Read in తెలుగు / ಕನ್ನಡ / தமிழ் / देवनागरी / English (IAST)
நாராயணீயம் பஞ்சநவதிதமத³ஶகம் (95) – த்⁴யாநயோக³꞉ – மோக்ஷப்ராப்திமார்க³꞉
ஆதௌ³ ஹைரண்யக³ர்பீ⁴ம் தநுமவிகலஜீவாத்மிகாமாஸ்தி²தஸ்த்வம்
ஜீவத்வம் ப்ராப்ய மாயாகு³ணக³ணக²சிதோ வர்தஸே விஶ்வயோநே ।
தத்ரோத்³வ்ருத்³தே⁴ந ஸத்த்வேந து கு³ணயுக³ளம் ப⁴க்திபா⁴வம் க³தேந
சி²த்வா ஸத்த்வம் ச ஹித்வா புநரநுபஹிதோ வர்திதாஹே த்வமேவ ॥ 95-1 ॥
ஸத்த்வோந்மேஷாத் கதா³சித் க²லு விஷயரஸே தோ³ஷபோ³தே⁴(அ)பி பூ⁴மந்
பூ⁴யோ(அ)ப்யேஷு ப்ரவ்ருத்தி꞉ ஸதமஸி ரஜஸி ப்ரோத்³த⁴தே து³ர்நிவாரா ।
சித்தம் தாவத்³கு³ணாஶ்ச க்³ரதி²தமிஹ மித²ஸ்தாநி ஸர்வாணி ரோத்³து⁴ம்
துர்யே த்வய்யேகப⁴க்தி꞉ ஶரணமிதி ப⁴வாந் ஹம்ஸரூபீ ந்யகா³தீ³த் ॥ 95-2 ॥
ஸந்தி ஶ்ரேயாம்ஸி பூ⁴யாம்ஸ்யபி ருசிபி⁴த³யா கர்மிணாம் நிர்மிதாநி
க்ஷுத்³ராநந்தா³ஶ்ச ஸாந்தா ப³ஹுவித⁴க³தய꞉ க்ருஷ்ண தேப்⁴யோ ப⁴வேயு꞉ ।
த்வம் சாசக்²யாத² ஸக்²யே நநு மஹிததமாம் ஶ்ரேயஸாம் ப⁴க்திமேகாம்
த்வத்³ப⁴க்த்யாநந்த³துல்ய꞉ க²லு விஷயஜுஷாம் ஸம்மத³꞉ கேந வா ஸ்யாத் ॥ 95-3 ॥
த்வத்³ப⁴க்த்யா துஷ்டபு³த்³தே⁴꞉ ஸுக²மிஹ சரதோ விச்யுதாஶஸ்ய சாஶா꞉
ஸர்வா꞉ ஸ்யு꞉ ஸௌக்²யமய்ய꞉ ஸலிலகுஹரக³ஸ்யேவ தோயைகமய்ய꞉ ।
ஸோ(அ)யம் க²ல்விந்த்³ரளோகம் கமலஜப⁴வநம் யோக³ஸித்³தீ⁴ஶ்ச ஹ்ருத்³யா꞉
நாகாங்க்ஷத்யேததா³ஸ்தாம் ஸ்வயமநுபதிதே மோக்ஷஸௌக்²யே(அ)ப்யநீஹ꞉ ॥ 95-4 ॥
த்வத்³ப⁴க்தோ பா³த்⁴யமாநோ(அ)பி ச விஷயரஸைரிந்த்³ரியாஶாந்திஹேதோ-
-ர்ப⁴க்த்யைவாக்ரம்யமாணை꞉ புநரபி க²லு தைர்து³ர்ப³லைர்நாபி⁴ஜய்ய꞉ ।
ஸப்தார்சிர்தீ³பிதார்சிர்த³ஹதி கில யதா² பூ⁴ரிதா³ருப்ரபஞ்சம்
த்வத்³ப⁴க்த்யௌகே⁴ ததை²வ ப்ரத³ஹதி து³ரிதம் து³ர்மத³꞉ க்வேந்த்³ரியாணாம் ॥ 95-5 ॥
சித்தார்த்³ரீபா⁴வமுச்சைர்வபுஷி ச புலகம் ஹர்ஷபா³ஷ்பம் ச ஹித்வா
சித்தம் ஶுத்³த்⁴யேத்கத²ம் வா கிமு ப³ஹுதபஸா வித்³யயா வீதப⁴க்தே꞉ ।
த்வத்³கா³தா²ஸ்வாத³ஸித்³தா⁴ஞ்ஜநஸததமரீம்ருஜ்யமாநோ(அ)யமாத்மா
சக்ஷுர்வத் தத்த்வஸூக்ஷ்மம் ப⁴ஜதி ந து ததா²ப்⁴யஸ்தயா தர்ககோட்யா ॥ 95-6 ॥
த்⁴யாநம் தே ஶீலயேயம் ஸமதநுஸுக²ப³த்³தா⁴ஸநோ நாஸிகாக்³ர-
-ந்யஸ்தாக்ஷ꞉ பூரகாத்³யைர்ஜிதபவநபத²ஶ்சித்தபத்³மம் த்வவாஞ்சம் ।
ஊர்த்⁴வாக்³ரம் பா⁴வயித்வா ரவிவிது⁴ஶிகி²ந꞉ ஸம்விசிந்த்யோபரிஷ்டாத்
தத்ரஸ்த²ம் பா⁴வயே த்வாம் ஸஜலஜலத⁴ரஶ்யாமளம் கோமளாங்க³ம் ॥ 95-7 ॥
ஆநீலஶ்லக்ஷ்ணகேஶம் ஜ்வலிதமகரஸத்குண்ட³லம் மந்த³ஹாஸ-
-ஸ்யந்தா³ர்த்³ரம் கௌஸ்துப⁴ஶ்ரீபரிக³தவநமாலோருஹாராபி⁴ராமம் ।
ஶ்ரீவத்ஸாங்கம் ஸுபா³ஹும் ம்ருது³ளஸது³த³ரம் காஞ்சநச்சா²யசேலம்
சாருஸ்நிக்³தோ⁴ருமம்போ⁴ருஹலலிதபத³ம் பா⁴வயே(அ)ஹம் ப⁴வந்தம் ॥ 95-8 ॥
ஸர்வாங்கே³ஷ்வங்க³ ரங்க³த்குதுகமிதி முஹுர்தா⁴ரயந்நீஶ சித்தம்
தத்ராப்யேகத்ர யுஞ்ஜே வத³நஸரஸிஜே ஸுந்த³ரே மந்த³ஹாஸே ।
தத்ராளீநம் து சேத꞉ பரமஸுக²சித³த்³வைதரூபே விதந்வ-
-ந்நந்யந்நோ சிந்தயேயம் முஹுரிதி ஸமுபாரூட⁴யோகோ³ ப⁴வேயம் ॥ 95-9 ॥
இத்த²ம் த்வத்³த்⁴யாநயோகே³ ஸதி புநரணிமாத்³யஷ்டஸம்ஸித்³த⁴யஸ்தா꞉
தூ³ரஶ்ருத்யாத³யோ(அ)பி ஹ்யஹமஹமிகயா ஸம்பதேயுர்முராரே ।
த்வத்ஸம்ப்ராப்தௌ விளம்பா³வஹமகி²லமித³ம் நாத்³ரியே காமயே(அ)ஹம்
த்வாமேவாநந்த³பூர்ணம் பவநபுரபதே பாஹி மாம் ஸர்வதாபாத் ॥ 95-10 ॥
இதி பஞ்சநவதிதமத³ஶகம் ஸமாப்தம் ।
ஸம்பூர்ண நாராயணீயம் பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
