Yuddha Kanda Sarga 1 – யுத்³த⁴காண்ட³ ப்ரத²ம꞉ ஸர்க³꞉ (1)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ப்ரத²ம꞉ ஸர்க³꞉ (1)

॥ ஹநூமத்ப்ரஶம்ஸநம் ॥

ஶ்ருத்வா ஹநுமதோ வாக்யம் யதா²வத³பி⁴பா⁴ஷிதம் ।
ராம꞉ ப்ரீதிஸமாயுக்தோ வாக்யமுத்தரமப்³ரவீத் ॥ 1 ॥

க்ருதம் ஹநுமதா கார்யம் ஸுமஹத்³பு⁴வி து³ர்லப⁴ம் ।
மநஸா(அ)பி யத³ந்யேந ந ஶக்யம் த⁴ரணீதலே ॥ 2 ॥

ந ஹி தம் பரிபஶ்யாமி யஸ்தரேத மஹோத³தி⁴ம் । [மஹார்ணவம்]
அந்யத்ர க³ருடா³த்³வாயோரந்யத்ர ச ஹநூமத꞉ ॥ 3 ॥

தே³வதா³நவயக்ஷாணாம் க³ந்த⁴ர்வோரக³ரக்ஷஸாம் ।
அப்ரத்⁴ருஷ்யாம் புரீம் லங்காம் ராவணேந ஸுரக்ஷிதாம் ॥ 4 ॥

யோ வீர்யப³லஸம்பந்நோ த்³விஷத்³பி⁴ரநிவாரித꞉ ।
ப்ரவிஷ்ட꞉ ஸத்த்வமாஶ்ரித்ய ஶ்வஸந் கோ நாம நிஷ்க்ரமேத் ॥ 5 ॥

கோ விஶேத்ஸுது³ராத⁴ர்ஷாம் ராக்ஷஸைஶ்ச ஸுரக்ஷிதாம் ।
யோ வீர்யப³லஸம்பந்நோ ந ஸம꞉ ஸ்யாத்³த⁴நூமத꞉ ॥ 6 ॥

ப்⁴ருத்யகார்யம் ஹநுமதா ஸுக்³ரீவஸ்ய க்ருதம் மஹத் ।
ஏவம் விதா⁴ய ஸ்வப³லம் ஸத்³ருஶம் விக்ரமஸ்ய ச ॥ 7 ॥

யோ ஹி ப்⁴ருத்யோ நியுக்த꞉ ஸந் ப⁴ர்த்ரா கர்மணி து³ஷ்கரே ।
குர்யாத்தத³நுராகே³ண தமாஹு꞉ புருஷோத்தமம் ॥ 8 ॥

நியுக்தோ ய꞉ பரம் கார்யம் ந குர்யாந்ந்ருபதே꞉ ப்ரியம் ।
ப்⁴ருத்யோ யுக்த꞉ ஸமர்த²ஶ்ச தமாஹுர்மத்⁴யமம் நரம் ॥ 9 ॥

நியுக்தோ ந்ருபதே꞉ கார்யம் ந குர்யாத்³ய꞉ ஸமாஹித꞉ ।
ப்⁴ருத்யோ யுக்த꞉ ஸமர்த²ஶ்ச தமாஹு꞉ புருஷாத⁴மம் ॥ 10 ॥

தந்நியோகே³ நியுக்தேந க்ருதம் க்ருத்யம் ஹநூமதா ।
ந சாத்மா லகு⁴தாம் நீத꞉ ஸுக்³ரீவஶ்சாபி தோஷித꞉ ॥ 11 ॥

அஹம் ச ரகு⁴வம்ஶஶ்ச லக்ஷ்மணஶ்ச மஹாப³ல꞉ ।
வைதே³ஹ்யா த³ர்ஶநேநாத்³ய த⁴ர்மத꞉ பரிரக்ஷிதா꞉ ॥ 12 ॥

இத³ம் து மம தீ³நஸ்ய மநோ பூ⁴ய꞉ ப்ரகர்ஷதி ।
யதி³ஹாஸ்ய ப்ரியாக்²யாதுர்ந குர்மி ஸத்³ருஶம் ப்ரியம் ॥ 13 ॥

ஏஷ ஸர்வஸ்வபூ⁴தஸ்து பரிஷ்வங்கோ³ ஹநூமத꞉ ।
மயா காலமிமம் ப்ராப்ய த³த்தஶ்சாஸ்து மஹாத்மந꞉ ॥ 14 ॥

இத்யுக்த்வா ப்ரீதிஹ்ருஷ்டாங்கோ³ ராமஸ்தம் பரிஷஸ்வஜே ।
ஹநூமந்தம் மஹாத்மாநம் க்ருதகார்யமுபாக³தம் ॥ 15 ॥

த்⁴யாத்வா புநருவாசேத³ம் வசநம் ரகு⁴ஸத்தம꞉ । [நந்த³ந꞉]
ஹரீணாமீஶ்வரஸ்யைவ ஸுக்³ரீவஸ்யோபஶ்ருண்வத꞉ ॥ 16 ॥

ஸர்வதா² ஸுக்ருதம் தாவத்ஸீதாயா꞉ பரிமார்க³ணம் ।
ஸாக³ரம் து ஸமாஸாத்³ய புநர்நஷ்டம் மநோ மம ॥ 17 ॥

கத²ம் நாம ஸமுத்³ரஸ்ய து³ஷ்பாரஸ்ய மஹாம்ப⁴ஸ꞉ ।
ஹரயோ த³க்ஷிணம் பாரம் க³மிஷ்யந்தி ஸமாஹிதா꞉ ॥ 18 ॥

யத்³யப்யேஷ து வ்ருத்தாந்தோ வைதே³ஹ்யா க³தி³தோ மம ।
ஸமுத்³ரபாரக³மநே ஹரீணாம் கிமிவோத்தரம் ॥ 19 ॥

இத்யுக்த்வா ஶோகஸம்ப்⁴ராந்தோ ராம꞉ ஶத்ருநிப³ர்ஹண꞉ ।
ஹநுமந்தம் மஹாபா³ஹுஸ்ததோ த்⁴யாநமுபாக³மத் ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ப்ரத²ம꞉ ஸர்க³꞉ ॥ 1 ॥

யுத்³த⁴காண்ட³ த்³விதீய꞉ ஸர்க³꞉ (2) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.