Srimad Bhagavadgita Chapter 18 – அஷ்டாத³ஶோ(அ)த்⁴யாய꞉ – மோக்ஷஸன்ன்யாஸயோக³꞉

ஸ்தோத்ரநிதி → ஶ்ரீமத்³ப⁴க³வத்³கீ³தா → 18. மோக்ஷஸன்ன்யாஸயோக³꞉

அர்ஜுந உவாச ।
ஸம்ந்யாஸஸ்ய மஹாபா³ஹோ தத்த்வமிச்சா²மி வேதி³தும் ।
த்யாக³ஸ்ய ச ஹ்ருஷீகேஶ ப்ருத²க் கேஶிநிஷூத³ந ॥ 1 ॥

ஶ்ரீப⁴க³வாநுவாச ।
காம்யாநாம் கர்மணாம் ந்யாஸம் ஸம்ந்யாஸம் கவயோ விது³꞉ ।
ஸர்வகர்மப²லத்யாக³ம் ப்ராஹுஸ்த்யாக³ம் விசக்ஷணா꞉ ॥ 2 ॥

த்யாஜ்யம் தோ³ஷவதி³த்யேகே கர்ம ப்ராஹுர்மநீஷிண꞉ ।
யஜ்ஞதா³நதப꞉கர்ம ந த்யாஜ்யமிதி சாபரே ॥ 3 ॥

நிஶ்சயம் ஶ்ருணு மே தத்ர த்யாகே³ ப⁴ரதஸத்தம ।
த்யாகோ³ ஹி புருஷவ்யாக்⁴ர த்ரிவித⁴꞉ ஸம்ப்ரகீர்தித꞉ ॥ 4 ॥

யஜ்ஞதா³நதப꞉கர்ம ந த்யாஜ்யம் கார்யமேவ தத் ।
யஜ்ஞோ தா³நம் தபஶ்சைவ பாவநாநி மநீஷிணாம் ॥ 5 ॥

ஏதாந்யபி து கர்மாணி ஸங்க³ம் த்யக்த்வா ப²லாநி ச ।
கர்தவ்யாநீதி மே பார்த² நிஶ்சிதம் மதமுத்தமம் ॥ 6 ॥

நியதஸ்ய து ஸம்ந்யாஸ꞉ கர்மணோ நோபபத்³யதே ।
மோஹாத் தஸ்ய பரித்யாக³ஸ்தாமஸ꞉ பரிகீர்தித꞉ ॥ 7 ॥

து³꞉க²மித்யேவ யத் கர்ம காயக்லேஶப⁴யாத் த்யஜேத் ।
ஸ க்ருத்வா ராஜஸம் த்யாக³ம் நைவ த்யாக³ப²லம் லபே⁴த் ॥ 8 ॥

கார்யமித்யேவ யத்கர்ம நியதம் க்ரியதே(அ)ர்ஜுந ।
ஸங்க³ம் த்யக்த்வா ப²லம் சைவ ஸ த்யாக³꞉ ஸாத்த்விகோ மத꞉ ॥ 9 ॥

ந த்³வேஷ்ட்யகுஶலம் கர்ம குஶலே நாநுஷஜ்ஜதே ।
த்யாகீ³ ஸத்த்வஸமாவிஷ்டோ மேதா⁴வீ சி²ந்நஸம்ஶய꞉ ॥ 10 ॥

ந ஹி தே³ஹப்⁴ருதா ஶக்யம் த்யக்தும் கர்மாண்யஶேஷத꞉ ।
யஸ்து கர்மப²லத்யாகீ³ ஸ த்யாகீ³த்யபி⁴தீ⁴யதே ॥ 11 ॥

அநிஷ்டமிஷ்டம் மிஶ்ரம் ச த்ரிவித⁴ம் கர்மண꞉ ப²லம் ।
ப⁴வத்யத்யாகி³நாம் ப்ரேத்ய ந து ஸம்ந்யாஸிநாம் க்வசித் ॥ 12 ॥

பஞ்சைதாநி மஹாபா³ஹோ காரணாநி நிபோ³த⁴ மே ।
ஸாங்க்²யே க்ருதாந்தே ப்ரோக்தாநி ஸித்³த⁴யே ஸர்வகர்மணாம் ॥ 13 ॥

அதி⁴ஷ்டா²நம் ததா² கர்தா கரணம் ச ப்ருத²க்³வித⁴ம் ।
விவிதா⁴ஶ்ச ப்ருத²க்சேஷ்டா தை³வம் சைவாத்ர பஞ்சமம் ॥ 14 ॥

ஶரீரவாங்மநோபி⁴ர்யத்கர்ம ப்ராரப⁴தே நர꞉ ।
ந்யாய்யம் வா விபரீதம் வா பஞ்சைதே தஸ்ய ஹேதவ꞉ ॥ 15 ॥

தத்ரைவம் ஸதி கர்தாரமாத்மாநம் கேவலம் து ய꞉ ।
பஶ்யத்யக்ருதபு³த்³தி⁴த்வாந்ந ஸ பஶ்யதி து³ர்மதி꞉ ॥ 16 ॥

யஸ்ய நாஹங்க்ருதோ பா⁴வோ பு³த்³தி⁴ர்யஸ்ய ந லிப்யதே ।
ஹத்வா(அ)பி ஸ இமான் லோகாந்ந ஹந்தி ந நிப³த்⁴யதே ॥ 17 ॥

ஜ்ஞாநம் ஜ்ஞேயம் பரிஜ்ஞாதா த்ரிவிதா⁴ கர்மசோத³நா ।
கரணம் கர்ம கர்தேதி த்ரிவித⁴꞉ கர்மஸங்க்³ரஹ꞉ ॥ 18 ॥

ஜ்ஞாநம் கர்ம ச கர்தா ச த்ரிதை⁴வ கு³ணபே⁴த³த꞉ ।
ப்ரோச்யதே கு³ணஸங்க்²யாநே யதா²வச்ச்²ருணு தாந்யபி ॥ 19 ॥

ஸர்வபூ⁴தேஷு யேநைகம் பா⁴வமவ்யயமீக்ஷதே ।
அவிப⁴க்தம் விப⁴க்தேஷு தத்³ஜ்ஞாநம் வித்³தி⁴ ஸாத்த்விகம் ॥ 20 ॥

ப்ருத²க்த்வேந து யஜ்ஜ்ஞாநம் நாநாபா⁴வான் ப்ருத²க்³விதா⁴ன் ।
வேத்தி ஸர்வேஷு பூ⁴தேஷு தஜ்ஜ்ஞாநம் வித்³தி⁴ ராஜஸம் ॥ 21 ॥

யத்து க்ருத்ஸ்நவதே³கஸ்மின் கார்யே ஸக்தமஹைதுகம் ।
அதத்த்வார்த²வத³ள்பம் ச தத் தாமஸமுதா³ஹ்ருதம் ॥ 22 ॥

நியதம் ஸங்க³ரஹிதமராக³த்³வேஷத꞉ க்ருதம் ।
அப²லப்ரேப்ஸுநா கர்ம யத்தத் ஸாத்த்விகமுச்யதே ॥ 23 ॥

யத்து காமேப்ஸுநா கர்ம ஸாஹங்காரேண வா புந꞉ ।
க்ரியதே ப³ஹுளாயாஸம் தத்³ராஜஸமுதா³ஹ்ருதம் ॥ 24 ॥

அநுப³ந்த⁴ம் க்ஷயம் ஹிம்ஸாமநபேக்ஷ்ய ச பௌருஷம் ।
மோஹாதா³ரப்⁴யதே கர்ம யத்தத் தாமஸமுச்யதே ॥ 25 ॥

முக்தஸங்கோ³(அ)நஹம்வாதீ³ த்⁴ருத்யுத்ஸாஹஸமந்வித꞉ ।
ஸித்³த்⁴யஸித்³த்⁴யோர்நிர்விகார꞉ கர்தா ஸாத்த்விக உச்யதே ॥ 26 ॥

ராகீ³ கர்மப²லப்ரேப்ஸுர்லுப்³தோ⁴ ஹிம்ஸாத்மகோ(அ)ஶுசி꞉ ।
ஹர்ஷஶோகாந்வித꞉ கர்தா ராஜஸ꞉ பரிகீர்தித꞉ ॥ 27 ॥

அயுக்த꞉ ப்ராக்ருத꞉ ஸ்தப்³த⁴꞉ ஶடோ² நைஷ்க்ருதிகோ(அ)லஸ꞉ ।
விஷாதீ³ தீ³ர்க⁴ஸூத்ரீ ச கர்தா தாமஸ உச்யதே ॥ 28 ॥

பு³த்³தே⁴ர்பே⁴த³ம் த்⁴ருதேஶ்சைவ கு³ணதஸ்த்ரிவித⁴ம் ஶ்ருணு ।
ப்ரோச்யமாநமஶேஷேண ப்ருத²க்த்வேந த⁴நஞ்ஜய ॥ 29 ॥

ப்ரவ்ருத்திம் ச நிவ்ருத்திம் ச கார்யாகார்யே ப⁴யாப⁴யே ।
ப³ந்த⁴ம் மோக்ஷம் ச யா வேத்தி பு³த்³தி⁴꞉ ஸா பார்த² ஸாத்த்விகீ ॥ 30 ॥

யயா த⁴ர்மமத⁴ர்மம் ச கார்யம் சாகார்யமேவ ச ।
அயதா²வத் ப்ரஜாநாதி பு³த்³தி⁴꞉ ஸா பார்த² ராஜஸீ ॥ 31 ॥

அத⁴ர்மம் த⁴ர்மமிதி யா மந்யதே தமஸா(ஆ)வ்ருதா ।
ஸர்வார்தா²ன் விபரீதாம்ஶ்ச பு³த்³தி⁴꞉ ஸா பார்த² தாமஸீ ॥ 32 ॥

த்⁴ருத்யா யயா தா⁴ரயதே மந꞉ப்ராணேந்த்³ரியக்ரியா꞉ ।
யோகே³நாவ்யபி⁴சாரிண்யா த்⁴ருதி꞉ ஸா பார்த² ஸாத்த்விகீ ॥ 33 ॥

யயா து த⁴ர்மகாமார்தா²ன் த்⁴ருத்யா தா⁴ரயதே(அ)ர்ஜுந ।
ப்ரஸங்கே³ந ப²லாகாங்க்ஷீ த்⁴ருதி꞉ ஸா பார்த² ராஜஸீ ॥ 34 ॥

யயா ஸ்வப்நம் ப⁴யம் ஶோகம் விஷாத³ம் மத³மேவ ச ।
ந விமுஞ்சதி து³ர்மேதா⁴ த்⁴ருதி꞉ ஸா பார்த² தாமஸீ ॥ 35 ॥

ஸுக²ம் த்விதா³நீம் த்ரிவித⁴ம் ஶ்ருணு மே ப⁴ரதர்ஷப⁴ ।
அப்⁴யாஸாத்³ரமதே யத்ர து³꞉கா²ந்தம் ச நிக³ச்ச²தி ॥ 36 ॥

யத்தத³க்³ரே விஷமிவ பரிணாமே(அ)ம்ருதோபமம் ।
தத்ஸுக²ம் ஸாத்த்விகம் ப்ரோக்தமாத்மபு³த்³தி⁴ப்ரஸாத³ஜம் ॥ 37 ॥

விஷயேந்த்³ரியஸம்யோகா³த்³யத்தத³க்³ரே(அ)ம்ருதோபமம் ।
பரிணாமே விஷமிவ தத் ஸுக²ம் ராஜஸம் ஸ்ம்ருதம் ॥ 38 ॥

யத³க்³ரே சாநுப³ந்தே⁴ ச ஸுக²ம் மோஹநமாத்மந꞉ ।
நித்³ராளஸ்யப்ரமாதோ³த்த²ம் தத் தாமஸமுதா³ஹ்ருதம் ॥ 39 ॥

ந தத³ஸ்தி ப்ருதி²வ்யாம் வா தி³வி தே³வேஷு வா புந꞉ ।
ஸத்த்வம் ப்ரக்ருதிஜைர்முக்தம் யதே³பி⁴꞉ ஸ்யாத் த்ரிபி⁴ர்கு³ணை꞉ ॥ 40 ॥

ப்³ராஹ்மணக்ஷத்ரியவிஶாம் ஶூத்³ராணாம் ச பரந்தப ।
கர்மாணி ப்ரவிப⁴க்தாநி ஸ்வபா⁴வப்ரப⁴வைர்கு³ணை꞉ ॥ 41 ॥

ஶமோ த³மஸ்தப꞉ ஶௌசம் க்ஷாந்திரார்ஜவமேவ ச ।
ஜ்ஞாநம் விஜ்ஞாநமாஸ்திக்யம் ப்³ரஹ்மகர்ம ஸ்வபா⁴வஜம் ॥ 42 ॥

ஶௌர்யம் தேஜோ த்⁴ருதிர்தா³க்ஷ்யம் யுத்³தே⁴ சாப்யபலாயநம் ।
தா³நமீஶ்வரபா⁴வஶ்ச க்ஷாத்ரம் கர்ம ஸ்வபா⁴வஜம் ॥ 43 ॥

க்ருஷிகௌ³ரக்ஷ்யவாணிஜ்யம் வைஶ்யகர்ம ஸ்வபா⁴வஜம் ।
பரிசர்யாத்மகம் கர்ம ஶூத்³ரஸ்யாபி ஸ்வபா⁴வஜம் ॥ 44 ॥

ஸ்வே ஸ்வே கர்மண்யபி⁴ரத꞉ ஸம்ஸித்³தி⁴ம் லப⁴தே நர꞉ ।
ஸ்வகர்மநிரத꞉ ஸித்³தி⁴ம் யதா² விந்த³தி தச்ச்²ருணு ॥ 45 ॥

யத꞉ ப்ரவ்ருத்திர்பூ⁴தாநாம் யேந ஸர்வமித³ம் ததம் ।
ஸ்வகர்மணா தமப்⁴யர்ச்ய ஸித்³தி⁴ம் விந்த³தி மாநவ꞉ ॥ 46 ॥

ஶ்ரேயான் ஸ்வத⁴ர்மோ விகு³ண꞉ பரத⁴ர்மாத் ஸ்வநுஷ்டி²தாத் ।
ஸ்வபா⁴வநியதம் கர்ம குர்வன் நாப்நோதி கில்பி³ஷம் ॥ 47 ॥

ஸஹஜம் கர்ம கௌந்தேய ஸதோ³ஷமபி ந த்யஜேத் ।
ஸர்வாரம்பா⁴ ஹி தோ³ஷேண தூ⁴மேநாக்³நிரிவாவ்ருதா꞉ ॥ 48 ॥

அஸக்தபு³த்³தி⁴꞉ ஸர்வத்ர ஜிதாத்மா விக³தஸ்ப்ருஹ꞉ ।
நைஷ்கர்ம்யஸித்³தி⁴ம் பரமாம் ஸம்ந்யாஸேநாதி⁴க³ச்ச²தி ॥ 49 ॥

ஸித்³தி⁴ம் ப்ராப்தோ யதா² ப்³ரஹ்ம ததா²(ஆ)ப்நோதி நிபோ³த⁴ மே ।
ஸமாஸேநைவ கௌந்தேய நிஷ்டா² ஜ்ஞாநஸ்ய யா பரா ॥ 50 ॥

பு³த்³த்⁴யா விஶுத்³த⁴யா யுக்தோ த்⁴ருத்யா(ஆ)த்மாநம் நியம்ய ச ।
ஶப்³தா³தீ³ன் விஷயாம்ஸ்த்யக்த்வா ராக³த்³வேஷௌ வ்யுத³ஸ்ய ச ॥ 51 ॥

விவிக்தஸேவீ லக்⁴வாஶீ யதவாக்காயமாநஸ꞉ ।
த்⁴யாநயோக³பரோ நித்யம் வைராக்³யம் ஸமுபாஶ்ரித꞉ ॥ 52 ॥

அஹங்காரம் ப³லம் த³ர்பம் காமம் க்ரோத⁴ம் பரிக்³ரஹம் ।
விமுச்ய நிர்மம꞉ ஶாந்தோ ப்³ரஹ்மபூ⁴யாய கல்பதே ॥ 53 ॥

ப்³ரஹ்மபூ⁴த꞉ ப்ரஸந்நாத்மா ந ஶோசதி ந காங்க்ஷதி ।
ஸம꞉ ஸர்வேஷு பூ⁴தேஷு மத்³ப⁴க்திம் லப⁴தே பராம் ॥ 54 ॥

ப⁴க்த்யா மாமபி⁴ஜாநாதி யாவான் யஶ்சாஸ்மி தத்த்வத꞉ ।
ததோ மாம் தத்த்வதோ ஜ்ஞாத்வா விஶதே தத³நந்தரம் ॥ 55 ॥

ஸர்வகர்மாண்யபி ஸதா³ குர்வாணோ மத்³வ்யபாஶ்ரய꞉ ।
மத்ப்ரஸாதா³த³வாப்நோதி ஶாஶ்வதம் பத³மவ்யயம் ॥ 56 ॥

சேதஸா ஸர்வகர்மாணி மயி ஸம்ந்யஸ்ய மத்பர꞉ ।
பு³த்³தி⁴யோக³முபாஶ்ரித்ய மச்சித்த꞉ ஸததம் ப⁴வ ॥ 57 ॥

மச்சித்த꞉ ஸர்வது³ர்கா³ணி மத்ப்ரஸாதா³த் தரிஷ்யஸி ।
அத² சேத் த்வமஹங்காராந்ந ஶ்ரோஷ்யஸி விநங்க்ஷ்யஸி ॥ 58 ॥

யத³ஹங்காரமாஶ்ரித்ய ந யோத்ஸ்ய இதி மந்யஸே ।
மித்²யைஷ வ்யவஸாயஸ்தே ப்ரக்ருதிஸ்த்வாம் நியோக்ஷ்யதி ॥ 59 ॥

ஸ்வபா⁴வஜேந கௌந்தேய நிப³த்³த⁴꞉ ஸ்வேந கர்மணா ।
கர்தும் நேச்ச²ஸி யந்மோஹாத் கரிஷ்யஸ்யவஶோ(அ)பி தத் ॥ 60 ॥

ஈஶ்வர꞉ ஸர்வபூ⁴தாநாம் ஹ்ருத்³தே³ஶே(அ)ர்ஜுந திஷ்ட²தி ।
ப்⁴ராமயன் ஸர்வபூ⁴தாநி யந்த்ராரூடா⁴நி மாயயா ॥ 61 ॥

தமேவ ஶரணம் க³ச்ச² ஸர்வபா⁴வேந பா⁴ரத ।
தத்ப்ரஸாதா³த் பராம் ஶாந்திம் ஸ்தா²நம் ப்ராப்ஸ்யஸி ஶாஶ்வதம் ॥ 62 ॥

இதி தே ஜ்ஞாநமாக்²யாதம் கு³ஹ்யாத்³கு³ஹ்யதரம் மயா ।
விம்ருஶ்யைதத³ஶேஷேண யதே²ச்ச²ஸி ததா² குரு ॥ 63 ॥

ஸர்வகு³ஹ்யதமம் பூ⁴ய꞉ ஶ்ருணு மே பரமம் வச꞉ ।
இஷ்டோ(அ)ஸி மே த்³ருட⁴மிதி ததோ வக்ஷ்யாமி தே ஹிதம் ॥ 64 ॥

மந்மநா ப⁴வ மத்³ப⁴க்தோ மத்³யாஜீ மாம் நமஸ்குரு ।
மாமேவைஷ்யஸி ஸத்யம் தே ப்ரதிஜாநே ப்ரியோ(அ)ஸி மே ॥ 65 ॥

ஸர்வத⁴ர்மான் பரித்யஜ்ய மாமேகம் ஶரணம் வ்ரஜ ।
அஹம் த்வா ஸர்வபாபேப்⁴யோ மோக்ஷயிஷ்யாமி மா ஶுச꞉ ॥ 66 ॥

இத³ம் தே நாதபஸ்காய நாப⁴க்தாய கதா³சந ।
ந சாஶுஶ்ரூஷவே வாச்யம் ந ச மாம் யோ(அ)ப்⁴யஸூயதி ॥ 67 ॥

ய இத³ம் பரமம் கு³ஹ்யம் மத்³ப⁴க்தேஷ்வபி⁴தா⁴ஸ்யதி ।
ப⁴க்திம் மயி பராம் க்ருத்வா மாமேவைஷ்யத்யஸம்ஶய꞉ ॥ 68 ॥

ந ச தஸ்மாந்மநுஷ்யேஷு கஶ்சிந்மே ப்ரியக்ருத்தம꞉ ।
ப⁴விதா ந ச மே தஸ்மாத³ந்ய꞉ ப்ரியதரோ பு⁴வி ॥ 69 ॥

அத்⁴யேஷ்யதே ச ய இமம் த⁴ர்ம்யம் ஸம்வாத³மாவயோ꞉ ।
ஜ்ஞாநயஜ்ஞேந தேநாஹமிஷ்ட꞉ ஸ்யாமிதி மே மதி꞉ ॥ 70 ॥

ஶ்ரத்³தா⁴வாநநஸூயஶ்ச ஶ்ருணுயாத³பி யோ நர꞉ ।
ஸோ(அ)பி முக்த꞉ ஶுபா⁴ன் லோகான் ப்ராப்நுயாத் புண்யகர்மணாம் ॥ 71 ॥

கச்சிதே³தச்ச்²ருதம் பார்த² த்வயைகாக்³ரேண சேதஸா ।
கச்சித³ஜ்ஞாநஸம்மோஹ꞉ ப்ரநஷ்டஸ்தே த⁴நஞ்ஜய ॥ 72 ॥

அர்ஜுந உவாச ।
நஷ்டோ மோஹ꞉ ஸ்ம்ருதிர்லப்³தா⁴ த்வத்ப்ரஸாதா³ந்மயாச்யுத ।
ஸ்தி²தோ(அ)ஸ்மி க³தஸந்தே³ஹ꞉ கரிஷ்யே வசநம் தவ ॥ 73 ॥

ஸஞ்ஜய உவாச ।
இத்யஹம் வாஸுதே³வஸ்ய பார்த²ஸ்ய ச மஹாத்மந꞉ ।
ஸம்வாத³மிமமஶ்ரௌஷமத்³பு⁴தம் ரோமஹர்ஷணம் ॥ 74 ॥

வ்யாஸப்ரஸாதா³ச்ச்²ருதவாநேதத்³கு³ஹ்யமஹம் பரம் ।
யோக³ம் யோகே³ஶ்வராத் க்ருஷ்ணாத் ஸாக்ஷாத் கத²யத꞉ ஸ்வயம் ॥ 75 ॥

ராஜன் ஸம்ஸ்ம்ருத்ய ஸம்ஸ்ம்ருத்ய ஸம்வாத³மிமமத்³பு⁴தம் ।
கேஶவார்ஜுநயோ꞉ புண்யம் ஹ்ருஷ்யாமி ச முஹுர்முஹு꞉ ॥ 76 ॥

தச்ச ஸம்ஸ்ம்ருத்ய ஸம்ஸ்ம்ருத்ய ரூபமத்யத்³பு⁴தம் ஹரே꞉ ।
விஸ்மயோ மே மஹான் ராஜன் ஹ்ருஷ்யாமி ச புந꞉ புந꞉ ॥ 77 ॥

யத்ர யோகே³ஶ்வர꞉ க்ருஷ்ணோ யத்ர பார்தோ² த⁴நுர்த⁴ர꞉ ।
தத்ர ஶ்ரீர்விஜயோ பூ⁴திர்த்⁴ருவா நீதிர்மதிர்மம ॥ 78 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ மோக்ஷஸம்ந்யாஸயோகோ³ நாம அஷ்டாத³ஶோ(அ)த்⁴யாய꞉ ॥ 18 ॥

ஶ்ரீ கீ³தா மாஹாத்ம்யம் >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.