Aranya Kanda Sarga 30 – அரண்யகாண்ட³ த்ரிம்ஶ꞉ ஸர்க³꞉ (30)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்ரிம்ஶ꞉ ஸர்க³꞉ (30)

॥ க²ரஸம்ஹார꞉ ॥

பி⁴த்த்வா து தாம் க³தா³ம் பா³ணை ராக⁴வோ த⁴ர்மவத்ஸல꞉ ।
ஸ்மயமாந꞉ க²ரம் வாக்யம் ஸம்ரப்³த⁴மித³மப்³ரவீத் ॥ 1 ॥

ஏதத்தே ப³லஸர்வஸ்வம் த³ர்ஶிதம் ராக்ஷஸாத⁴ம ।
ஶக்திஹீநதரோ மத்தோ வ்ருதா² த்வமவக³ர்ஜஸி ॥ 2 ॥

ஏஷா பா³ணவிநிர்பி⁴ந்நா க³தா³ பூ⁴மிதலம் க³தா ।
அபி⁴தா⁴நப்ரக³ள்ப⁴ஸ்ய தவ ப்ரத்யரிகா⁴திநீ ॥ 3 ॥

யத்த்வயோக்தம் விநஷ்டாநாமஹமஶ்ருப்ரமார்ஜநம் ।
ராக்ஷஸாநாம் கரோமீதி மித்²யா தத³பி தே வச꞉ ॥ 4 ॥

நீசஸ்ய க்ஷுத்³ரஶீலஸ்ய மித்²யாவ்ருத்தஸ்ய ரக்ஷஸ꞉ ।
ப்ராணாநபஹரிஷ்யாமி க³ருத்மாநம்ருதம் யதா² ॥ 5 ॥

அத்³ய தே சி²ந்நகண்ட²ஸ்ய பே²நபு³த்³பு³த³பூ⁴ஷிதம் ।
விதா³ரிதஸ்ய மத்³பா³ணைர்மஹீ பாஸ்யதி ஶோணிதம் ॥ 6 ॥

பாம்ஸுரூஷிதஸர்வாங்க³꞉ ஸ்ரஸ்தந்யஸ்தபு⁴ஜத்³வய꞉ ।
ஸ்வப்ஸ்யஸே கா³ம் ஸமாலிங்க்³ய து³ர்லபா⁴ம் ப்ரமதா³மிவ ॥ 7 ॥

ப்ரவ்ருத்³த⁴நித்³ரே ஶயிதே த்வயி ராக்ஷஸபாம்ஸநே ।
ப⁴விஷ்யந்த்யஶரண்யாநாம் ஶரண்யா த³ண்ட³கா இமே ॥ 8 ॥

ஜநஸ்தா²நே ஹதஸ்தா²நே தவ ராக்ஷஸ மச்ச²ரை꞉ ।
நிர்ப⁴யா விசரிஷ்யந்தி ஸர்வதோ முநயோ வநே ॥ 9 ॥

அத்³ய விப்ரஸரிஷ்யந்தி ராக்ஷஸ்யோ ஹதபா³ந்த⁴வா꞉ ।
பா³ஷ்பார்த்³ரவத³நா தீ³நா ப⁴யாத³ந்யப⁴யாவஹா꞉ ॥ 10 ॥

அத்³ய ஶோகரஸஜ்ஞாஸ்தா꞉ ப⁴விஷ்யந்தி நிரர்த²கா꞉ ।
அநுரூபகுலா꞉ பத்ந்யோ யாஸாம் த்வம் பதிரீத்³ருஶ꞉ ॥ 11 ॥

ந்ருஶம்ஸ நீச க்ஷுத்³ராத்மந் நித்யம் ப்³ராஹ்மணகண்டக ।
யத்க்ருதே ஶங்கிதைரக்³நௌ முநிபி⁴꞉ பாத்யதே ஹவி꞉ ॥ 12 ॥

தமேவமபி⁴ஸம்ரப்³த⁴ம் ப்³ருவாணம் ராக⁴வம் ரணே ।
க²ரோ நிர்ப⁴ர்த்ஸயாமாஸ ரோஷாத்க²ரதரஸ்வந꞉ ॥ 13 ॥

த்³ருட⁴ம் க²ல்வவலிப்தோஸி ப⁴யேஷ்வபி ச நிர்ப⁴ய꞉ ।
வாச்யாவாச்யம் ததோ ஹி த்வம் ம்ருத்யுவஶ்யோ ந பு³த்⁴யஸே ॥ 14 ॥

காலபாஶபரிக்ஷிப்தா ப⁴வந்தி புருஷா ஹி யே ।
கார்யாகார்யம் ந ஜாநந்தி தே நிரஸ்தஷடி³ந்த்³ரியா꞉ ॥ 15 ॥

ஏவமுக்த்வா ததோ ராமம் ஸம்ருத்⁴ய ப்⁴ருகுடிம் தத꞉ ।
ஸ த³த³ர்ஶ மஹாஸாலமவிதூ³ரே நிஶாசர꞉ ॥ 16 ॥

ரணே ப்ரஹரணஸ்யார்தே² ஸர்வதோ ஹ்யவலோகயந் ।
ஸ தமுத்பாடயாமாஸ ஸந்த³ஶ்ய த³ஶநச்ச²த³ம் ॥ 17 ॥

தம் ஸமுத்க்ஷிப்ய பா³ஹுப்⁴யாம் விநத்³ய ச மஹாப³ல꞉ ।
ராமமுத்³தி³ஶ்ய சிக்ஷேப ஹதஸ்த்வமிதி சாப்³ரவீத் ॥ 18 ॥

தமாபதந்தம் பா³ணௌகை⁴ஶ்சி²த்த்வா ராம꞉ ப்ரதாபவாந் ।
ரோஷமாஹாரயத்தீவ்ரம் நிஹந்தும் ஸமரே க²ரம் ॥ 19 ॥

ஜாதஸ்வேத³ஸ்ததோ ராமோ ரோஷாத்³ரக்தாந்தலோசந꞉ ।
நிர்பி³பே⁴த³ ஸஹஸ்ரேண பா³ணாநாம் ஸமரே க²ரம் ॥ 20 ॥

தஸ்ய பா³ணாந்தராத்³ரக்தம் ப³ஹு ஸுஸ்ராவ பே²நிலம் ।
கி³ரே꞉ ப்ரஸ்ரவணஸ்யேவ தோயதா⁴ராபரிஸ்ரவ꞉ ॥ 21 ॥

விஹல꞉ ஸ க்ருதோ பா³ணை꞉ க²ரோ ராமேண ஸம்யுகே³ ।
மத்தோ ருதி⁴ரக³ந்தே⁴ந தமேவாப்⁴யத்³ரவத்³த்³ருதம் ॥ 22 ॥

தமாபதந்தம் ஸம்ரப்³த⁴ம் க்ருதாஸ்த்ரோ ருதி⁴ராப்லுதம் ।
அபாஸர்பத்ப்ரதிபத³ம் கிஞ்சித்த்வரிதவிக்ரம꞉ ॥ 23 ॥

தத꞉ பாவகஸங்காஶம் வதா⁴ய ஸமரே ஶரம் ।
க²ரஸ்ய ராமோ ஜக்³ராஹ ப்³ரஹ்மத³ண்ட³மிவாபரம் ॥ 24 ॥

ஸ தம் த³த்தம் மக⁴வதா ஸுரராஜேந தீ⁴மதா ।
ஸந்த³தே⁴ சாபி த⁴ர்மாத்மா முமோச ச க²ரம் ப்ரதி ॥ 25 ॥

ஸ விமுக்தோ மஹாபா³ணோ நிர்கா⁴தஸமநிஸ்வந꞉ ।
ராமேண த⁴நுராயம்ய க²ரஸ்யோரஸி சாபதத் ॥ 26 ॥

ஸ பபாத க²ரோ பூ⁴மௌ த³ஹ்யமாந꞉ ஶராக்³நிநா ।
ருத்³ரேணேவ விநிர்த³க்³த⁴꞉ ஶ்வேதாரண்யே யதா²ந்தக꞉ ॥ 27 ॥

ஸ வ்ருத்ர இவ வஜ்ரேண பே²நேந நமுசிர்யதா² ।
ப³லோ வேந்த்³ராஶநிஹதோ நிபபாத ஹத꞉ க²ர꞉ ॥ 28 ॥

ததோ ராஜர்ஷய꞉ ஸர்வே ஸங்க³தா꞉ பரமர்ஷய꞉ ।
ஸபா⁴ஜ்ய முதி³தா ராமமித³ம் வசநமப்³ருவந் ॥ 29 ॥

ஏதத³ர்த²ம் மஹாபா⁴க³ மஹேந்த்³ர꞉ பாகஶாஸந꞉ । [மஹாதேஜா]
ஶரப⁴ங்கா³ஶ்ரமம் புண்யமாஜகா³ம புரந்த³ர꞉ ॥ 30 ॥

ஆநீதஸ்த்வமிமம் தே³ஶமுபாயேந மஹர்ஷிபி⁴꞉ ।
ஏஷாம் வதா⁴ர்த²ம் க்ரூராணாம் ரக்ஷஸாம் பாபகர்மணாம் ॥ 31 ॥

ததி³த³ம் ந꞉ க்ருதம் கார்யம் த்வயா த³ஶரதா²த்மஜ ।
ஸுக²ம் த⁴ர்மம் சரிஷ்யந்தி த³ண்ட³கேஷு மஹர்ஷய꞉ ॥ 32 ॥

ஏதஸ்மிந்நந்தரே தே³வாஶ்சாரணை꞉ ஸஹ ஸங்க³தா꞉ ।
து³ந்து³பீ⁴ம்ஶ்சாபி⁴நிக்⁴நந்த꞉ புஷ்பவர்ஷம் ஸமந்தத꞉ ॥ 33 ॥

ராமஸ்யோபரி ஸம்ஹ்ருஷ்டா வவ்ருஷுர்விஸ்மிதாஸ்ததா³ ।
அர்தா⁴தி⁴கமுஹூர்தேந ராமேண நிஶிதை꞉ ஶரை꞉ ॥ 34 ॥

சதுர்த³ஶஸஹஸ்ராணி ரக்ஷஸாம் பீ⁴மகர்மணாம் ।
க²ரதூ³ஷணமுக்²யாநாம் நிஹதாநி மஹாஹவே ॥ 35 ॥

அஹோ ப³த மஹத்கர்ம ராமஸ்ய விதி³தாத்மந꞉ ।
அஹோ வீர்யமஹோ தா³க்ஷ்யம் விஷ்ணோரிவ ஹி த்³ருஶ்யதே ॥ 36 ॥

இத்யேவமுக்த்வா தே ஸர்வே யயுர்தே³வா யதா²க³தம் ।
ஏதஸ்மிந்நந்தரே வீரோ லக்ஷ்மண꞉ ஸஹ ஸீதயா ॥ 37 ॥

கி³ரிது³ர்கா³த்³விநிஷ்க்ரம்ய ஸம்விவேஶாஶ்ரமம் ஸுகீ² ।
ததோ ராமஸ்து விஜயீ பூஜ்யமாநோ மஹர்ஷிபி⁴꞉ ॥ 38 ॥

ப்ரவிவேஶாஶ்ரமம் வீரோ லக்ஷ்மணேநாபி⁴பூஜித꞉ ।
தம் த்³ருஷ்ட்வா ஶத்ருஹந்தாரம் மஹர்ஷீணாம் ஸுகா²வஹம் ॥ 39 ॥

ப³பூ⁴வ ஹ்ருஷ்டா வைதே³ஹீ ப⁴ர்தாரம் பரிஷஸ்வஜே ।
முதா³ பரமயா யுக்தா த்³ருஷ்ட்வா ரக்ஷோக³ணாந்ஹதாந் ।
ராமம் சைவாவ்யத²ம் த்³ருஷ்ட்வா துதோஷ ஜநகாத்மஜா ॥ 40 ॥

ததஸ்து தம் ராக்ஷஸஸங்க⁴மர்த³நம்
ஸபா⁴ஜ்யமாநம் முதி³தைர்மஹர்ஷிபி⁴꞉ ॥

புந꞉ பரிஷ்வஜ்ய ஶஶிப்ரபா⁴நநா
ப³பூ⁴வ ஹ்ருஷ்டா ஜநகாத்மஜா ததா³ ॥ 41 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்ரிம்ஶ꞉ ஸர்க³꞉ ॥ 30 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.