Sri Venkateswara Saranagathi Stotram (Saptarshi Kritam) – ஶ்ரீ வேங்கடேஶ்வர ஶரணாக³தி ஸ்தோத்ரம் (ஸப்தர்ஷி க்ருதம்)

ஸ்தோத்ரநிதி → ஶ்ரீ வேங்கடேஶ்வர ஸ்தோத்திரங்கள் → ஶ்ரீ வேங்கடேஶ்வர ஶரணாக³தி ஸ்தோத்ரம் (ஸப்தர்ஷி க்ருதம்)

ஶேஷாசலம் ஸமாஸாத்³ய கஶ்யபாத்³யா மஹர்ஷய꞉ ।
வேங்கடேஶம் ரமாநாத²ம் ஶரணம் ப்ராபுரஞ்ஜஸா ॥ 1 ॥

கலிஸந்தாரகம் முக்²யம் ஸ்தோத்ரமேதஜ்ஜபேந்நர꞉ ।
ஸப்தர்ஷிவாக்ப்ரஸாதே³ந விஷ்ணுஸ்தஸ்மை ப்ரஸீத³தி ॥ 2 ॥

கஶ்யப உவாச –
காதி³ஹ்ரீமந்தவித்³யாயா꞉ ப்ராப்யைவ பரதே³வதா ।
கலௌ ஶ்ரீவேங்கடேஶாக்²யா தாமஹம் ஶரணம் ப⁴ஜே ॥ 3 ॥

அத்ரிருவாச –
அகாராதி³க்ஷகாராந்தவர்ணைர்ய꞉ ப்ரதிபாத்³யதே ।
கலௌ ஸ வேங்கடேஶாக்²ய꞉ ஶரணம் மே ரமாபதி꞉ ॥ 4 ॥

ப⁴ரத்³வாஜ உவாச –
ப⁴க³வான் பா⁴ர்க³வீகாந்தோ ப⁴க்தாபீ⁴ப்ஸிததா³யக꞉ ।
ப⁴க்தஸ்ய வேங்கடேஶாக்²யோ ப⁴ரத்³வாஜஸ்ய மே க³தி꞉ ॥ 5 ॥

விஶ்வாமித்ர உவாச –
விராட்³விஷ்ணுர்விதா⁴தா ச விஶ்வவிஜ்ஞாநவிக்³ரஹ꞉ ।
விஶ்வாமித்ரஸ்ய ஶரணம் வேங்கடேஶோ விபு⁴꞉ ஸதா³ ॥ 6 ॥

கௌ³தம உவாச –
கௌ³ர்கௌ³ரீஶப்ரியோ நித்யம் கோ³விந்தோ³ கோ³பதிர்விபு⁴꞉ ।
ஶரணம் கௌ³தமஸ்யாஸ்து வேங்கடாத்³ரிஶிரோமணி꞉ ॥ 7 ॥

ஜமத³க்³நிருவாச –
ஜக³த்கர்தா ஜக³த்³ப⁴ர்தா ஜக³த்³த⁴ர்தா ஜக³ந்மய꞉ ।
ஜமத³க்³நே꞉ ப்ரபந்நஸ்ய ஜீவேஶோ வேங்கடேஶ்வர꞉ ॥ 8 ॥

வஸிஷ்ட² உவாச –
வஸ்துவிஜ்ஞாநமாத்ரம் யந்நிர்விஶேஷம் ஸுக²ம் ச ஸத் ।
தத்³ப்³ரஹ்மைவாஹமஸ்மீதி வேங்கடேஶம் ப⁴ஜே ஸதா³ ॥ 9 ॥

ஸப்தர்ஷிரசிதம் ஸ்தோத்ரம் ஸர்வதா³ ய꞉ படே²ந்நர꞉ ।
ஸோ(அ)ப⁴யம் ப்ராப்நுயாத்ஸத்யம் ஸர்வத்ர விஜயீ ப⁴வேத் ॥ 10 ॥

இதி ஸப்தர்ஷிபி⁴꞉ க்ருதம் ஶ்ரீ வேங்கடேஶ்வர ஶரணாக³தி ஸ்தோத்ரம் ।

---

மேலும் ஶ்ரீ வேங்கடேஶ்வர ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.