Sundarakanda Sarga (Chapter) 25 – ஸுந்த³ரகாண்ட³ பஞ்சவிம்ஶ꞉ ஸர்க³꞉ (25)

ஸ்தோத்ரநிதி → வால்மீகி ராமாயணே ஸுந்த³ரகாண்ட³ → ஸுந்த³ரகாண்ட³ பஞ்சவிம்ஶ꞉ ஸர்க³꞉ (25)

॥ ஸீதாநிர்வேத³꞉ ॥

ததா² தாஸாம் வத³ந்தீநாம் பருஷம் தா³ருணம் ப³ஹு ।
ராக்ஷஸீநாமஸௌம்யாநாம் ருரோத³ ஜநகாத்மஜா ॥ 1 ॥

ஏவமுக்தா து வைதே³ஹீ ராக்ஷஸீபி⁴ர்மநஸ்விநீ ।
உவாச பரமத்ரஸ்தா பா³ஷ்பக³த்³க³த³யா கி³ரா ॥ 2 ॥

ந மாநுஷீ ராக்ஷஸஸ்ய பா⁴ர்யா ப⁴விதுமர்ஹதி ।
காமம் கா²த³த மாம் ஸர்வா ந கரிஷ்யாமி வோ வச꞉ ॥ 3 ॥

ஸா ராக்ஷஸீமத்⁴யக³தா ஸீதா ஸுரஸுதோபமா ।
ந ஶர்ம லேபே⁴ து³꞉கா²ர்தா ராவணேந ச தர்ஜிதா ॥ 4 ॥

வேபதே ஸ்மாதி⁴கம் ஸீதா விஶந்தீவாங்க³மாத்மந꞉ ।
வநே யூத²பரிப்⁴ரஷ்டா ம்ருகீ³ கோகைரிவார்தி³தா ॥ 5 ॥

ஸா த்வஶோகஸ்ய விபுலாம் ஶாகா²மாலம்ப்³ய புஷ்பிதாம் ।
சிந்தயாமாஸ ஶோகேந ப⁴ர்தாரம் ப⁴க்³நமாநஸா ॥ 6 ॥

ஸா ஸ்நாபயந்தீ விபுலௌ ஸ்தநௌ நேத்ரஜலஸ்ரவை꞉ ।
சிந்தயந்தீ ந ஶோகஸ்ய ததா³(அ)ந்தமதி⁴க³ச்ச²தி ॥ 7 ॥

ஸா வேபமாநா பதிதா ப்ரவாதே கத³ளீ யதா² ।
ராக்ஷஸீநாம் ப⁴யத்ரஸ்தா விஷண்ணவத³நா(அ)ப⁴வத் ॥ 8 ॥ [விவர்ண]

தஸ்யா꞉ ஸா தீ³ர்க⁴விபுலா வேபந்த்யா ஸீதயா ததா³ ।
த³த்³ருஶே கம்பிநீ வேணீ வ்யாளீவ பரிஸர்பதீ ॥ 9 ॥

ஸா நி꞉ஶ்வஸந்தீ து³꞉கா²ர்தா ஶோகோபஹதசேதநா ।
ஆர்தா வ்யஸ்ருஜத³ஶ்ரூணி மைதி²லீ விளலாப ஹ ॥ 10 ॥

ஹா ராமேதி ச து³꞉கா²ர்தா ஹா புநர்லக்ஷ்மணேதி ச ।
ஹா ஶ்வஶ்ரு மம கௌஸல்யே ஹா ஸுமித்ரேதி பா⁴மிநீ ॥ 11 ॥

லோகப்ரவாத³꞉ ஸத்யோ(அ)யம் பண்டி³தை꞉ ஸமுதா³ஹ்ருத꞉ ।
அகாலே து³ர்லபோ⁴ ம்ருத்யு꞉ ஸ்த்ரியா வா புருஷஸ்ய வா ॥ 12 ॥

யத்ராஹமேவம் க்ரூராபீ⁴ ராக்ஷஸீபி⁴ரிஹார்தி³தா ।
ஜீவாமி ஹீநா ராமேண முஹூர்தமபி து³꞉கி²தா ॥ 13 ॥

ஏஷால்பபுண்யா க்ருபணா விநஶிஷ்யாம்யநாத²வத் ।
ஸமுத்³ரமத்⁴யே நௌ꞉ பூர்ணா வாயுவேகை³ரிவாஹதா ॥ 14 ॥

ப⁴ர்தாரம் தமபஶ்யந்தீ ராக்ஷஸீவஶமாக³தா ।
ஸீதா³மி க²லு ஶோகேந கூலம் தோயஹதம் யதா² ॥ 15 ॥

தம் பத்³மத³ளபத்ராக்ஷம் ஸிம்ஹவிக்ராந்தகா³மிநம் ।
த⁴ந்யா꞉ பஶ்யந்தி மே நாத²ம் க்ருதஜ்ஞம் ப்ரியவாதி³நம் ॥ 16 ॥

ஸர்வதா² தேந ஹீநாயா ராமேண விதி³தாத்மநா ।
தீக்ஷ்ணம் விஷமிவாஸ்வாத்³ய து³ர்லப⁴ம் மம ஜீவிதம் ॥ 17 ॥

கீத்³ருஶம் து மயா பாபம் புரா ஜந்மாந்தரே க்ருதம் ।
யேநேத³ம் ப்ராப்யதே து³꞉க²ம் மயா கோ⁴ரம் ஸுதா³ருணம் ॥ 18 ॥

ஜீவிதம் த்யக்துமிச்சா²மி ஶோகேந மஹதா வ்ருதா ।
ராக்ஷஸீபி⁴ஶ்ச ரக்ஷ்யந்த்யா ராமோ நாஸாத்³யதே மயா ॥ 19 ॥

தி⁴க³ஸ்து க²லு மாநுஷ்யம் தி⁴க³ஸ்து பரவஶ்யதாம் ।
ந ஶக்யம் யத்பரித்யக்துமாத்மச்ச²ந்தே³ந ஜீவிதம் ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ பஞ்சவிம்ஶ꞉ ஸர்க³꞉ ॥ 25 ॥

ஸுந்த³ரகாண்ட³ ஷட்³விம்ஶ꞉ ஸர்க³꞉ (26)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

Did you see any mistake/variation in the content above? Click here to report mistakes and corrections in Stotranidhi content.