Sri Lakshmi Gayatri Mantra Stuti – ஶ்ரீ லக்ஷ்மீ கா³யத்ரீ மந்த்ரஸ்துதி꞉

ஸ்தோத்ரநிதி → ஶ்ரீ லக்ஷ்மீ ஸ்தோத்திரங்கள் → ஶ்ரீ லக்ஷ்மீ கா³யத்ரீ மந்த்ரஸ்துதி꞉

ஶ்ரீர்லக்ஷ்மீ கல்யாணீ கமலா கமலாலயா பத்³மா ।
மாமகசேத꞉ ஸத்³மநி ஹ்ருத்பத்³மே வஸது விஷ்ணுநா ஸாகம் ॥ 1 ॥

தத்ஸதோ³ம் ஶ்ரீமிதிபதை³ஶ்சதுர்பி⁴ஶ்சதுராக³மை꞉ ।
சதுர்முக²ஸ்துதா மஹ்யமிந்தி³ரேஷ்டம் ப்ரயச்ச²து ॥ 2 ॥

ஸச்சித்ஸுக²த்ரயீமூர்தி ஸர்வபுண்யப²லாத்மிகா ।
ஸர்வேஶமஹிஷீ மஹ்யமிந்தி³ரேஷ்டம் ப்ரயச்ச²து ॥ 3 ॥

வித்³யா வேதா³ந்தஸித்³தா⁴ந்தவிவேசநவிசாரஜா ।
விஷ்ணுஸ்வரூபிணீ மஹ்யமிந்தி³ரேஷ்டம் ப்ரயச்ச²து ॥ 4 ॥

துரீயா(அ)த்³வைதவிஜ்ஞாநஸித்³தி⁴ஸத்தாஸ்வரூபிணீ ।
ஸர்வதத்த்வமயீ மஹ்யமிந்தி³ரேஷ்டம் ப்ரயச்ச²து ॥ 5 ॥

வரதா³(அ)ப⁴யதா³ம்போ⁴ஜத⁴ர பாணிசதுஷ்டயா ।
வாகீ³ஶஜநநீ மஹ்யமிந்தி³ரேஷ்டம் ப்ரயச்ச²து ॥ 6 ॥

ரேசகை꞉ பூரகை꞉ பூர்ணகும்ப⁴கை꞉ பூததே³ஹிபி⁴꞉ ।
முநிபி⁴ர்பா⁴விதா மஹ்யமிந்தி³ரேஷ்டம் ப்ரயச்ச²து ॥ 7 ॥

ணீத்யக்ஷரமுபாஸந்தோ யத்ப்ரஸாதே³ந ஸந்ததிம் ।
குலஸ்ய ப்ராப்நுயுர்மஹ்யமிந்தி³ரேஷ்டம் ப்ரயச்ச²து ॥ 8 ॥

யந்த்ரமந்த்ரக்ரியாஸித்³தி⁴ரூபா ஸர்வஸுகா²த்மிகா ।
யஜநாதி³மயீ மஹ்யமிந்தி³ரேஷ்டம் ப்ரயச்ச²து ॥ 9 ॥

ப⁴க³வத்யச்யுதே விஷ்ணாவநந்தே நித்யவாஸிநீ ।
ப⁴க³வத்யமலா மஹ்யமிந்தி³ரேஷ்டம் ப்ரயச்ச²து ॥ 10 ॥

கோ³விப்ரவேத³ஸூர்யாக்³நிக³ங்கா³பி³ல்வஸுவர்ணகா³ ।
ஸாலக்³ராமமயீ மஹ்யமிந்தி³ரேஷ்டம் ப்ரயச்ச²து ॥ 11 ॥

தே³வதா தே³வதாநாம் ச க்ஷீரஸாக³ரஸம்ப⁴வா ।
கல்யாணீ பா⁴ர்க³வீ மஹ்யமிந்தி³ரேஷ்டம் ப்ரயச்ச²து ॥ 12 ॥

வக்தி யோ வசஸா நித்யம் ஸத்யமேவ ந சாந்ருதம் ।
தஸ்மிந்யா ரமதே மஹ்யமிந்தி³ரேஷ்டம் ப்ரயச்ச²து ॥ 13 ॥

ஸ்யமந்தகாதி³மணயோ யத்ப்ரஸாதா³ம்ஶகாம்ஶகா꞉ ।
அநந்தவிப⁴வா மஹ்யமிந்தி³ரேஷ்டம் ப்ரயச்ச²து ॥ 14 ॥

தீ⁴ராணாம் வ்யாஸவால்மீகிபூர்வாணாம் வாசகம் தப꞉ ।
யத்ப்ராப்திப²லகம் மஹ்யமிந்தி³ரேஷ்டம் ப்ரயச்ச²து ॥ 15 ॥

மஹாநுபா⁴வைர்முநிபி⁴꞉ மஹாபா⁴கை³ஸ்தபஸ்விபி⁴꞉ ।
ஆராத்⁴யப்ரார்தி²தா மஹ்யமிந்தி³ரேஷ்டம் ப்ரயச்ச²து ॥ 16 ॥

ஹிமாசலஸுதாவாணீஸக்²யஸௌபா⁴க்³யலக்ஷணா ।
யா மூலப்ரக்ருதிர்மஹ்யமிந்தி³ரேஷ்டம் ப்ரயச்ச²து ॥ 17 ॥

தி⁴யா ப⁴க்த்யா பி⁴யா வாசா தப꞉ ஶௌசக்ரியார்ஜவை꞉ ।
ஸத்³பி⁴꞉ ஸமர்சிதா மஹ்யமிந்தி³ரேஷ்டம் ப்ரயச்ச²து ॥ 18 ॥

யோகே³ந கர்மணா ப⁴க்த்யா ஶ்ரத்³த⁴யா ஶ்ரீ꞉ ஸமாப்யதே ।
ஸத்யஶௌசபரைர்மஹ்யமிந்தி³ரேஷ்டம் ப்ரயச்ச²து ॥ 19 ॥

யோக³க்ஷேமௌ ஸுகா²தீ³நாம் புண்யஜாநாம் நிஜார்தி²நே ।
த³தா³தி த³யயா மஹ்யமிந்தி³ரேஷ்டம் ப்ரயச்ச²து ॥ 20 ॥

ந꞉ ஶரீராணி சேதாம்ஸி கரணாநி ஸுகா²நி ச ।
யத³தீ⁴நாநி ஸா மஹ்யமிந்தி³ரேஷ்டம் ப்ரயச்ச²து ॥ 21 ॥

ப்ரஜ்ஞாமாயுர்ப³லம் வித்தம் ப்ரஜாமாரோக்³யமீஶதாம் ।
யஶ꞉ புண்யம் ஸுக²ம் மஹ்யமிந்தி³ரேஷ்டம் ப்ரயச்ச²து ॥ 22 ॥

சோராரிவ்யாளரோகா³ர்ணக்³ரஹபீடா³நிவாரிணீ ।
அநீதீரப⁴யம் மஹ்யமிந்தி³ரேஷ்டம் ப்ரயச்ச²து ॥ 23 ॥

த³யாமாஶ்ரிதவாத்ஸல்யம் தா³க்ஷிண்யம் ஸத்யஶீலதாம் ।
நித்யம் யா வஹதே மஹ்யமிந்தி³ரேஷ்டம் ப்ரயச்ச²து ॥ 24 ॥

யா தே³வ்யவ்யாஜகருணா யா ஜக³ஜ்ஜநநீ ரமா ।
ஸ்வதந்த்ரஶக்திர்யா மஹ்யமிந்தி³ரேஷ்டம் ப்ரயச்ச²து ॥ 25 ॥

ப்³ரஹ்மண்யஸுப்³ரஹ்மண்யோக்தாம் கா³யத்ர்யக்ஷரஸம்மிதாம் ।
இஷ்டஸித்³தி⁴ர்ப⁴வேந்நித்யம் பட²தாமிந்தி³ராஸ்துதிம் ॥ 26 ॥

இதி ஶ்ரீ லக்ஷ்மீ கா³யத்ரீமந்த்ர ஸ்துதி꞉ ।

---

மேலும் ஶ்ரீ லக்ஷ்மீ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.