Vishnu Shatpadi Stotram – ஶ்ரீ விஷ்ணு ஷட்பதீ ஸ்தோத்ரம்

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஶ்ரீ விஷ்ணு ஷட்பதீ ஸ்தோத்ரம்

அவிநயமபநய விஷ்ணோ
த³மய மந꞉ ஶமய விஷயம்ருக³த்ருஷ்ணாம் ।
பூ⁴தத³யாம் விஸ்தாரய
தாரய ஸம்ஸாரஸாக³ரத꞉ ॥ 1 ॥

தி³வ்யது⁴நீமகரந்தே³
பரிமளபரிபோ⁴க³ஸச்சிதா³நந்தே³ ।
ஶ்ரீபதிபதா³ரவிந்தே³
ப⁴வப⁴யகே²த³ச்சி²தே³ வந்தே³ ॥ 2 ॥

ஸத்யபி பே⁴தா³பக³மே
நாத² தவா(அ)ஹம் ந மாமகீநஸ்த்வம் ।
ஸாமுத்³ரோ ஹி தரங்க³꞉
க்வசந ஸமுத்³ரோ ந தாரங்க³꞉ ॥ 3 ॥

உத்³த்⁴ருதநக³ நக³பி⁴த³நுஜ
த³நுஜகுலாமித்ர மித்ரஶஶித்³ருஷ்டே ।
த்³ருஷ்டே ப⁴வதி ப்ரப⁴வதி
ந ப⁴வதி கிம் ப⁴வதிரஸ்கார꞉ ॥ 4 ॥

மத்ஸ்யாதி³பி⁴ரவதாரை-
-ரவதாரவதாவதா ஸதா³ வஸுதா⁴ம் ।
பரமேஶ்வர பரிபால்யோ
ப⁴வதா ப⁴வதாபபீ⁴தோ(அ)ஹம் ॥ 5 ॥

தா³மோத³ர கு³ணமந்தி³ர
ஸுந்த³ரவத³நாரவிந்த³ கோ³விந்த³ ।
ப⁴வஜலதி⁴மத²நமந்த³ர
பரமம் த³ரமபநய த்வம் மே ॥ 6 ॥

நாராயண கருணாமய
ஶரணம் கரவாணி தாவகௌ சரணௌ ।
இதி ஷட்பதீ³ மதீ³யே
வத³நஸரோஜே ஸதா³ வஸது ॥ 7 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஷட்பதீ³ ஸ்தோத்ரம் ஸம்பூர்ணம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.