Sri Ganga Ashtakam – ஶ்ரீ க³ங்கா³ஷ்டகம்

ப⁴க³வதி ப⁴வலீலாமௌளிமாலே தவாம்ப⁴꞉
கணமணுபரிமாணம் ப்ராணிநோ யே ஸ்ப்ருஶந்தி ।
அமரநக³ரநாரீசாமரக்³ராஹிணீநாம்
விக³தகலிகலங்காதங்கமங்கே லுட²ந்தி ॥ 1 ॥

ப்³ரஹ்மாண்ட³ம் க²ண்ட³யந்தீ ஹரஶிரஸி ஜடாவள்லிமுல்லாஸயந்தீ
ஸ்வர்லோகாதா³பதந்தீ கநககி³ரிகு³ஹாக³ண்ட³ஶைலாத் ஸ்க²லந்தீ ।
க்ஷோணீப்ருஷ்டே லுட²ந்தீ து³ரிதசயசமூர்நிர்ப⁴ரம் ப⁴ர்த்ஸயந்தீ
பாதோ²தி⁴ம் பூரயந்தீ ஸுரநக³ரஸரித்பாவநீ ந꞉ புநாது ॥ 2 ॥

மஜ்ஜந்மாதங்க³கும்ப⁴ச்யுதமத³மதி³ராமோத³மத்தாலிஜாலம்
ஸ்நாநை꞉ ஸித்³தா⁴ங்க³நாநாம் குசயுக³விக³ளத்குங்குமாஸங்க³பிங்க³ம் ।
ஸாயம் ப்ராதர்முநீநாம் குஶகுஸுமசயைஶ்சி²ந்நதீரஸ்த²நீரம்
பாயாந்நோ கா³ங்க³மம்ப⁴꞉ கரிகரமகராக்ராந்தரஹஸ்தரங்க³ம் ॥ 3 ॥

ஆதா³வாதி³பிதாமஹஸ்ய நியமவ்யாபாரபாத்ரே ஜலம்
பஶ்சாத்பந்நக³ஶாயிநோ ப⁴க³வத꞉ பாதோ³த³கம் பாவநம் ।
பூ⁴ய꞉ ஶம்பு⁴ஜடாவிபூ⁴ஷணமணிர்ஜஹ்நோர்மஹர்ஷேரியம்
கந்யா கல்மஷநாஶிநீ ப⁴க³வதீ பா⁴கீ³ரதீ² பாது மாம் ॥ 4 ॥

ஶைலேந்த்³ராத³வதாரிணீ நிஜஜலே மஜ்ஜஜ்ஜநோத்தாரிணீ
பாராவாரவிஹாரிணீ ப⁴வப⁴யஶ்ரேணீஸமுத்ஸாரிணீ ।
ஶேஷாங்கை³ரநுகாரிணீ ஹரஶிரோவல்லீத³ளாகாரிணீ
காஶீப்ராந்தவிஹாரிணீ விஜயதே க³ங்கா³ மநோஹாரிணீ ॥ 5 ॥

குதோ வீசீ வீசிஸ்தவ யதி³ க³தா லோசநபத²ம்
த்வமாபீதா பீதாம்ப³ரபுரவாஸம் விதரஸி ।
த்வது³த்ஸங்கே³ க³ங்கே³ பததி யதி³ காயஸ்தநுப்⁴ருதாம்
ததா³ மாத꞉ ஶாந்தக்ரதவபத³ளாபோ⁴(அ)ப்யதிலகு⁴꞉ ॥ 6 ॥

ப⁴க³வதி தவ தீரே நீரமாத்ராஶநோ(அ)ஹம்
விக³தவிஷயத்ருஷ்ண꞉ க்ருஷ்ணமாராத⁴யாமி ।
ஸகலகலுஷப⁴ங்கே³ ஸ்வர்க³ஸோபாநஸங்கே³
தரளதரதரங்கே³ தே³வி க³ங்கே³ ப்ரஸீத³ ॥ 7 ॥

மாதர்ஜாஹ்நவி ஶம்பு⁴ஸங்க³மிலிதே மௌளௌ நிதா⁴யாஞ்ஜலிம்
த்வத்தீரே வபுஷோ(அ)வஸாநஸமயே நாராயணாங்க்⁴ரித்³வயம் ।
ஸாநந்த³ம் ஸ்மரதோ ப⁴விஷ்யதி மம ப்ராணப்ரயாணோத்ஸவே
பூ⁴யாத்³ப⁴க்திரவிச்யுதா ஹரிஹராத்³வைதாத்மிகா ஶாஶ்வதீ ॥ 8 ॥

க³ங்கா³ஷ்டகமித³ம் புண்யம் ய꞉ படே²த்ப்ரயதோ நர꞉ ।
ஸர்வபாபவிநிர்முக்தோ விஷ்ணுலோகம் ஸ க³ச்ச²தி ॥ 9 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ க³ங்கா³ஷ்டகம் ஸம்பூர்ணம் ।

---

மேலும் விவித⁴ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.