ ப்ரஹரிஷ்யாமி க்ருதார்தே²நாந்தராத்மநா ॥ 21 ॥

தஸ்ய ராமகதா²ம் ஶ்ருத்வா மாரீசஸ்ய மஹாத்மந꞉ ।
ஶுஷ்கம் ஸமப⁴வத்³வக்த்ரம் பரித்ரஸ்தோ ப³பூ⁴வ ஸ꞉ ॥ 22 ॥

ஓஷ்டௌ² பரிலிஹந் ஶுஷ்கௌ நேத்ரைரநிமிஷைரிவ ।
ம்ருதபூ⁴த இவார்தஸ்து ராவணம் ஸமுதை³க்ஷத ॥ 23 ॥

ஸ ராவணம் த்ரஸ்தவிஷண்ணசேதா
மஹாவநே ராமபராக்ரமஜ்ஞ꞉ ।
க்ருதாஞ்ஜலிஸ்தத்த்வமுவாச வாக்யம்
ஹிதம் ச தஸ்மை ஹிதமாத்மநஶ்ச ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஷட்த்ரிம்ஶ꞉ ஸர்க³꞉ ॥ 36 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.